Éxodo 32:27 - Biblia Enxet

²⁷ Aptáhak axta apkeláneya Moisés se'e: —Exchek aptáhak appeywa Wesse', aptáha nak Israel Dios apagkok se'e: ‘kólma sa' chá'a kélxama sawo ekwenaqte, kólmeyekxa sa' ma'a apkelpakxeneykegkaxa nak énxet, kólántaxnegwom sa' chá'a kélxama xama tegma kólnápok ma'a kélyáxeg, tén han ma'a kélmók kélxegexma nak chá'a, essenhan ma'a apha nak chá'a ketók kélxanák.’

Éxodo 32:27 ပူးပေါင်းရင်းမြစ်များ

2 Reyes 10:25

Appenchessek axta apmésso aqsok apwatno m'a Jehú, keñe aptáha apkeláneya apkelhaxneykha axta, tén han ma'a sẽlpextétamo apkelwesse'e nak: —¡Kólántex, kólnáhap! ¡Nágkólho yegketek xama enxoho! Apkelnapchek axta m'a Jehú apkelxegexma'a, sókwenaqte axta chá'a apkelyetxeyk, keñe apkexaya aqsa m'a. Tén axta apkelántaxna m'a kañe' tegma kélpeykessamókxa axta m'a Baal,

Éxodo 32:26

apkenmáha axta aqsa m'a nentaxnamakxa nak apkelpakxeneykegkaxa énxet'ák. Aptáhak axta s'e: —Énxet ektáhakxa enxoho apyetleykha Wesse' egegkok, hépetchegwaták sa' ko'o. Apyókxoho levitas axta nahan apkelyepetchegwa'akta'.

Éxodo 32:28

Apkelánegkek axta nahan levitas ma'a apkeltamhókxa axta etnahagkok ma'a Moisés, tres mil énxet axta nahan apwokmok apkeletsapma xa ekhem nak.

Éxodo 32:29

Tén axta aptáha Moisés se'e: —Sakhem kélpagkanáxko kéxegke kélteme kéltamheykha nápaqtók Wesse' egegkok, eñama megkólmeyágweykekxa chá'a kélxama m'a kélketche tén han kélmók chá'a m'a apyáxeg nak. Egkések sa' ektaqmalma kélheykha sakhem ma'a Wesse' egegkok.

Ezequiel 9:5

Tén axta sekleg'a nahan aptáha apkeláneya m'a nápakha énxet'ák nak: “Kólxeg kéxegkáxa neptámen, kólweynchamha m'a kañe' tegma apwányam, sa' kóleynhok apmonye' m'a tegma appagkanamap ahagkok nak, kólnáhap sa' meyke apkelmopyósa kóllanok xama enxoho m'a apkelwányamo nak, wokma'ák, kelán'a étkók, sakcha'áletkók tén han ma'a kelán'ák nak. Eyke nágkóllano m'a ekha nak kélqahasso.” Apcheynawók axta nahan sekxók apkelnapa m'a apkelwányamo nak, apheykha axta m'a apmonye' nak tegma appagkanamap.

Números 25:5

Keñe axta Moisés aptáha apkeláneya m'a énxet'ák segyekpelchémo israelitas: —Kólaqha sa' chá'a kélxama kéxegke énxet'ák kélagkok appasmeykekxa nak apkelpeykessamo m'a Baal-peor.

Deuteronomio 13:10

Elyetna sa' meteymog ekwokmoho apketsapa, eñama apmopmenyého ényókasek ma'a Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Deuteronomio 13:6

“Apyexákpók sa' agkok nahan yának elpeykeshok pók kéláyókxa méteya nak xép tén han melweteya axta m'a apyapmeyk nano', cham'a apyáxeg apagko' nak essenhan ma'a apketche apkenna nak, tén han ma'a kelwána nak, essenhan ma'a aptáwa' apchásekhayo nak, essenhan ma'a pók meyenyaweykha apagko' nak chá'a,