Éxodo 30:33 - Biblia Enxet

³³ Apkelanak sa' agkok xama énxet ekhémo xa pexmok égmenek nak, essenhan apkexpaqha'a enxoho aqsa m'a énxet metnaha nak yaqwayam kólteméssesek appagkanamap, kóltekkesek sa' nepyeseksa m'a énxet'ák apagkok.’”

Éxodo 30:33 ပူးပေါင်းရင်းမြစ်များ

Génesis 17:14

Kóltekkesek sa' eyke chá'a kélnepyeseksa kéxegke m'a megkólyenyekhássesso nak chá'a apyempehek, eñama melyaheykekxa m'a ekhémo mók nélpaqhetchásamáxkoho ahagkok.

Éxodo 12:15

Kóltawagkok sa' kelpasmaga meyke kempáseyak ekweykmoho siete ekhem; tásek sa' megkólpekkenek kempáseyak kélxanák se'e émha amonye' ekhem nak. Énxet ektáhakxa enxoho apto kelpasmaga ekyetlómo kempáseyak neyseksa s'e siete ekhem nak, kóltekkesek sa' nepyeseksa m'a énxet'ák Israel.

Éxodo 12:19

Siete ekhem sa' kammohok meyke kempáseyak ma'a kélxanák nak, hakte énxet ektáhakxa enxoho apto kelpasmaga ekyetlómo kempáseyak, kóltekkesek sa' ma'a kañe' Israel, megkeyxek sa' ma'a énxet apkeñama nak mók apkelókxa tén han ma'a apkelókxa apagko' nak.

Éxodo 29:33

Etawagkok sa', hakte cháxa kélmésso yaqwayam kataksek megkólyaqmagkáseykekxa apkeltémakxa melya'assáxma m'a apkelpagkanákpo axta yaqwayam etnahagkok apkelmaxnéssesso énxet'ák ahagkok, tén han apkelxawágko axta apkeltamheykha. Méko sa' eyke pók énxet enxoho apwanchek etwok xa aqsok nak, hakte élpagkanamaxche xa.

Éxodo 30:34

Aptáhak axta Wesse' egegkok apcháneya Moisés se'e: “Exnésho sa' nahan ekwánxa exchek aptegye aqsok élmátsa nak élpaqneyam se'e mók aqsok élmátsa nak élpaqneyam: yámet agye', aqsok aphék ekmátsa nak ekpaqneyam, tén han ma'a aqsok ekmátsa nak ekpaqneyam éten agkok, tén han ma'a yámet gálbano agye' ekmátsa nak ekpaqneyam.

Éxodo 30:38

Énxet ektáhakxa enxoho apkelane ekhémo xa aqsok ekmátsa nak ekpaqneyam éten agkok yaqwayam etnehek apmeykha, kóltekkesek sa' nepyeseksa m'a énxet'ák apagkok.”

Éxodo 31:14

Ekhem ekpagkanamaxche kélagkok sa' kóltéhek kéxegke m'a sábado, kólteme sa' chá'a kéláyo. Énxet ektáhakxa enxoho megyáyo xa ekhem nak, ematñekxak sa'. Keñe nahan énxet aptamheykha enxoho xa ekhem nak, kóltekkesek sa' nepyeseksa m'a aphawóxama.

Levítico 17:10

“Altaqnaweygkok sa' ko'o apyókxoho israelitas, essenhan ma'a apkeleñama nak mók apkelókxa, apheykha nak kélnepyeseksa kéxegke, aptéyak nak chá'a ápetek yetlo éma. Atekkesek sa' chá'a ko'o nepyeseksa m'a énxet'ák apagkok.

Levítico 17:14

hakte éma ekteme ekmésso élyennaqte m'a ekyókxoho aqsok ekha nak élennama. Cháxa keñamak séltamho nak megkóltewek ma'a ápetek ekyetlómo nak éma, hakte cha'a ekmésso élyennaqte m'a ekyókxoho aqsok ekha nak élennama, énxet ektáhakxa enxoho apto, kóltekkesek sa'.

Levítico 17:4

tén han mesánto enxoho m'a nentaxnamakxa nak kélpakxanma apchaqneykekxexa nak chá'a énxet'ák, yaqwayam etnéssesek aqsok apmésso naqsa Wesse' egegkok ma'a ekpayhókxa nak kélpakxanma appagkanamap apagkok, exénakpok sa' ektáha ekyetno apyógkexma, kóltekkesek sa' ma'a nepyeseksa nak énxet'ák apagkok.

