Éxodo 28:9 - Biblia Enxet

⁹ “Elma sa' nahan ánet meteymog élyexwase élyenma ekwesey nak cornalina, enaqtáxesák sa' apkelwesey Israel apketchek ma'a,

Éxodo 28:9 ပူးပေါင်းရင်းမြစ်များ

Génesis 2:12

Keltásek han sawo' élyátekto élmomnáwa ekheykegko xa yókxexma nak, yetneyk han yámet agye' ektaqmalma nak, tén han meteymog élmomnáwa nak.

1 Crónicas 29:2

Awanhek ko'o sekwasqápeykekxoho séláneykekxa ekyókxoho aqsok eyeyméxchexa nak yaqwayam elanakpok ma'a Dios ahagkok tegma appagkanamap apagkok, cham'a: sawo élyátekto élmomnáwa, sawo ekmope élmomnáwa, sawo élyexwase, sawo élyentaxno tén han yámet, cháxa yaqwayam chá'a kalanaxchek xama aqsok xa. Tén han ma'a meteymog ekmope ekwesey nak cornalina, meteymog éltaqmalma, meteymog mók ektémakxa nak chá'a élyenméyak, tén han ma'a meteymog élpaxqamáxche nak chá'a ektáxama, keñe han ma'a mók ektémakxa nak meteymog, tén han ma'a meteymog éláxñe nak.

2 Crónicas 2:7

Heyaphásses sa' ko'o m'a apmopwána aptamheykha nak apkelane sawo ekyátekto ekmomnáwa, sawo ekmope ekmomnáwa, sawo ekyexwase, tén han ma'a sawo ekyentaxno nak, keñe han ma'a apáwa hómáyok, tén han apyexwase, keñe han apáwa apyápaqmate. Tén han ma'a apmopwána nak elqahaksek apkeleykmassáseykha, yaqwayam epasmok ma'a apkelxekmósso nak apkeltamheykha m'a Judá, tén han Jerusalén, aptegye axta m'a táta David.

Job 28:16

Mogwanchek agyánmagkasek ma'a sawo ekyátekto ektaqmalma agko' nak, tén han ma'a aqsok étkók élánamáxche nak meteymog, essenhan meteymog ekyápaqmate nak.

Éxodo 25:7

tén han ma'a meteymog élyexwasél'a élyenma ekwesey nak cornalina, tén han ma'a mók meteymog élexyawél'a, yaqwayam enxoho kóltahanchesek néten ma'a apáwa apyaqwate apkelyenma nak efod, tén han ma'a apkexanma nak chá'a apnények ma'a apkemha apmonye' nak apkelmaxnéssesso Dios énxet'ák apagkok.

Éxodo 28:10

tén han ma'a ekweykenxa enxoho chá'a ekhem appalleykemxa; seis apkelwesey sa' chá'a m'a xama meteymog, tén sa' nahan seis ma'a mók meteymog nak.

Éxodo 28:20

keñe sa' ma'a ektáhakxa nak cuatro éléweykekxa keytek ma'a meteymog ekyátekto, tén han ma'a meteymog ekmope, tén han ma'a meteymog éltaqmalmal'a ektáxama élmakteykha.

Éxodo 28:36

“Elána sa' nahan xama aqsok ekpayhe élyenma sawo ekyátekto agko' la'a, elqahes sa' nahan ektémól'a m'a xama kélqahassól'a, ekxeyenma nak ekpeywa ‘Nempagkanchásamáxche Wesse' egegkok’.

Éxodo 28:8

Keñe sa' ma'a kéltétamáxche yaqwayam nak chá'a kóltétekxak ma'a apáwa apyaqwate apkelyenma nak efod, etnehek sa' xama appasmeykekxa xa apáwa nak, sawo ekyátekto ekmomnáwa sa' nahan katnehek, tén han apáwa apyápaqmate, hómáyok, apyexwase tén han ma'a apáwa apkeláxñe apkelyaqséyak nak.

Éxodo 31:5

tén han yaqwayam eltekpog elyepetchesek ma'a meteymog éltaqmalma nak, tén han yaqwayam eltekpog ma'a yántéseksek tén han elának ma'a mók ektémakxa nak chá'a aptamheykha apmopwána eleykmássesha.

Éxodo 39:13

tén axta m'a ektáhakxa nak cuatro éleweykekxa, ekyetna m'a meteymog ekyátekto, meteymog ekyexwasel'a élyenma, tén han ma'a meteymog ekyennaqte élyenma agko' la'a. Kélyepetchessek axta meteymog ma'a kéltahanchesso nak sawo ekyátekto ekmomnáwa.

Éxodo 39:6

Kélnegkenágkek axta meteymog élyexwase élyenma ekwesey nak cornalina m'a néten nak kéltahanchesso sawo ekyátekto ekmomnáwa, yetlo m'a kélqaháseyak nak apkelwesey Israel apketchek ektémól'a m'a xama kélqahassól'a.

Cantares 8:6

Epekken apwáxok sekwesey, ¡elqahes nahan apaktog! Kayhek ektémakxa m'a nélásekhamaxkoho nak, ektémól'a m'a nétsapma. Mogwanchek nahan agyetnaqhássók ma'a ekmámenyého nak egwáxok, máxa m'a ektémól'a takhaxpop. ¡Nélásekhamaxkoho ekteme m'a táxa eyáléwe ekmexanma agko' la'a!

Isaías 49:16

Élqahassegkek ko'o exche' awáxok emék, yókxoho ekhem sekwete m'a kélhaxta nak neyáwa'.

Ezequiel 28:13

Aphegkek axta m'a Edén, Dios yókxexma éltaqmalma apagkok nak, kélnáxegkáseykha axta m'a mók ektémakxa nak chá'a meteymog éltaqmalma: cham'a meteymog ekyexwasél'a, tén han ma'a yáma ekyátekto ekyepetchél'a yáma hó pa'at, tén han ma'a ekyennaqtél'a hó pa'at, tén han ma'a ekyátektól'a, tén han ma'a ekmopél'a élyenma, tén han ma'a éltaqmalmal'a ektáxama élmakteykha, tén han ma'a ekyápaqmatél'a, tén han ma'a ekyexwase agko' la'a, tén han ma'a hó pa'at la'a; sawo ekyátekto élmomnáwa axta m'a aqsok étkók éltaqmalma apagkok tén han ma'a apkelchenméhe nak, kéllánesso axta m'a sekxók axta apkelánamákpo.

Zacarías 9:16

Cháxa ekhem yaqwánxa sa' elwagkasek teyp énxet'ák apagkok ma'a Dios Wesse' kélagkok, aptémól'a kólwagkasek teyp ma'a nepkések, kalyenmok sa' ektáha nak apagkok ma'a apchókxa apagko' nak, ektémól'a meteymog éltaqmalmal'a élyenma m'a xama kélháxaqxo.