Éxodo 31:17 - Biblia Enxet

¹⁷ Katnehek sa' xama aqsok magkenatchesso ekpekkenamaxche nepyeseksa israelitas tén han ko'o xa.” Hakte seis ekhem axta weykmok ko'o sélane m'a néten tén han keso náxop, ko'o sektáha nak Wesse' kélagkok, keñe ekhem siete sélwátéssama sektamheykha, séllókassama sekyampe.

Éxodo 31:17 ပူးပေါင်းရင်းမြစ်များ

Génesis 1:31

Apwet'ak axta Dios éltaqmela ekyókxoho aqsok apkelane. Cháxa ekwokmo axta ekpenchásamáxche seis ekhem xa.

Job 38:7

neyseksa apkelmeneykmasso yaw'a apkelánteyapmól'a axto'o, neyseksa élpayheykekxa apkelwáxok yetlo apkelwónchesso m'a sélásenneykha apheykha nak néten?

Salmos 104:31

¡Megkamassegwomek apcheymákpoho Wesse' egegkok! ¡Kapeykessásekxak chá'a apwáxok Wesse' egegkok ma'a aqsok apkelane nak!

Éxodo 20:11

Hakte weykmek axta apkelane Wesse' egegkok seis ekhem ma'a néten, tén han keso náxop, tén han ma'a wátsam ekwányam nak, tén han ma'a ekyókxoho aqsok ekhéyak nak ma'a kañe', tén axta apkellókasa apyampe m'a ekhem siete. Cháxa keñamak apteméssessama nak ektaqmalma Wesse' egegkok ma'a ekhem sábado, apteméssessek axta nahan ekhem ekpagkanamaxche'.

Éxodo 31:13

“Elpaqhetches sa' xeyep apagko' ma'a israelitas; etne sa' elának se'e: ‘Kólteme chá'a kéláyo ekhem ahagkok sábado, hakte cháxa ekteme aqsok magkenatchesso kélnepyeseksa kéxegke xa tén han ko'o xa megkatnégwayam néxa, yaqwayam enxoho kólya'asagkohok ko'o, sektáha nak Wesse', sélyéseykencha'a kéxegke.

Éxodo 31:16

Apcháyo sa' chá'a etnehek israelitas ma'a élánamáxchexa nak chá'a néllókasso nélyampe ekhem sábado, ektémól'a m'a ekhémo mók nélpaqhetchasamáxkoho meyke néxa yókxoho apyeyam chá'a.

Isaías 58:13

“Kóltaqmelches chá'a ekhem sábado; nágkólyánmagkasaxche chá'a ekhem ahagkok ekpagkanamaxchexa nak. Kóltemésses ekhem ekpayheykekxexa kélwáxok xa ekhem nak, ekhem ekpagkanamaxche' apagkok ma'a Wesse' egegkok tén han ekpayhémókxa chá'a kaxének kélwáxok; nágkóltawasha, nágkóllána chá'a m'a aqsok kélmáheyo nak chá'a kóllána', nágkóltegyaha nahan chá'a m'a kélagkok kélagko' nak chá'a aqsok, nágkólyánmagkasaxche nahan chá'a.

Jeremías 32:41

Kapayhekxak sa' chá'a ko'o ewáxok ektaqmela enxoho chá'a sekteméssesakxa, axnésha sa' ko'o s'e apchókxa nak ekweykmoho kañók agko' ewáxok, tén han meyke ekyexamaxkoho ewáxok.”

Ezequiel 20:12

Élya'assásegweykmek axta nahan ma'a ekhem ahagkok sábado, yaqwayam enxoho katnehek magkenatchesso nepyeseksa m'a tén han ko'o xa, tén han ekxénweykekxoho chá'a apkelwáxok ektáha ko'o sekpagkanchesso, ko'o sektáha nak Wesse'.

Ezequiel 20:20

kóltemésses nahan chá'a ekpagkanamaxche m'a ekhem ahagkok sábado, yaqwayam sa' katnehek xama aqsok magkenatchesso kélnepyeseksa kéxegke tén han ko'o xa; keñe sa' kólya'ásegwók, sektáha ko'o Dios Wesse' kélagkok.