Éxodo 25:40 - Biblia Enxet

⁴⁰ Exnésho sa' apkelane m'a ektéma axta kélxekmósa m'a egkexe nak.

Éxodo 25:40 ပူးပေါင်းရင်းမြစ်များ

1 Crónicas 28:11

Tén axta David apmésa apketche Salomón apwánxa appayhakxa yaqwayam elának apwáxok kélhaxtegkesso m'a nentaxnamakxa nak tegma appagkanamap, tén han ma'a tegma kélxátamakxa nak chá'a aqsok, keñe han ma'a kañe' netno' nak, tén han ma'a kañe' apwáxok, tén han ma'a Ekpagkanamaxchexa agko' nak.

1 Crónicas 28:19

Wesse' egegkok axta apxekmósso David ekyókxoho xa, naqtáxésamaxcheyk axta apkeltémókxa axta katnehek aqsok élánamáxche'.

2 Crónicas 4:7

Apkelanak axta han diez cháléwasso élyawe sawo ekyátekto ekmomnáwa ektémakxa axta chá'a élánamáxche', apnegkenwákxeyk axta m'a tegma appagkanamap, cinco axta m'a ekpayho nak nélya'assamakxa', cinco han ma'a nepsagqalwa.

Éxodo 25:39

Emha sa' treinta y tres kilos sawo ekyátekto agko' la'a yaqwayam elának ma'a cháléwasso tén han ma'a ekyókxoho aqsok agkok élmeykegkaxa nak chá'a.

Éxodo 25:9

Kólhéshok sa' eyke kéllane sekmako nak ko'o axekmósek, cham'a kélpakxanma yaqwánxa nak chá'a ko'o axek, yetlo m'a ekyókxoho yántéseksa'ák.

Éxodo 26:30

Elána sa' kélpakxanma appagkanamap aphémo apagko' ma'a kélxekmósa axta m'a egkexe nak.

Éxodo 27:8

Ekyagqaxe awáxok sa' nahan katnehek ma'a ekwatnamáxchexa nak aqsok tén han yántéseksek, ekhémo m'a apwet'a axta m'a egkexe nak.

Éxodo 31:11

tén han ma'a pexmok égmenek kélexpaqhayól'a kólteméssesek appagkanamap énxet tén han ma'a aqsok ekmátsa nak ekpaqneyam éten agkok yaqwayam nak kólmaha m'a kañe' kélpakxanma appagkanamap. Elanagkok sa' ekyókxoho m'a, séltamhókxa axta ko'o etnehek xeyep.”

Éxodo 36:2

Apkelwóneyha axta Moisés ma'a Besalel tén han Oholiab, tén han ma'a apyókxoho ekyetnamakxa axta chá'a apmopwancha'a elanagkok ma'a aqsok, cham'a ektáha axta Wesse' egegkok apkelmésso apmopwancha'a elanagkok xa ektéma nak aqsok, tén han ma'a ektáha axta apmáheyo apagko' chá'a epasmok xa nentamheykha nak.

Números 8:4

Sawo ekyátekto ekmomnáwa axta nahan élánamáxche m'a cháléwasso ekyawe nak, kéltekpagéyak nak ma'a sawo ekyentaxno, eyeynamo m'a awhak nak ekweykekxoho m'a naw'ék pánaqte exnók kéleykmassáseykha nak. Apkelanak axta Moisés cháléwasso ekyawe, ekhémo m'a ektémakxa axta apxekmósa m'a Wesse' egegkok.

Josué 22:28

Xeyenmeyk negko'o egwáxok aptáha enxoho hegának xama énxet, essenhan aptáha enxoho yának ma'a entawán'ák nentámen nak, keñe egwanchek negko'o antéhek agátegmowagkok se'e: ‘¡Kóllano! Apkeláneykegkek negko'o ẽlyapmeyk nanók se'e ekwatnamáxchexa nak aqsok apagkok ma'a Wesse' egegkok, háwe yaqwayam kólwatnések ma'a aqsok kéltósso, háwe han yaqwayam kólnáhakkasek, wánxa aqsa yaqwayam katnehek chá'a ekxeyenweykekxoho egwáxok negko'o tén han kéxegke.’