Éxodo 24:14 - Biblia Enxet

¹⁴ Aptáhak axta apkeláneya apkelámha apmonye'e s'e: —Hélleyx sa' aqsa s'e kélaqnágwa'akxa nak, ekwokmoho nélwa'akto makham. Aarón tén han Hur akke aphákxak kélxegexma kéxegke, yetneyk sa' agkok apkelátegmómap chá'a pók énxet, sa' kólyo'ókxések chá'a m'a.

Éxodo 24:14 ပူးပေါင်းရင်းမြစ်များ

Génesis 22:5

Keñe axta aptáha apkeláneya apkelásenneykha s'e: —Kólhakha sa' se'e, kóllanha sa' yámelyeheykok, ólxog sa' sekxók negko'o makham, sakcha'a tén han ko'o. Ólpeykeshok sa' Dios, keñe sa' ólchexyók makham.

Éxodo 17:10

Aptemék axta nahan Josué m'a apkeltamhókxa axta etnehek ma'a Moisés, tén axta aptepa apkelnápekpo m'a amalecitas. Neyseksa ekteme axta xa, apkelchenátweykxeyk axta Moisés, Aarón, tén han ma'a Hur ma'a netno' nak egkexe.

Éxodo 17:12

Apkelmeyk axta nahan xama meteymog appekkenchesa apkeltamho exek néten ma'a Moisés, hakte kelyampa'ak axta apaktegák apkelya'asso néten. Keñe axta m'a Aarón tén han Hur, apkelmassásegko chá'a m'a apaktegák, xama axta m'a xama apaktog, tén axta nahan pók ma'a mók apaktog nak. Axta keñamak élyenna apaktegák Moisés ekwokmoho ektaxna ekhem xa.

Éxodo 18:16

Yetneyk agkok chá'a ekteyapma apkelátegmomap nepyeseksa, elchexyamok chá'a hey'ótak yaqwayam enxoho chá'a ko'o altennásekxohok yaqsa énxet ektaqmela aptáhakxa; keñe ko'o ay'ássesagkohok chá'a m'a ektémakxa nak segánamakxa tén han ma'a ektémakxa nak nélxekmowásamáxche eñama m'a Dios.

Éxodo 32:1

Xama axta apkelwet'a israelitas ekwegqa metyapma Moisés ma'a néten egkexe nak, apchaqnákxeyk axta apwakhegwákxo aphakxa m'a Aarón. Aptáhak axta apcháneya s'e: —Henlanés sa' negko'o dios egagkok yaqwayam sa' hennaqlawha chá'a, hakte magya'ásegkok negko'o ektáhakxa m'a Moisés, ektáha axta sẽlántekkesso m'a Egipto.

1 Samuel 10:8

Emyekxa sa' apmonye' m'a Guilgal, yaqwánxa sa' ólwetaxchekxak makham, yaqwayam agmések aqsok élwatnamáxche m'a, tén han aqsok ektekyawa ekyaqmageykekxa nak sẽlásekheykekxoho. Héleyx sa' ekweykmoho siete ekhem ma'a, ekwokmoho sekwákxo ko'o, keñe sa' altennaksek yaqwánxa elána'.