Levítico 17:9

melsákxo enxoho m'a nentaxnamakxa nak kélpakxanma apchaqneykekxexa nak chá'a énxet'ák, yaqwayam elmések ma'a Wesse' egegkok, kóltekkesek sa' chá'a nepyeseksa énxet'ák apagkok.

Levítico 18:29

Kélxama ektáhakxa enxoho kéllane xa aqsok ekmaso nak, kóltekkesek sa' nepyeseksa énxet'ák apagkok.

Levítico 19:8

énxet ektáhakxa enxoho apto, kaphewakxak sa' mey'assáxma, kóltekkesek sa' nepyeseksa énxet'ák apagkok, eñama aptawáseykha m'a aqsok kélpagkanchesso nak Wesse' egegkok.

Levítico 20:17

“Apmákxeyk sa' agkok apyáxeg kelwána xama énxet etnehek aptáwa', apketche nak ma'a apyáp, essenhan ma'a egken, tén han apteméssessekmoho enxoho exma, kólántekkesek sa' han nápaqta'awók eyókxa xamo' xa ánet nak, hakte cham'a nenteméssesseykmoho nak exma egyáxeg egagko', ekteme aqsok segmegqassamo. Kaphewakxak sa' apsexnánémap énxet apteme nak xa.

Levítico 20:18

“Énxet apteméssesseykmoho enxoho exma xama kelán'a ekyenyaweykekxa ekto, kólántekkesek sa' nepyeseksa énxet'ák agkok xa ánet nak, élmanyása émpe'ék sa' han katnahagkok xa ánet nak, hakte megkaláneykegkok ma'a negánémaxchexa nak antéhek, eyánémaxchexa nak katnehek kelán'a neyseksa ekyenyaweykekxa ekto.

Levítico 20:3

Wanmexek sa' ko'o xa énxet nak, atekkesek sa' nepyeseksa énxet'ák apagkok, eñama apkenyetsésso m'a kélpakxanma appagkanamap ahagkok, tén han aptawáseykha m'a sekwesey ekpagkanamaxche' apkelméssama apketchek ma'a dios Moloc.

Levítico 22:3

“Eltennés sa' apyókxoho aptawán'ák neptámen apseykekxa nak chá'a aqsok élpagkanamaxche', yetlo élmanyása apyempe'ék, apkelpagkanchesso nak chá'a Wesse' egegkok ma'a israelitas, kóltekkesek sa' sekhakxa nak. Ko'o sekteme Wesse'.

Levítico 23:29

Énxet apto enxoho apto xa ekhem nak, kóltekkesek sa' nepyeseksa énxet'ák apagkok.

Números 15:30

“Apkelanak sa' agkok mey'assáxma xama énxet apmáheyo apagko' nak elána', cham'a israelitas, essenhan ma'a apkeñama nak mók apkelókxa, sewanyeyncha'a enxoho ko'o. Ematñekxak sa' nepyeseksa énxet'ák apagkok xa énxet nak,

Números 15:31

hakte apwanyawók ma'a sekpeywa nak ko'o, melanak han ma'a séltémókxa nak etnehek; ematñekxak sa' nepyeseksa m'a énxet'ák, apsexnánémap apagko' aptémakxa ekmaso.”

Números 19:13

Appaknegwokmók agkok xama énxet kélhápak, keñe memópesákxo enxoho apyempehek, yenyetseksek sa' ma'a Wesse' egegkok kélpakxanma appagkanamap apagkok, kólmasséssók sa' nahan ma'a kañe' Israel. Ekmanyása apyempehek sa' katnehek, eñama megkólexpaqheykha m'a yegmen ekmopeyáseykekxa nak egyempehek.

Números 19:20

Yetneyk sa' agkok xama énxet ekmanyása apyempehek, megyaxñáseykekxa apyempehek, ematñekxak sa' nepyeseksa m'a énxet'ák apagkok, hakte apkenyetséssek ma'a Wesse' egegkok tegma appagkanamap apagkok. Ekmanyása apyempehek aqsa chá'a aptemék, hakte megkólexpaqheykha m'a yegmen segáxñassáseykekxoho nak egyempehek.

Números 4:18

“Nágkólho aqsa emassegwók Quehat aptawán'ák neptámen nepyeseksa m'a levitas.

Números 9:13

Kóltekkesek sa' eyke chá'a nepyeseksa énxet'ák apagkok ma'a apkelwátesseyam nak chá'a apkelane melwagqayam ekhem Pascua neyseksa eykhe ekteme ekmópeyo apyempehek, tén han mexña mók nekha. Exkak sa' kéllegassáseykegkoho aptémakxa mey'assáxma eñama meseykekxésso aqsok apmésso naqsa Wesse' egegkok ma'a ekhem ekpekkenamaxchexa nak.