Éxodo 30:23 - Biblia Enxet

²³ “Elyésha sa' apagko' xép ma'a yámet éltaqmalma élmátsa nak élpaqneyam: seis kilos sa' ma'a mirra agye' ektaqmalma, tén sa' ántánxo kilos ma'a canela, tén sa' ántánxo kilos ma'a yámpa'at;

Éxodo 30:23 ပူးပေါင်းရင်းမြစ်များ

1 Reyes 1:39

Axta apmohok apkelmaxnéssesso Dios énxet'ák apagkok Sadoc, aqsok egkepetek ekyetnama axta m'a kélpakxanma appagkanamap nak yetlo pexmok égmenek kélyeta, apyegkenchessek axta apqátek Salomón apteméssesa wesse' apwányam. Yetlókok axta han kélpáwasso nepkések apkennawók apkepetek, keñe axta apyókxoho énxet'ák aptáha apkelyennaqtésawo apkelpeywa s'e: “¡Memassegwomek sa' wesse' apwányam Salomón!”

1 Crónicas 9:29

Nápakha axta han apkeltaqmelchesso m'a nekha nak aqsok kélmeykha, tén han ma'a aqsok élpagkanamaxche nak, tén han ma'a hótáhap, vino, pexmok égmenek, aqsok ekmátsa nak ekpaqneyam éten agkok, keñe han ma'a pánaqte ekmátsa nak ekpaqneyam.

1 Crónicas 9:30

Nápakha apkelmaxnéssesso Dios énxet'ák apagkok axta chá'a apkencheheykekxa mók ma'a pánaqte ekmátsa nak ekpaqneyam;

Salmos 45:8

Apkelpaqneykmók apkelnaqta m'a aqsok ánek ekmátsa nak ekpaqneyam, tén han áloe, tén han canela; kélpeykessáseykekxeyk apwáxok kélpáwássessama yát'axpog ma'a apxagkok apkelyawe nak, kélnáxegkáseykha nak yánnapóxeg apma'ák.

Éxodo 25:6

cháléwasso égmenek, sokmátsa yaqwayam nak kólenchehekxak ma'a pexmok égmenek kélmeykencha'awól'a chá'a hẽlteméssesek nempagkanamaxche', tén han yaqwayam nak kólyepetchesek ma'a aqsok ekmátsa nak ekpaqneyam éten agkok,

Éxodo 30:22

Appaqhetchessek axta Wesse' egegkok Moisés. Aptáhak axta apcháneya s'e:

Éxodo 30:24

tén sa' seis kilos nahan ma'a yámet casia émpe'ék, ekhawo nak ekyentaxno kelyetsátéyak kélmeykha nak chá'a m'a kélpakxanma appagkanamap tén sa' ántánxo litros náxet mók ma'a oliva pexmok égmenek agkok nak.

Éxodo 31:11

tén han ma'a pexmok égmenek kélexpaqhayól'a kólteméssesek appagkanamap énxet tén han ma'a aqsok ekmátsa nak ekpaqneyam éten agkok yaqwayam nak kólmaha m'a kañe' kélpakxanma appagkanamap. Elanagkok sa' ekyókxoho m'a, séltamhókxa axta ko'o etnehek xeyep.”

Éxodo 35:28

tén han ma'a sokmátsa, pexmok égmenek yaqwayam chá'a kápogwatchesek ma'a cháléwasso, tén han ma'a pexmok égmenek yaqwayam nak chá'a kólmaha hẽlteméssesek nempagkanamaxche', tén han ma'a aqsok ekmátsal'a ekpaqneyam éten agkok.

Éxodo 37:29

Apkelanak axta nahan Besalel pexmok égmenek ekpagkanamaxche kélmeykegko nak chá'a hẽlteméssesek nempagkanamaxche', tén han ma'a aqsok ekmátsa nak ekpaqneyam éten agkok, aptémól'a chá'a elanagkok sokmátsa m'a apkeláneykegkoho nak chá'a sokmátsa.

Proverbios 7:17

éxpaqhákxók xeyk han ma'a aqsok ánek ekmátsa nak ekpaqneyam, tén han mók aqsok élmátsa nak élpaqneyam.

Cantares 1:13

Ekhéssamók ko'o sekpagkanma m'a ektémól'a nahápa apketkok kélxatal'a aqsok ánek ekmátsa ekpaqneyam, sekmakheyáseykencha'a nak chá'a nepyeseksa neme ahagkok.

