Éxodo 28:36 - Biblia Enxet

³⁶ “Elána sa' nahan xama aqsok ekpayhe élyenma sawo ekyátekto agko' la'a, elqahes sa' nahan ektémól'a m'a xama kélqahassól'a, ekxeyenma nak ekpeywa ‘Nempagkanchásamáxche Wesse' egegkok’.

Éxodo 28:36 ပူးပေါင်းရင်းမြစ်များ

1 Crónicas 23:13

Amram axta apketchek se'e: Aarón tén han Moisés. Dios axta apkelyéseykha m'a Aarón yaqwayam etnehek apmésso naqsa aqsok élpagkanamaxche agko' nak, yaqwayam ewatnek chá'a nápaqtók Wesse' egegkok ma'a aqsok ekmátsa nak ekpaqneyam éten agkok, etneykha tén han exének chá'a wánxa m'a aqsok éltaqmalma nak. Cháxa apchánémakpexa axta etnehek aptamheykha Aarón xa yetlo apketchek megkatnégwayam néxa.

Salmos 93:5

Oh Wesse', payhawok kóláwhok chá'a m'a segánamakxa apagkok. ¡Aptémakxa appagkanamap chá'a katnéssesek aptaqmalma apagko' ma'a tegma appagkanamap apagkok nak!

Éxodo 19:6

Kéxegke sa' nahan kóltéhek kélpasmo kélmaxnéssesso énxet'ák ahagkok xa kélyókxoho nak, énxet'ák ektáha nak chá'a apkelpagkanchásamap ko'o.’ Eltennasák sa' ekyókxoho israelitas xa.

Éxodo 28:11

Sa' elának kélnaqtáxésso nak kélwesey meteymog ma'a xama énxet apkeláneyo nak chá'a aqsok étkók éltaqmalma ektémól'a kólqahaksek ma'a xama kélqahassól'a. Elyepetches sa' ánet meteymog nak ma'a néten kéltahanchesso nak sawo ekyátekto ekmomnáwa,

Éxodo 28:35

Etaxnekxak sa' chá'a Aarón aptamheyncha'a enxoho apkelmaxnéssesso énxet'ák ahagkok xa apáwa apwenaqte nak, yaqwayam sa' kañexchek chá'a élyetnaheykha aptaxna enxoho chá'a kélpakxanma appagkanamap sekhakxa nak ko'o sektáha nak Wesse' kélagkok ma'a élyetnaheykha étkók nak, essenhan ma'a aptepa enxoho chá'a, tén sa' megyetsepe'.

Éxodo 28:37

Épetches sa' nahan aqsok ekpayhe élyenma nak ma'a nekha nak kélatchesso kélpátek, ekpayho nak ekpayhakxa négát, yetlo aptete xama axát'ák apyápaqmate yaqwayam sa' kataqmelek ekyepetche.

Éxodo 28:9

“Elma sa' nahan ánet meteymog élyexwase élyenma ekwesey nak cornalina, enaqtáxesák sa' apkelwesey Israel apketchek ma'a,

Éxodo 29:6

yetchesses sa' nahan apqátek ma'a apketchesso apqátek nak, tén sa' aqsok ekpayhe élyenma m'a nekha nak apketchesso apqátek, ekteméssesso nak appagkanamap yaqwayam etnehek apkelmaxnéssesso énxet'ák ahagkok.

Éxodo 39:27

Axta nahan apkelane apáwa apwenaqte apkeláxñe yaqwayam nak etnehek aptaxno Aarón tén han apketchek ma'a énxet apchótmo nak chá'a apáwa,

Éxodo 39:30

Kelánexcheyk axta nahan aqsok ekpayhe ekyetno nak náxet kélatchesso kélpátek ma'a sawo ekyátekto agko' nak, ekpagkanmo nak yaqwayam etnehek apkelmaxnéssesso Dios énxet'ák apagkok énxet, kéltáxéssek axta nahan ektémól'a xama kélqahasso s'e ektéma nak: “Nempagkanchásamáxche Wesse' egegkok”.

Éxodo 39:31

Tén axta kélpekkenchesa xama axát'ák ekyápaqmate yaqwayam enxoho kamagkok neyseksa m'a kélatchesso kélpátek, ekhawo m'a apkeltamhókxa axta Wesse' egegkok etnehek ma'a Moisés.

Isaías 23:18

Keñe sa' ma'a ekwete nak ekyánmaga élyánmagkásamáxche kólpagkanchesek ma'a Wesse' egegkok; megkólaqxegkesek sa' kañe', megkóltaqmelchesek sa' nahan. Sa' kólmésagkok chá'a m'a apkeltemessáseykha nak chá'a Wesse' egegkok, yaqwayam sa' etegyagkok chá'a ekxámokma m'a aptéyak tén han ma'a apkelántaxno apkeltaqmalma nak.

Ezequiel 43:12

Keso segánamakxa apagkok tegma appagkanamap se'e: Katnehek sa' ekpagkanamaxchexa m'a xapop ekwakhaya nak nepyáwa m'a tegma appagkanamap, cham'a néten egkexe nak.”

Levítico 10:3

Keñe axta Moisés aptáha apcháneya Aarón se'e: —Cháxa apmáheyo axta exének Wesse' egegkok aptéma axta appeywa s'e: ‘Énxet sépetchegwayo enxoho ko'o, axekmósek sa' sekteme sekpagkanamaxche ahagko', hélteméssesek sa' ko'o seyeymáxkoho nápaqta'awók apyókxoho israelitas.’ Apwanmakkek axta eyke aqsa Aarón.

Levítico 19:2

“Etne sa' elának israelitas se'e: “Kólteméssesaxche sa' kéxegke kélpagkanamaxche', hakte ko'o Dios Wesse' kélagkok, sekteme sekpagkanamaxche'.

Levítico 8:9

Apketchessessek axta han apqátek ma'a apketchesso apqátek, keñe axta m'a ekpayhakxa nápat nak appekkenchesa aqsok ekpayhe sawo' ekyátekto ekmomnáwa magkenatchesso appagkanákpo aptáha apkelmaxnéssesso Dios énxet'ák apagkok, ekhawo m'a apkeltamhókxa axta etnehek Wesse' egegkok.

Zacarías 14:20

Cháxa ekhem nak, kawomhok sa' élqahásamaxche yátnáxeg élyetnaheykha apagkok se'e ektéma nak: “Kélpagkanchesso Wesse' egegkok”. Keñe sa' ma'a weygke apagkok nak ma'a tegma appagkanamap etnehek apkelpagkanamap apagko', ekhawo nahan ma'a egheykok élyawe ekheykegko nak chá'a m'a amonye' nak ekwatnamáxchexa aqsok.