Éxodo 3:18 - Biblia Enxet

¹⁸ Elyahakxohok sa' nahan xeyep aptáhakxa m'a apkelámha apmonye'e nak; tén sa' xép exog etnehek apkelxegexma'a ey'ammok ma'a wesse' apwányam Egipto. Sa' etnehek yának se'e: ‘Enxekmowásekpok axta negko'o m'a Wesse' egegkok, aptáha nak hebreos Dios apagkok, hẽgho sa' negko'o ólmahagkok ma'a yókxexma meykexa nak énxet, cham'a ekweykmoho nak ántánxo ekhem nenxega agwomok, yaqwayam enxoho agmések negko'o aqsok kélnaqtósso ektekyawa m'a Dios Wesse' egegkok.’

Éxodo 3:18 ပူးပေါင်းရင်းမြစ်များ

Génesis 12:1

Aptáhak axta Wesse' egegkok apcháneya Abram se'e: “Etyep sa' apchókxa', ekxa sa' apnámakkok, etyep sa' han apyáp apxagkok, emhók sa' ma'a xapop yaqwánxa nak ko'o axekmósek.

Génesis 14:13

Tén axta xama énxet apxegányam axta apkeltennássa'akto Abram, apteme nak hebreo, aphama axta m'a élámhakxa nak yámet naxma apagkok ma'a Mamré, apteme axta amorreo, Mamré axta apyáxeg ma'a Escol tén han Aner. Abram axta han appasmeykekxa xa.

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

Génesis 17:1

Apxekmowáseykpók axta Wesse' egegkok Abram, ektéma axta noventa y nueve apyeyam apagkok. Aptáhak axta apcháneya s'e: —Ko'o sekteme Dios ekha sekyennaqte, etne ekpéwomo aptémakxa nahaqtók ko'o.

Génesis 48:3

Aptáhak axta apcháneya José s'e: —Exekmowásamákpók axta ko'o Dios ekha nak apyennaqte m'a tegma apwányam Luz, yókxexma nak Canaán, aptáhak axta seyáneya apkeltamho kataqmelhok sekha s'e

2 Crónicas 30:12

Dios axta han apkelánésawok apkelwáxok ma'a énxet'ák Judá, yaqwayam enxoho kaxhok mók ekleklamo apkelwáxok elanagkok ma'a apkeltémókxa axta etnahagkok ma'a wesse' apwányam, tén han ma'a apkelámha apmonye'e, apkeltémókxa axta etnahagkok ma'a Wesse' egegkok.

Salmos 110:3

Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

Éxodo 10:3

Apkelxegkek axta apkelya'aweykxo faraón ma'a Moisés tén han Aarón. Aptáhak axta apcháneya s'e: —Exchek aptáhak Wesse' egegkok, aptáha nak hebreos Dios apagkok se'e: ‘¿Háxko ekwánxa kamassegwók ekyennaqte apwáxok nahaqtók ko'o? Yoho elxog énxet'ák ahagkok, yaqwayam sa' hélpeykesho';

Éxodo 17:5

Keñe axta m'a Wesse' egegkok apchátegmowágkokxo. Aptáhak axta apcháneya s'e: —Etnegwakxa sa' apmonye'e énxet'ák, yána sa' nahan elyetlók pók xam'a m'a apkelámha apmonye'e nak Israel. Eswoho sa' nahan ma'a yámet kéltasqapeykha aptekpaga axta m'a wátsam, tén sa' exog.

Éxodo 19:1

Apkelwokmek axta israelitas yókxexma meykexa nak énxet Sinaí natámen axta ekwayam apqántánxo pelten apkelánteyapma m'a Egipto.

Éxodo 25:22

Sa' ótak chá'a exchep ma'a, néten nak ma'a átog, nepyeseksa nak ma'a apqánet kéleykmássesso sélásenneykha ekha apxempenák, cham'a apheykha nak ma'a néten yántéseksek ekhémo mók nélpaqhetchásamáxkoho ahagkok nak, altennaksek sa' chá'a m'a ekyókxoho séltamhókxa enxoho chá'a etnahagkok ma'a israelitas.

Éxodo 3:12

Tén axta aptáha apchátegmowágkokxo Dios se'e: —Ko'o sa' atnehek sekxegexma exchep. Sa' katnehek magkenatchesso ektáha ko'o exchep seyáphasso apkelántekkesa sa' Egipto m'a énxet'ák ahagkok. Kélyókxoho sa' hélpeykeshok ko'o s'e néten egkexe nak.

