Éxodo 28:17 - Biblia Enxet

¹⁷ Elyepetches sa' meteymog éltaqmalma m'a cuatro éléweykekxa nak malagwa'a. Meteymog ekyexwase sa' keytek émha amonye' m'a amonye' éléweykekxa nak tén han ma'a meteymog yáma ekyátekto ekyepetchél'a yáma hó pa'at, tén han ma'a meteymog hó pa'at la'a;

Éxodo 28:17 ပူးပေါင်းရင်းမြစ်များ

Éxodo 28:11

Sa' elának kélnaqtáxésso nak kélwesey meteymog ma'a xama énxet apkeláneyo nak chá'a aqsok étkók éltaqmalma ektémól'a kólqahaksek ma'a xama kélqahassól'a. Elyepetches sa' ánet meteymog nak ma'a néten kéltahanchesso nak sawo ekyátekto ekmomnáwa,

Éxodo 28:16

apyepetcheykekxa nak pók, tén han aphémo nak pók nápakhaw'ék, veintidós centímetros nak chá'a m'a xama nápakha.

Éxodo 28:18

keñe sa' ma'a ektétéyak nak keytek meteymog ekyexwase agko' la'a, tén han ma'a meteymog ekyápaqmatél'a tén han ma'a meteymog ekyennaqte agko' la'a hó pa'at;

Éxodo 28:9

“Elma sa' nahan ánet meteymog élyexwase élyenma ekwesey nak cornalina, enaqtáxesák sa' apkelwesey Israel apketchek ma'a,

Proverbios 20:15

Tásók agko' appeywa m'a énxet appaqmeyesmo nak chá'a yetlo apya'áseykegkoho, yeykhásseykmók ma'a sawo ekyátekto ekmomnáwa, tén han ma'a aqsok élyenméyak ekhágko nak se'e ekyókxoho nélwanmeygkaxa nak.

Proverbios 3:15

Tásók agko' ma'a negya'áseykegkoho aqsok, yeykhásseykmók ma'a meteymog éltaqmalma nak; ¡mogwanchek nahan aghéshok ma'a aqsok kélmamenyého kélagko' nak chá'a!

Proverbios 31:10

Askehek agwetak entáwa' ektaqmalma nak ektémakxa'; ¡yeykhásseykmók ektémakxa ekmomnáwa m'a meteymog éltaqmalma nak!

Proverbios 8:11

Tásók agko' ma'a negya'áseyak nak aqsok kaxnók ma'a meteymog éltaqmalma nak; ¡mogwanchek aghéshok xama enxoho m'a aqsok kélmámenyého nak!

Lamentaciones 4:7

Kelmópowok axta apyempe'ék ma'a énxet'ák agkok, axta kaxnawok ma'a ekweykenxal'a ekmope yeyam appok, kelmópowok axta, axta kaxnawok ma'a ektémól'a weyke nagkeygmenek; yáma élyexwase axta m'a apkelyókxa', axta kaxnawok ma'a meteymog ekyexwasel'a; keltásek axta apkelyókxa', hawók axta m'a meteymog ekyápaqmatél'a.

Ezequiel 28:13

Aphegkek axta m'a Edén, Dios yókxexma éltaqmalma apagkok nak, kélnáxegkáseykha axta m'a mók ektémakxa nak chá'a meteymog éltaqmalma: cham'a meteymog ekyexwasél'a, tén han ma'a yáma ekyátekto ekyepetchél'a yáma hó pa'at, tén han ma'a ekyennaqtél'a hó pa'at, tén han ma'a ekyátektól'a, tén han ma'a ekmopél'a élyenma, tén han ma'a éltaqmalmal'a ektáxama élmakteykha, tén han ma'a ekyápaqmatél'a, tén han ma'a ekyexwase agko' la'a, tén han ma'a hó pa'at la'a; sawo ekyátekto élmomnáwa axta m'a aqsok étkók éltaqmalma apagkok tén han ma'a apkelchenméhe nak, kéllánesso axta m'a sekxók axta apkelánamákpo.

Malaquías 3:17

Aptáhak Wesse' egegkok ekha nak apyennaqte s'e: “Ekpagkanchek ko'o xama ekhem yaqwánxa sa' etnahagkokxak makham énxet'ák ahagkok ma'a. Sa' atnehek ko'óxa kalepyóshok alanok xa énxet'ák nak, apteméssessamakxal'a apketche énxet kapyóshok elanok ma'a apwéhenayo nak chá'a aptamheykha.