Éxodo 25:23 - Biblia Enxet

²³ “Elána sa' xama mésa apkeñama nak yámet wantep, ekwayam nak noventa centímetros ekwenaqte ekwegqakxa, tén cuarenta y cinco centímetros ma'a ekpayhakxa, keñe han sesenta y cinco centímetros ekmahéyak ma'a néten.

Éxodo 25:23 ပူးပေါင်းရင်းမြစ်များ

1 Reyes 7:48

Apkeltamhók axta han kóllanaksek Salomón ma'a ekyókxoho aqsok kélmeykegkaxa', ekhéyak axta m'a Wesse' egegkok tegma appagkanamap apagkok: cham'a ekwatnamáxchexa nak aqsok élánamáxche sawo ekyátekto ekmomnáwa, tén han mésa sawo ekyátekto ekmomnáwa kélnegkenmakxa axta chá'a néten ma'a pán kélpagkanchesso nak Wesse' egegkok,

1 Reyes 7:49

tén han cháléwasso élyawe sawo ekyátekto ekmomnáwa ekhéyak axta chá'a m'a ekpayho nak Ekpagkanamaxchexa agko', cinco axta m'a ekpayho nak nélya'assamakxa, tén han cinco m'a ekpayho nak nepsagqalwa, yetlo pánaqte exnók kéleykmassáseykha, tén han cháléwasso étkók agkok, tén han kélmeykha nak chá'a kólsapanchesek, élánamáxche nak sawo ekyátekto ekmomnáwa,

1 Crónicas 28:16

axta han aptemessásak yaqwayam kalanaxchek xama xama m'a mésa nak, sawo ekyátekto ekmomnáwa, tén han sawo ekmope ekmomnáwa, yaqwánxa sa' chá'a kóleykásekxak kélnegkenéyak néten ma'a pán apkelpagkanamap nak.

2 Crónicas 4:19

Apkeltamhók axta han kóllanaksek Salomón ekyókxoho aqsok kélmeykegkaxa ekhéyak nak ma'a Dios tegma appagkanamap apagkok: cham'a ekwatnamáxchexa nak aqsok élánamáxche sawo ekyátekto ekmomnáwa, tén han mésa kélnegkenmakxa axta chá'a néten ma'a pán kélpagkanchesso nak Wesse' egegkok,

2 Crónicas 4:8

Apkelanak axta han diez mésa, apnegkenwákxeyk axta han ma'a tegma appagkanamap nak, cinco axta m'a nélya'assamakxa', cinco han ma'a nepsagqalwa. Apkelanak axta han cien egheykok élyawe sawo ekyátekto ekmomnáwa.

Éxodo 31:8

Tén han ma'a mésa, yetlo m'a aqsok élmeykegkaxa nak chá'a, tén han ma'a cháléwasso ekyawe sawo ekyátekto agko' nak, yetlo nahan ma'a aqsok élmeykegkaxa nak chá'a, tén han ma'a ekwatnamáxchexa nak chá'a aqsok ekmátsa agko' la'a ekpaqneyam éten agkok,

Éxodo 35:13

tén han ma'a mésa nak yetlo m'a yámet élwenaqte agkok tén han ekyókxoho m'a aqsok élmeykegkaxa nak chá'a, tén han ma'a kelpasmaga kélpagkanchesso nak chá'a m'a Wesse' egegkok,

Ezequiel 41:22

ekho yántéseksek ma'a ekpayho nak nentaxnamakxa m'a kañe' ekpagkanamaxchexa agko' nak, xama metro axta nahan chá'a xama nekha m'a, keñe xama metro náxet mók ekmahéyak ma'a néten. Yántéseksa'ák axta m'a máséyak nak chá'a tén han ma'a awhak ekyennaqtéssamakxa nak tén han ma'a nekhaw'ék nak. Aptáhak axta seyáneya m'a énxet nak: “Keso ekyetno nak aphakxa Wesse' egegkok se'e mésa nak.”

Levítico 24:6

enegkenák sa' ma'a néten nak mésa sawo ekmomnáwa ekyetnama nak nápaqto' Wesse' egegkok, ánet apkeleykáseykekxa sa' etnehek, seis sa' chá'a enegkenek xama nekha mésa.

Números 3:31

Cháxa ektáha axta nahan aptaqmelchesso yántéseksek ekhémo mók nélpaqhetchásamáxkoho xa énxet'ák nak, tén han ma'a mésa, tén han ma'a cháléwasso ekyawe nak, tén han ma'a élwatnamáxchexa nak aqsok, tén han ma'a aqsok élpagkanamaxche nak, yaqwayam nak kólmaha kólpeykeshok Wesse' egegkok, tén han ma'a apáwa apkexyawe nak, ekyókxoho m'a aqsok kélmeykegkaxa nak chá'a.

Números 4:8

Kólpeykes sa' nahan apáwa apyexwase ekyókxoho xa néten nak, kólaqlaksek sa' xama aqsok émpehek élexyawáyo, keñe sa' kólatchesek yámet nekhaw'ék yaqwayam enxoho kólsók.