Éxodo 37:29 - Biblia Enxet

²⁹ Apkelanak axta nahan Besalel pexmok égmenek ekpagkanamaxche kélmeykegko nak chá'a hẽlteméssesek nempagkanamaxche', tén han ma'a aqsok ekmátsa nak ekpaqneyam éten agkok, aptémól'a chá'a elanagkok sokmátsa m'a apkeláneykegkoho nak chá'a sokmátsa.

Éxodo 37:29 ပူးပေါင်းရင်းမြစ်များ

Salmos 141:2

Yána kaxhok ko'o sélmaxnagko aphakxa m'a aqsok ekmátsa nak ekpaqneyam éten agkok, yána kaxhok aqsok kélmésso naqsa nak chá'a taxnám ma'a sélya'asso nak chá'a néten emék,

Salmos 23:5

Ektámáxche ekyawe éláneyásak xép nápaqta'awók ma'a sélenmexma nak, éxpaqhássessek han épátek sokmátsa, elánessásawók han seyátegkesso sekya.

Salmos 92:10

Eyánchessáseykegkók ko'o exchep sekyennaqte, ekweykenxal'a ekyennaqte m'a weyke kennawo', éxpaqhássessegkek nahan épátek ma'a sokmátsa nak.

Éxodo 30:22

Appaqhetchessek axta Wesse' egegkok Moisés. Aptáhak axta apcháneya s'e:

Éxodo 37:28

Apkelánessek axta nahan yámet élwenaqte agkok ma'a yámet apkeñama nak wantep, tén axta apkelyepetchesa m'a sawo ekyátekto ekmomnáwa.

Eclesiastés 10:1

Ethápok chá'a xama yápa aphápak, emasseksohok chá'a ekpaqneyam sokmátsa ekmátsa nak ekpaqneyam. Ñohok agko' chá'a kahaxnaxkohok ma'a amya'a ekyeyháxma mékoho nak, megkaxnawok ma'a negya'áseykegkoho nak aqsok ekpayhawo nak eykhe kóláwho'.

Isaías 11:2

Exek sa' chá'a yókxoho ekhem takhapxet ma'a Wesse' Espíritu apagkok, egkések sa' apya'áséyak tén han apmopwána aqsok, apmopwána apkelxekmowáséyak apnámakkok, tén han apyennaqte, tén han apyekpelchémo tén han apkeye m'a Wesse' egegkok.

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Isaías 61:3

tén han yaqwayam almések apkelháxaqxo éltaqmalma megkatnaha nak táhap ma'a énxet'ák apkellegeykegkoho nak ekyentaxno apkelwáxok ma'a Sión, tén han sokmátsa ekpeykeseykekxoho nak egwáxok megkatnaha nak ma'a nenlekxagweykha, tén han negmeneykmasso nélpeykessamo, megkatnaha nak ma'a magya'áseyak nak nentáhakxa. Kólteméssesek sa' apkelwesey “Yenta'a élyennaqte élpéwomo éltémakxa” apkeneykekxa m'a Wesse' egegkok yaqwayam exekmósek apcheymákpoho.