Éxodo 28:18 - Biblia Enxet

¹⁸ keñe sa' ma'a ektétéyak nak keytek meteymog ekyexwase agko' la'a, tén han ma'a meteymog ekyápaqmatél'a tén han ma'a meteymog ekyennaqte agko' la'a hó pa'at;

Éxodo 28:18 ပူးပေါင်းရင်းမြစ်များ

Job 28:16

Mogwanchek agyánmagkasek ma'a sawo ekyátekto ektaqmalma agko' nak, tén han ma'a aqsok étkók élánamáxche nak meteymog, essenhan meteymog ekyápaqmate nak.

Job 28:6

Cha'a ekheykegkaxa han meteymog élyápaqmate m'a, tén han sawo ekyátekto ekmomnáwa élpaxqamáxche m'a xapop.

Éxodo 24:10

Apkelwetágwokmek axta nahan Israel Dios apagkok ma'a: kelyenmawók axta nahan aqsok ekyetno axta m'a kóneg apmagkok, máxa axta m'a kañe' tegma meteymog élyápaqmatél'a, keláxña'awók axta nahan, máxa axta m'a ektémól'a m'a néten eyáxñeyo.

Éxodo 28:17

Elyepetches sa' meteymog éltaqmalma m'a cuatro éléweykekxa nak malagwa'a. Meteymog ekyexwase sa' keytek émha amonye' m'a amonye' éléweykekxa nak tén han ma'a meteymog yáma ekyátekto ekyepetchél'a yáma hó pa'at, tén han ma'a meteymog hó pa'at la'a;

Éxodo 28:19

keñe sa' ma'a ektáhakxa nak ántánxo éléweykekxa keytek ma'a meteymog yáma ekyátekto, tén han ma'a meteymog ekhól'a sokpésyam ekhal'a ektáxama, tén han ma'a meteymog hómáyok la'a;

Éxodo 39:11

tén axta ektétéyak ma'a meteymog ekyexwase agko' la'a, meteymog ekyápaqmate, tén axta nahan ma'a meteymog ekyennaqtél'a hó pa'at;

Cantares 5:14

Sawo ekyátekto élmomnáwa nahan ma'a apkelatchesso nak naxta'a apmék élpaxqamáxche nak ektáxama m'a meteymog élyátekto. Hawók nahan ekmope apyókxa m'a yánnapóxeg apma'ák kéláxñáseykekxal'a kélpáxaqteyáseyak la'a ektáxama m'a meteymog élyápaqmate ektáxama.

Jeremías 17:1

“Énxet'ák Judá, táxésamaxcheyk kéxegke megkólya'assáxma m'a táxésso élánamáxche nak sawo, kélqahassegkek meteymog ekyennaqte ekmahanta naw'a m'a meteymog ekyetnama nak kañe' kélwáxok, tén han ma'a élámha nak nekhaw'ék élmahamtakcha'a m'a kélwatnamakxa nak chá'a aqsok.

Ezequiel 1:26

Ekwet'ak axta nahan ekho taháno ekyawe ektaqmalma m'a néten nak aqsok élyaqye élyenma, hawók axta m'a meteymog élpaxqamáxchel'a élyápaqmate élyenma ektáxama, keñe axta m'a néten nak ekho taháno ekyawe sekwet'a apha xama aphémo énxet.

Ezequiel 10:1

Tén axta natámen sekwet'a ektepa xama aqsok ekho taháno ekyawe ektaqmalma m'a néten ekyetno axta ekyaqye apyetseksa'ák ma'a apho axta énxet ekha apxempenák, hawók axta m'a meteymog ekyápaqmatél'a.

Ezequiel 27:16

Apkelyánmagkásamákpek axta chá'a exchep ma'a énxet'ák Edom, eñama ekxámokma m'a aqsok apkexeykekxa: elsantagkasek axta chá'a ekyaqmageykekxa apyánmagkasso aqsok apkexeykekxa m'a meteymog élyexwase agko' la'a, tén han ma'a apáwa kélyexwásesso nak hómáyok, tén han ma'a kélótma nak, tén han ma'a apáwa apkeláxñel'a, tén han ma'a aqsok élyexwase agko' la'a ektáxama éltaqmalma, tén han ma'a meteymog yáma élyexwase élyenmal'a.

Ezequiel 28:13

Aphegkek axta m'a Edén, Dios yókxexma éltaqmalma apagkok nak, kélnáxegkáseykha axta m'a mók ektémakxa nak chá'a meteymog éltaqmalma: cham'a meteymog ekyexwasél'a, tén han ma'a yáma ekyátekto ekyepetchél'a yáma hó pa'at, tén han ma'a ekyennaqtél'a hó pa'at, tén han ma'a ekyátektól'a, tén han ma'a ekmopél'a élyenma, tén han ma'a éltaqmalmal'a ektáxama élmakteykha, tén han ma'a ekyápaqmatél'a, tén han ma'a ekyexwase agko' la'a, tén han ma'a hó pa'at la'a; sawo ekyátekto élmomnáwa axta m'a aqsok étkók éltaqmalma apagkok tén han ma'a apkelchenméhe nak, kéllánesso axta m'a sekxók axta apkelánamákpo.