Cantares 1:3

Atsók agkók chá'a atekhánek ekpaqneyam ma'a sokmátsa apagkok, máxa entemék apwesey m'a sokmátsa élyegkenamaxchel'a. ¡Cháxa keñamak ekmámenyého nak chá'a m'a kelán'a étkók!

Cantares 4:14

tén han ma'a pánaqte exnók élmope élmátsa nak élpaqneyam tén han ma'a pánaqte exnók ekwesey nak Azafrán, yámpa'at ekmátsa nak ekpaqneyam, tén han ma'a yámet canela ekmátsal'a ekpaqneyam, tén han ma'a ekyókxoho mók ektémakxa nak chá'a yenta'a élyawe élmátsa nak élpaqneyam éten agkok, tén han ma'a yámet ekmátsa nak ekpaqneyam ánek, tén han ma'a hó kentem; ¡ekyókxoho yámet élmátsa nak élpaqneyam!

Isaías 43:24

Mehetegyessók ma'a pa'at ekmátsal'a ekpaqneyam yaqwayam enxoho hesantagkasek etnehek aqsok segkésso naqsa, mehepeykessáseykekxak ewáxok hesantagkasek ma'a apnaqtósso apkelnapma nak pexmok agkok. Keñe ko'o éleklágwokmek ma'a mey'assáxma nak xép; eyampóssekmek ma'a aptémakxa ekmaso nak.

Jeremías 6:20

¿Yaqsa ektáha sélsántegkesa nak ko'o kéxegke aqsok ánek ekmátsa nak ekpaqneyam éten agkok éleñama nak Sabá, tén han yámet ekmátsa nak ekpaqneyam éleñama nak ma'a apkelókxa makhawók agko'? Megkalchek ko'o ewáxok ma'a aqsok kélwatno nak, tén han ma'a mók aqsok kélnaqtósso kélnapma nak.”

Ezequiel 27:19

Yókxexma Uzal axta kañék chá'a kélseykentegkesso m'a anmen yámet égmenek ekyaqmageykekxa m'a aqsok apkexeykekxa, tén han ma'a sawo ekyentaxno kélpenchesso nak kéllane, tén han ma'a yámet émpe'ék ekmátsal'a ekpaqneyam tén han ma'a yámpa'at ekmátsal'a ekpaqneyam.

Ezequiel 27:22

Axta nahan aptegyágweyktamxa chá'a aqsok apkexeykekxa exchep ma'a énxet'ák ekha axta nahan aqsok apkexeykekxa m'a yókxexma Sabá tén han ma'a Raamá, eyánmagkasek axta chá'a aqsok apkelma m'a sokmátsa élmátsa agko' nak élpaqneyam, yetlo m'a meteymog éltaqmalma nak tén han ma'a sawo ekyátekto élmomnáwa nak.

Números 4:16

Eleazar sa' etnehek apkeláneykha m'a pexmok égmenek, kélanchesso nak chá'a kélmeykha m'a cháléwasso, Aarón apketche apteme nak apkelmaxnéssesso Dios énxet'ák apagkok, tén han ma'a aqsok ánek ekmátsa nak ekpaqneyam, tén han ma'a aqsok ekyexna kélcheneykekxa nak, peya sa' chá'a hélmések, tén han ma'a pexmok égmenek sẽltexneykegkohol'a hẽlteméssesek nempagkanamaxche'. Sa' etnehek nahan aptaqmelchesso m'a tegma appagkanamap nak, tén han ma'a ekyókxoho aqsok ekhéyak nak ma'a kañe', tén han ma'a aqsok élpagkanamaxche apagkok nak.”

1 Samuel 10:1

Apmeyk axta Samuel kélyeta pexmok égmenek, apyegkenchessek axta apqátek ma'a Saúl, appathetchek axta appeykesa keñe aptáha apcháneya s'e: —Appagkanchek xép Wesse' egegkok sakhem yaqwayam etnehek apkemha apmonye' apkeltaqmelchessesso m'a énxet'ák Israel, ektáha nak apagkok. Xeyep sa' etnehek apkemha apmonye' apkeltaqmelchesso, elmallahanchesek sa' nepyeseksa apkelenmexma apwakhaya nak. Keso yaqwayam sa' ékpelkohok xép apteméssesa Wesse' egegkok apkemha apmonye', apkeltaqmelchesso m'a énxet'ák apagkok: