Éxodo 28:28 - Biblia Enxet

²⁸ Keñe sa' kólnaqtétekxak chá'a sawo élyaqye agkok kélchexanma nak kélnények sawo élyaqye apagkok nak apáwa efod ma'a xama apxát'ák apyápaqmate, yaqwayam sa' keytek chá'a néten kéltete nak nepxet ma'a apáwa efod kélchexanma nak kélnények, tén han megkayenyekxeyk chá'a ekyepetche m'a apáwa nak.

Éxodo 28:28 ပူးပေါင်းရင်းမြစ်များ

Éxodo 25:7

tén han ma'a meteymog élyexwasél'a élyenma ekwesey nak cornalina, tén han ma'a mók meteymog élexyawél'a, yaqwayam enxoho kóltahanchesek néten ma'a apáwa apyaqwate apkelyenma nak efod, tén han ma'a apkexanma nak chá'a apnények ma'a apkemha apmonye' nak apkelmaxnéssesso Dios énxet'ák apagkok.

Éxodo 28:27

Elána' sa' makham mók ánet sawo élyaqye sawo ekyátekto ekmomnáwa, enegken sa' ma'a apmonye' kéltéteykekxexa nak chá'a m'a apáwa apyaqwate efod, kóneg sa' eyke, nepyeseksa nak ma'a kélyetnaqte ketsék néten nak ma'a nepxet apáwa efod.

Éxodo 28:29

Aptaxneyk sa' agkok chá'a Aarón kélpakxanma appagkanamap yetlo apkexanma apnények ma'a apkexanma nak chá'a apnények, ekyetlómo m'a kélmeykha nak chá'a yaqwayam kólya'asagkohok ma'a apmopmenyého nak Dios, eswohok sa' nahan chá'a sekhakxa m'a apkelwesey nak Israel apketchek, ko'o sektáha nak Wesse' kélagkok, yaqwayam sa' kaxénwakxohok chá'a ewáxok.

Éxodo 28:31

“Elanés sa' nahan apáwa apyápaqmate apyókxoho apchaqlamap ma'a apáwa apyaqwate nak efod,

Éxodo 28:37

Épetches sa' nahan aqsok ekpayhe élyenma nak ma'a nekha nak kélatchesso kélpátek, ekpayho nak ekpayhakxa négát, yetlo aptete xama axát'ák apyápaqmate yaqwayam sa' kataqmelek ekyepetche.

Éxodo 28:8

Keñe sa' ma'a kéltétamáxche yaqwayam nak chá'a kóltétekxak ma'a apáwa apyaqwate apkelyenma nak efod, etnehek sa' xama appasmeykekxa xa apáwa nak, sawo ekyátekto ekmomnáwa sa' nahan katnehek, tén han apáwa apyápaqmate, hómáyok, apyexwase tén han ma'a apáwa apkeláxñe apkelyaqséyak nak.

Éxodo 39:41

tén han ma'a apáwa kélótma yaqwayam nak chá'a antaxnekxak antemeykha m'a kañe' kélpakxanma appagkanamap, tén han ma'a aptaxno aptaqmalma nak ma'a apkelmaxnéssesso Dios énxet'ák apagkok Aarón, tén han ma'a apkelnaqta nak chá'a m'a apkelmaxnéssesso Dios énxet'ák apagkok, apkelántaxno nak chá'a m'a apketchek.

Números 15:38

“Etne sa' elának israelitas se'e: Apkelmakheykha napwe'ék kélántaxno sa' chá'a kóltéhek kéxegke tén han ma'a kéltawán'ák kélnentámen nak. Yátépépe apkelyápaqmate sa' nahan chá'a kóltéhek ma'a apkelmakheykha nak.