Éxodo 23:30 - Biblia Enxet

³⁰ Ataqmelchesagkohok sa' eyke ko'o alántekkesek aphakxa exchep ma'a énxet'ák nak, ekwokmoho apxámákxo m'a apketchek, tén sa' emok etnehek apagkok se'e xapop nak.

Éxodo 23:30 ပူးပေါင်းရင်းမြစ်များ

Deuteronomio 7:22

Etaqmelchesagkohok sa' aqsa elántekkesek Wesse' egegkok xa énxet'ák nak; megkólwanchek kéxegke kólmasséssók ekmanyehe agko' xa, hakte kaxámekxak katnehek aqsok nawha'ák éllo m'a kélnepyáwa nak, keñe kamenxenmakha chá'a.

Josué 13:6

Ko'o sa' alántekkesek apmonye'e Israel ma'a sidonios, keñe han ma'a apyókxoho apheykencha'a nak ma'a neyseksa meteymog élekhahéyak nak, eyeynókxa m'a Líbano néxa m'a yókxexma nak Misrefot-maim. Xeyep sa' etnehek apmelásekte xapop, elmésagkok sa' xapop apagkok ma'a énxet'ák nak Israel, cháxa séltamhókxa nak ko'o etnehek xeyep xa.

Josué 23:4

Élmeyáseykegkek axta ko'o kéxegke xapop kélagkok sektawassama xama aqsok nepyeseksa énxet'ák kélagkok. Axta waxpánchessók ko'o wánxa m'a xapop élmomaxche axta, éxpánchessegkek axta han ma'a megkalmomaxche axta makham, eyeynókxa m'a wátsam Jordán ekpayho nak ekteyapmakxa ekhem, ekweykekxoho m'a wátsam ekwányam Mediterráneo, ekpayho nak ektaxnegwánxa ekhem.

Josué 23:5

Elántekkesek sa' Wesse' egegkok énxet'ák apheykha nak ma'a, keñe sa' kéxegke kólmok, ekhawo apxeyenmakxa axta etnéssesek Dios Wesse' kélagkok.

Josué 23:9

Apkelántekkessegkek kélmonye'e kéxegke Wesse' egegkok ma'a énxet'ák apxámokma tén han apkelyennaqte, méko kawának kanmexekxak kéxegke ekwokmoho makham se'e kaxwo' nak.