Éxodo 3:16

Exeg, yánchásekxa sa' ma'a apkelámha apmonye'e nak Israel. Sa' etnehek elának se'e: ‘Exekmowásekpok axta ko'o m'a Wesse' egegkok, cham'a Dios apagkok axta m'a kélyapmeyk nano' axta kéxegke, cham'a Abraham, Isaac, tén han ma'a Jacob axta Dios apagkok, tén han séltennasa ko'o apkeláneykencha'a kéxegke, apxéna nahan apwetaya kélteméssessamakxa m'a Egipto.

Éxodo 30:36

Etnésses sa' ánek agko' etekxók ma'a nekha nak, epekken sa' ma'a amonye' nak yántéseksek ekhémo mók nélpaqhetchasamáxkoho, cham'a kélpakxanma apchaqneykekxexa nak chá'a énxet'ák, yaqwánxa sa' chá'a ko'o ótak xeyep. Ekpagkanamaxche agkók sa' katnehek xa aqsok ekmátsa nak ekpaqneyam éten agkok, kélagkok kéxegke,

Éxodo 30:6

Epekken sa' ekwatnamáxchexa aqsok ma'a halep nak apáwa apkexyawe kélapma m'a yántéseksek ekhémo mók nélpaqhetchásamáxkoho, amonye' nak ma'a átog kélapma, cham'a yaqwánxa sa' chá'a ótak xeyep.

Éxodo 4:1

Apchátegmowágkokxeyk axta m'a Moisés. Aptáhak axta s'e: —meheyeyxók sa' eyke ko'o m'a. Mehelyahakxék sa' nahan. Sa' aqsa etnehek heyának se'e: ‘Mexekmowásamákpohok xép ma'a Wesse' egegkok.’

Éxodo 4:23

Éltennássek axta exchep séltamho yohok etyapok hatte, yaqwayam enxoho exog hélpeykesho'. Waqhássesek sa' ko'o exchep ma'a apketche átnaha apketkok nak, eñama megyahayo etyapok.’

Éxodo 4:24

Apyephagwa'ak axta Wesse' egegkok apya'awa Moisés apmako yaqhek, cham'a ámay aphámxa axta apmakókxa etyenek axta'a yetlo aptáwa' tén han ma'a apketche.

Éxodo 4:31

Tén axta m'a énxet'ák nak maxta elya'ássekmok. Xama axta apkelya'ásegwokmo apkeláneykencha'a Wesse' egegkok tén han apweteya ektémakxa apkellegeykegkoho. Apkelháxahánteyk axta apkeltekxeyágko aptapnák xapop apkelpeykásawo.

Éxodo 5:1

Keñe axta natámen xa, apyo'ókmek axta Moisés tén han Aarón peya etnehek yának faraón se'e: —Keso aptáhakxa exchek appeywa apcháphássesso Wesse' egegkok aptáha nak Israel Dios apagkok se'e: ‘Yoho elmahagkok énxet'ák ahagkok ma'a yókxexma meykexa nak énxet, yaqwayam sa' elanagkok apkelsawássessamo eñama mehélwagqayam ko'o.’

Éxodo 5:3

Tén axta aptáha apcháneya Moisés tén han Aarón: —Egya'awak xeyk negko'o senxekmowáseykpoho m'a aptáha nak hebreos Dios apagkok, ólmahagkok sa' negko'o kaxwók ma'a yókxexma meykexa nak énxet, cham'a ekweykmoho nak ántánxo ekhem nenxega agwomok, yaqwayam sa' agmések negko'o kélnaqtósso ektekyawa m'a Dios Wesse' egegkok, hakte heghekxak kexa katnehek negko'o eltamhok hẽlnápok ma'a negmasse ekmaso nak, essenhan ma'a sókwenaqte nak.

Éxodo 7:16

Sa' etnehek yának se'e: ‘Eyáphássek xeyk ko'o Wesse' egegkok, aptáha nak hebreos Dios apagkok apkeltamho atnehek wának xeyep se'e: Yoho elxog énxet'ák ahagkok, yaqwayam enxoho hélpeykeshok ma'a yókxexma meykexa nak énxet. Wokmók eyke makham mehelyaheykekxa s'e kaxwo nak.

