Éxodo 30:24 - Biblia Enxet

²⁴ tén sa' seis kilos nahan ma'a yámet casia émpe'ék, ekhawo nak ekyentaxno kelyetsátéyak kélmeykha nak chá'a m'a kélpakxanma appagkanamap tén sa' ántánxo litros náxet mók ma'a oliva pexmok égmenek agkok nak.

Éxodo 30:24 ပူးပေါင်းရင်းမြစ်များ

Salmos 45:8

Apkelpaqneykmók apkelnaqta m'a aqsok ánek ekmátsa nak ekpaqneyam, tén han áloe, tén han canela; kélpeykessáseykekxeyk apwáxok kélpáwássessama yát'axpog ma'a apxagkok apkelyawe nak, kélnáxegkáseykha nak yánnapóxeg apma'ák.

Éxodo 29:40

Ánet kilos sa' nahan egkések hótáhap aptaqmalma apagko' ma'a apkemha apmonye' nak nepkések apketkok, kélenchaheykekxa nak xama litro oliva pexmok égmenek agkok, yexpaqha sa' nahan xama litro anmen yámet égmenek etnéssesek aqsok segkésso naqsa ko'o.

Éxodo 30:23

“Elyésha sa' apagko' xép ma'a yámet éltaqmalma élmátsa nak élpaqneyam: seis kilos sa' ma'a mirra agye' ektaqmalma, tén sa' ántánxo kilos ma'a canela, tén sa' ántánxo kilos ma'a yámpa'at;

Éxodo 30:25

Elána sa' pexmok égmenek ekpagkanamaxche kélexpaqhayól'a chá'a kólteméssesek appagkanamap énxet xa ekyókxoho nak, aptémól'a énxet apkeláneyo nak chá'a sokmátsa elának ma'a sokmátsa apagkok. Sa' katnehek pexmok égmenek ekpagkanamaxche kélmeykegko nak chá'a kólteméssesek appagkanamap énxet xa.

Ezequiel 45:12

“Ekhawo nahan ma'a kélyetsáteyak nak chá'a ekwánxa ekyentaxno xama aqsok: veinte geras katnehek chá'a xama siclo once gramos; keñe sesenta siclos katnehek chá'a m'a xama mina.

Levítico 19:36

Kólmaha chá'a kelyetsáteyak ekhémo nak chá'a élyetsátéyak ekwánxa ekyentaxno xama aqsok. Ko'o sekteme Dios Wesse' kélagkok, ektáha axta sélántekkesso m'a Egipto.

Números 15:5

Keñe han ma'a apnaqtósso apkelnapma nak, épetcheshok sa' nahan chá'a xama litro vino apmésso naqsa chá'a m'a xama nepkések apketkok.

Números 3:47

elmaxna sa' chá'a cinco sawo' selyaqye élmope xama énxet, ekweykenxa nak chá'a ekmomaxche m'a tegma appagkanamap, cham'a sawo' selyaqye ekweykmoho nak ekyentaxno once gramos,