Éxodo 25:11 - Biblia Enxet

¹¹ Elyepetches sa' nahan sawo ekyátekto ekmomnáwa m'a kañe' awáxok tén han ma'a émpehek nak. Epekken sa' nahan xama élyenma étkok ekwenaqte sawo ekyátekto ekmomnáwa m'a nekhaw'ék nak.

Éxodo 25:11 ပူးပေါင်းရင်းမြစ်များ

1 Reyes 6:20

Nueve metros axta han ekwenaqte m'a apwáxok tegma Ekpagkanamaxchexa agko' nak, nueve axta m'a ekpayhakxa', tén han nueve ekmahéyak néten. Apkelanak axta han ekwatnamáxchexa aqsok Salomón yántéseksek cedro, keñe apkelyepetchesa sawo ekyátekto ekmomnáwa, cham'a amonye' nak kañe' Ekpagkanamaxchexa agko'.

2 Crónicas 3:4

Nueve metros axta ekwenaqte m'a apwáxok émha amonye' nentaxnamakxa nak tegma appagkanamap, hawók axta m'a appayhakxa nak tegma, keñe axta han nueve metros ma'a ekmahéyak nak néten. Apkelyepetchessek axta han Salomón sawo ekyátekto ekmomnáwa agko' ma'a nentaxnamakxa nak apwáxok,

Éxodo 25:12

Elanés sa' nahan cuatro sawo élyaqye sawo ekyátekto ekmomnáwa, elatches sa' ma'a cuatro ayay'ák nak, ánet sa' ma'a xama nekha nak, tén sa' ánet nahan ma'a mók nekha nak.

Éxodo 25:24

Elyepetches sa' nahan émpe'ék ma'a sawo ekyátekto agko' nak, epekkenches sa' nahan xama ekpayhe étkok ekwenaqte sawo ekyátekto ekmomnáwa m'a nekhaw'ék nak.

Éxodo 28:23

Elána sa' nahan ánet sawo élyaqye sawo ekyátekto ekmomnáwa, enegken sa' ma'a ánet naw'ék nak chá'a m'a kélchexanma kélnények;

Éxodo 30:3

Elyepetches sa' nahan sawo ekyátekto agko' ma'a néten nak tén han ma'a cuatro nekhaw'ék nak tén han ma'a élámha élmahamtakcha'a nak, epekken sa' nahan ekpayhe étkok ekwenaqte sawo ekyátekto ekmomnáwa m'a nekhaw'ék nak.