Éxodo 25:18 - Biblia Enxet

¹⁸ ekyetlómo apqánet sélásenneykha ekha apxempenák kéleykmássesso sawo ekyátekto ekmomnáwa, kéltekpagéyak la'a kéllane m'a sawo ekyentaxno, cham'a ánet nekhaw'ék nak chá'a átog.

Éxodo 25:18 ပူးပေါင်းရင်းမြစ်များ

Génesis 3:24

Apkelhéssekmek axta han apkelásenneykha ekha nak apxempenák ma'a ekpayho nak ekteyapmakxa ekhem ma'a yókxexma ektaqmalma, natámen axta aptekkesso énxet, appekkenwokmek axta han xama sókwenaqte élyenma, ekweynchámeykencha'a axta chá'a m'a ekyókxoho kañe', yaqwayam enxoho chá'a méko kammok ma'a émhakxa nak yámet ekyennaqtéssamo nak egnények.

1 Crónicas 28:18

Apkelméssek axta han sawo élyátekto élmomnáwa éltaqmalma yaqwayam kalanaxchek ma'a ekwatnamáxchexa nak aqsok ekmátsa ekpaqneyam éten agkok, apkelméssek axta han sawo élyátekto élmomnáwa yaqwayam kalanaxchek kélyenyawáseykha ekha nak amagkok, yaqwayam kólánchesha néten ma'a Dios apkelásenneykha ekha nak apxempenák, yaqwayam enxoho eláhakkasek apxempenák ma'a yántéseksek ekhémo mók nélpaqhetchásamáxkoho apagkok nak Wesse' egegkok.

2 Crónicas 3:10

Apkeltamhók axta kóleykmássesha apqánet Dios apkelásenneykha ekha apxempenák ma'a Kañe' Ekpagkanamaxchexa agko' nak, sawo ekyátekto ekmomnáwa axta han kélyepetchásak ma'a.

Éxodo 25:17

“Elána sa' nahan xama átog sawo ekyátekto agko' nak, ekwayam nak xama metro diez centímetros ekwenaqte m'a ekwegqakxa tén han sesenta y cinco centímetros ma'a ekpayhakxa,

Éxodo 25:19

Xama sa' eyke katnekxak ma'a átog nak ekyepetcheykekxa m'a kéleykmássesso nak sélásenneykha ekha apxempenák. Xama sa' etnamha m'a mók nekha nak átog, tén sa' nahan xama m'a mók nekha nak.

Éxodo 25:36

Xama ekpasmeykekxa sa' eyke katnehek cháléwasso m'a exnamok axanák nak tén han ma'a aktegák nak, cham'a yaqwayam nak katnehek ma'a sawo ekyátekto agko' la'a, kéltekpageykegkoho nak chá'a kalanaxchek ma'a sawo ekyentaxno.

Ezequiel 10:2

Tén axta Wesse' egegkok aptáha apcháneya m'a énxet apkexyawáyo axta aptaxno apkeláxñe s'e: “Etex sa' neyseksa nak ekho yátnáxeg apyenyawasso amagkok, kóneg nak ma'a apho nak énxet ekha apxempenák, elma sa' ántawók átex élápogwate, ekhéyak nak nepyeseksa xa apho nak énxet ekha apxempenák, yexpánchesha sa' ma'a nepyeseksa nak tegma apwányam.” Éláneyha axta ko'o aptáhakxa aptaxna m'a énxet nak.

Ezequiel 10:20

Cháxa sélwet'a axta nahan ko'o kóneg Israel Dios apagkok xa apho nak énxet, cham'a nekha wátsam Quebar nak. Tén axta sekya'ásegwokmo ko'o aptáha apho énxet xa.

Ezequiel 10:3

Axta nahan apháha apho nak énxet ekha apxempenák ma'a ekpayho nak nepyeyam tegma appagkanamap, lanawók axta nahan yaphope m'a étkok apwáxok nak kañe' m'a tegma appagkanamap.

1 Samuel 4:4

Apkeláphássek axta han nápakha sẽlpextétamo israelitas ma'a Siló, apsánteyk axta Wesse' egegkok ekha nak apyennaqte yántéseksek apagkok, ekyetnama nak aptaháno neyseksa m'a apkeláneykha ekha nak apxempenák. Apkelyetlántamok axta han Dios yántéseksek apagkok ma'a apqánet apketchek axta Elí, cham'a Hofní tén han Finees.