Éxodo 8:1

Aptáhak axta Wesse' egegkok apcháneya Moisés se'e: —Ey'ókxa sa' makham ma'a faraón. Sa' etnehek yának se'e: ‘Exchek aptáhak Wesse' egegkok se'e: Yoho elxog énxet'ák ahagkok, yaqwayam enxoho hélpeykesho'.

Éxodo 8:20

Aptáhak axta Wesse' egegkok apcháneya Moisés se'e: —Sa' emyekxak faraón saka axto'ók agko' ma'a wátsam nak. Exatakha sa' axto'o, tén sa' exog ey'ammok etnehek yának se'e: ‘Exchek aptáhak Wesse' egegkok se'e: Yoho elxog énxet'ák ahagkok, yaqwayam enxoho hélpeykesho'.

Éxodo 8:23

Maxnésók sa' ko'o énxet'ák ahagkok ma'a yaqwánxa nak atnéssesek ma'a énxet'ák apagkok nak xép. Saka sa' eyke katnehek xa.

Éxodo 9:1

Keñe axta Wesse' egegkok aptáha apcháneya Moisés se'e: —Emyekxa sa' aphakxa faraón, sa' etnehek yának se'e: ‘Exchek aptáhak appeywa Wesse' egegkok, aptáha nak hebreos Dios apagkok se'e: Yoho elxog énxet'ák ahagkok, yaqwayam enxoho hélpeykesho'.

Éxodo 9:13

Aptáhak axta Wesse' egegkok apcháneya makham Moisés se'e: —Exatakha sa' axto'ók agko', tén sa' exog etnehek yának faraón se'e: ‘Exchek aptáhak appeywa apcháphássesso Wesse' egegkok, aptáha nak hebreos Dios apagkok se'e: Yoho elxog énxet'ák ahagkok, yaqwayam sa' hélpeykesho';

Isaías 64:5

Emhohok xép takha' m'a énxet apkelane nak chá'a aqsok ektaqmela yetlo ekpayheykekxa apwáxok, megkalwagqayam nak chá'a elának ma'a apmopmenyého nak chá'a exchep. Aplamchek axta exchep, hakte nenláneykegkek axta negko'o mólya'assáxma; nanók agko' axta nenlókáséyak.

Jeremías 2:2

“Exeg sa' elpaqhetchessók ma'a énxet'ák Jerusalén; énnaqtés sa' appeywa, yaqwayam sa' kataqmelek apkelháxenmo: ‘¡Keso aptáhakxa nak appeywa Wesse' egegkok se'e! Xénwákxók ko'o ewáxok ektémakxa axta étkok, meheyenyaweykencha'a axta chá'a, cham'a sektémakxa axta etáwa', seyásekhayo axta chá'a, sétleykencha'a axta chá'a m'a yókxexma meykexa nak énxet, xapop megkólcheneykekxexa nak aqsok aktek.’

Jeremías 2:6

Axta kalyetnakhayók apkelwáxok hektamok ko'o, ektáha axta sélántekkesso m'a Egipto, ektáha axta seknaqleykha m'a yókxexma meykexa nak énxet, ekyamáyekxa nak xapop, ekxámokmakxa nak maxcha'a élmattawóneg, yókxexma meykexa nak yegmen, ekxámokmakxa nak aqsok eyeymáxche', yókxexma meykexa nak ekha, meyke nak ekyeykhágwayam ma'a.

Jeremías 26:5

tén han megkólyahákxoho enxoho chá'a apkelpaqhetchesso m'a séláneykha apkellegasso nak sekpeywa, cham'a séláphassáseykekxo axta chá'a ko'o kéxegke tén han megkólyeheykekxoho axta chá'a,

Números 17:4

Enegkenwakxak sa' ma'a kélpakxanma apchaqneykekxexa nak chá'a énxet'ák, amonye' nak ma'a yántéseksek ekhémo mók nélpaqhetchásamáxkoho, sélweteykxa nak chá'a ko'o kéxegke.

Josué 1:17

Ólyahakxohok sa' han chá'a ekhawo m'a ektémakxa axta nélyeheykekxoho Moisés. Wánxa aqsa néltamho negko'o Wesse' egegkok nak Dios etnehek apxegexma, ekhawo m'a aptéma axta chá'a apxegexma Moisés.