Éxodo 28:41 - Biblia Enxet

⁴¹ “Elántaxneyásekxa sa' apkelnaqta m'a apepma Aarón tén han ma'a apketchek nak, tén sa' eyegkenchesek apqátek ma'a pexmok égmenek, yaqwayam sa' egkések kaxwók apkeltamheykha tén han elpagkanchesek yaqwayam etnehek apkelmaxnéssesso énxet'ák ahagkok.

Éxodo 28:41 ပူးပေါင်းရင်းမြစ်များ

Éxodo 28:1

“Etneykha sa' chá'a exchep apxegexma nepyeseksa israelitas ma'a apepma Aarón tén han ma'a apketchek nak, Nadab, Abihú, Eleazar tén han ma'a Itamar, yaqwayam sa' etnahagkok apkelmaxnéssesso énxet'ák ahagkok.

Éxodo 28:4

Keso yaqwánxa sa' chá'a etnehek apkelane apáwa s'e: kélchexanma kélnények, apáwa apyaqwate apkelyenma efod, kélaqlamaxche apyaqwate, apáwa apwenaqte kélaqlamaxche kéleykmassáseykha nak kélótma, kélatchesso kélpátek apáwa apkeláxñe, tén han ma'a kéltétamáxche nak. Apáwa apkeltaqmalma apagko' sa' elanaksek apkelnaqta m'a apepma Aarón tén han ma'a apketchek nak, yaqwayam sa' eltemeykha apkelmaxnéssesso énxet'ák ahagkok.

Éxodo 29:24

elmés sa' Aarón ekyókxoho xa aqsok nak tén han ma'a apketchek nak, elya'asha sa' néten elsakxak ma'a sekhakxa nak ko'o, sektáha nak Wesse' kélagkok.

Éxodo 29:35

“Etnésses sa' Aarón tén han apketchek xa ektáha nak, ekhawo nak ma'a ekyókxoho séltamhókxa axta etnehek. Elána sa' ekweykmoho siete ekhem ma'a apmésa sa' yaqwayam etnahagkok apkelmaxnéssesso énxet'ák ahagkok,

Éxodo 29:7

Ema sa' pexmok égmenek kélexpaqhayól'a kólteméssesek appagkanamap énxet, yexpaqhásses sa' apqátek etnéssesek apkelmaxnéssesso énxet'ák ahagkok ma'a Aarón.

Éxodo 29:9

Enaqtehetchesagkok sa' nahan nepxet ma'a apnaqtete nepxet nak, cham'a Aarón tén han ma'a apketchek nak, etaqmelchesseshok sa' nahan elatchessesagkok apqatkok ma'a apkelatchesso nak apqatkok. Tén sa' egkések kaxwo yaqwayam eltemeykha, katnehek sa' xama segánamakxa meyke néxa aptamhéyak apkelmaxnéssesso énxet'ák ahagkok.

Éxodo 30:35

Elána sa' xama aqsok ekmátsa agko' ekpaqneyam éten agkok xa, tén han ekpagkanamaxche', etaqmelcheshok sa' apkencheheykekxa mók ma'a ekyókxoho nak, aptémól'a elának sokmátsa apagkok ma'a énxet apkeláneyól'a sokmátsa.

Éxodo 40:13

tén sa' Aarón elántaxnekxak ma'a apkelántaxno apkeltaqmalma nak. Eyegkenches sa' apqátek ma'a pexmok égmenek yaqwayam sa' etnéssesek appagkanamap yaqwayam etnehek apkelmaxnéssesso énxet'ák ahagkok.

Éxodo 40:15

elexpaqhássesák sa' nahan apqatkok ma'a pexmok égmenek, ekhawo apteméssesakxa exchek ma'a Aarón, yaqwayam sa' etnahagkok apkelmaxnéssesso énxet'ák ahagkok. Cháxa aptamhágko kaxwók apkelmaxnéssesso énxet'ák ahagkok meyke néxa yókxoho apyeyam chá'a xa, kélexpaqhassásegko nak apqatkok ma'a pexmok égmenek.”

Isaías 10:27

Kólhaxyawássesek sa' kélpata ekyentaxno kélpatmeykencha'a nak chá'a xa ekhem nak, kólekkexekxak sa' ma'a aqsok ekyentaxno élyaqhapma nak chá'a.” Apkelpéwók apkelxegakmo énxet'ák Asiria m'a ekpayho nak Rimón,

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Ezequiel 43:26

Emópeyásekxak sa' chá'a ekyókxoho appasmo nak apkelmaxnéssesso Dios énxet'ák apagkok ma'a ekwatnamáxchexa nak chá'a aqsok, yókxoho ekhem ekweykmoho siete ekhem, yaqwayam sa' etnéssesek chá'a kélmeykha ekpagkanamaxche'.

Levítico 10:7

Nágkóltaqheykha han sekxók ma'a nentaxnamakxa nak kélpakxanma apchaqneykekxexa nak chá'a énxet'ák, yaqwayam enxoho megkóletsepe', hakte kélpagkanchásexcheyk axta kéxegke Wesse' egegkok kélyegkenchesa kélpátek ma'a pexmok égmenek apagkok nak. Aptamhágkek axta m'a apkeltamhókxa axta etnahagkok ma'a Moisés.

Levítico 16:24

Eyaqpaksek sa' nahan yegmen ma'a kélpakxanma appagkanamap nak, keñe sa' appenchesa enxoho apkelántaxneykekxa apkelnaqta, etyapok sa' yaqwayam ewatnek aqsok apagkok apagko', cham'a yaqwayam nak elanaksek ma'a énxet'ák, keñe sa' étak megkólyaqmagkáseykekxa mey'assáxma, tén han melya'assáxma m'a énxet'ák.

Números 16:5

aptáhak axta apcháneya Coré, tén han ma'a ektáha axta appasmeykekxa: —Saka axto'ók agko' sa' hegya'ássesagkohok Wesse' egegkok, yaqsa kexaha ektáha apagkok, tén han yaqsa kexaha apkelpagkanma, tén han ekmowána keypetchegwomho'. Wánxa sa' aqsa apwanchek épetchegwomhok ma'a ektáha nak apkelyéseykha.

Números 3:3

Apkelpagkanamakpek axta nahan xa cuatro nak, keñe kéltemessáseykegko yaqwayam etnahagkok apkelmaxnéssesso Dios énxet'ák apagkok.