Éxodo 25:25 - Biblia Enxet

²⁵ Elanés sa' nahan xama aphaxtegkesso m'a nekhaw'ék nak ekweykmoho siete centímetros ekpayhakxa, tén sa' epekkenchesek nahan ekpayhe étkok sawo ekyátekto ekmomnáwa m'a neyseksa nak.

Éxodo 25:25 ပူးပေါင်းရင်းမြစ်များ

2 Crónicas 4:5

Ocho centímetros axta ekyentaxno émpehek xa kélyátamakxa nak yegmen; kéleykmássessamók axta han pánaqte exnamok axagkok ma'a nekhaw'ék nak, sesenta y seis mil litros axta awanchek kalának yegmen.

Éxodo 25:24

Elyepetches sa' nahan émpe'ék ma'a sawo ekyátekto agko' nak, epekkenches sa' nahan xama ekpayhe étkok ekwenaqte sawo ekyátekto ekmomnáwa m'a nekhaw'ék nak.

Éxodo 25:26

Elanés sa' nahan cuatro sawo élyaqye sawo ekyátekto ekmomnáwa, enegkenchesák sa' nahan ma'a cuatro máséyak nak, ekpayhókxa nak chá'a m'a ayay'ák.

Éxodo 30:3

Elyepetches sa' nahan sawo ekyátekto agko' ma'a néten nak tén han ma'a cuatro nekhaw'ék nak tén han ma'a élámha élmahamtakcha'a nak, epekken sa' nahan ekpayhe étkok ekwenaqte sawo ekyátekto ekmomnáwa m'a nekhaw'ék nak.

Éxodo 37:12

apkelánéssek axta nahan xama aphaxtegkesso nekhaw'ék ekwayam nak siete centímetros ekpayhakxa, appekkenchessek axta nahan xama ekpéwa étkok sawo ekyátekto ekmomnáwa m'a nekhaw'ék nak kélhaxta.

Éxodo 37:2

Apkelyepetchessek axta nahan sawo ekyátekto agko' ma'a kañe' awáxok nak tén han ma'a émpehek nak, appekkenchessek axta nahan xama ekpéwa étkok sawo ekyátekto ekmomnáwa m'a nekhaw'ék nak.

Ezequiel 43:13

Keso ekweykenxa axta ekyawe m'a ekwatnamáxchexa nak aqsok, kélhéssamok axta m'a ekweykenxa axta m'a nano' nak. Máxek axta nahan yetnók nekhaw'ék ma'a ekwatnamáxchexa nak aqsok, náxet metro axta nahan élmattawóneg ma'a tén han náxet metro m'a ekpayhakxa, cham'a élyephagweykmoho axta nahan nekhaw'ék yókxexma veinticinco centímetros ekmahéyak ma'a néten. Axta entemék awhak ekwatnamáxchexa nak aqsok se'e: