Éxodo 23:13 - Biblia Enxet

¹³ “Kóllána chá'a ekyókxoho m'a séltémo nak chá'a kóllána', mómenyék nahan ko'o kólxének kéxegke xama enxoho m'a pók kéláyókxa nak chá'a.

Éxodo 23:13 ပူးပေါင်းရင်းမြစ်များ

Salmos 16:4

cham'a apxámáseyak nak chá'a aqsok apcháyókxa, apkelyetleykekxa nak chá'a yetlo melyenseyam. ¡Mapasmekxeyk ko'o m'a apkelánéyak nak aqsok apkelnapma! ¡Maxének xama enxoho élwesey m'a aqsok apkeláyókxa!

Salmos 39:1

Ekxeyenmeyk axta ko'o alanagkohok sektémakxa, tén han mehélanaksek may'assáxma m'a sekpeywa, tén han amágwakxak chá'a sekpeywa, apchaqnáncha'a enxoho chá'a emonye' m'a élmasagcha'a nak apkeltémakxa.

Éxodo 23:24

Nágkólhésagkoho ektémakxa nak élmasagcha'a apkeltémakxa xa énxet'ák nak. Nágkólháxe amonye'e m'a aqsok apcháyókxa nak, nágkólpeykesho nahan; kólsawhaksoho aqsa kólekkexchásekxak ma'a ekyókxoho aqsok kéleykmássesso nak tén han ma'a meteymog apkeláncháseyák nak chá'a apkelpeykessamo.

Éxodo 23:32

“Ná elpaqhetchesakpoho xama enxoho xa énxet'ák nak tén han ma'a aqsok apcháyókxa nak,

Jeremías 10:11

(Énxet'ák Israel, kólteme kólának énxet'ák melya'áseyak nak Dios se'e: “Aqsok kéláyókxa, megkatnaha nak élane néten, tén han xapop, kalmassegwók sa' keso náxop; megkeymaxcheyk sa' xama enxoho s'e kóneg yaphope nak.”)

Oseas 2:17

Kamaskok sa' kaxwók kalxének élwesey m'a Baales, megkalxénaxcheyk sa' nahan chá'a kaxwók xa.

Zacarías 13:2

Amasséssamhok ahagko' sa' ko'o élwesey aqsok kéláyókxa ekyókxoho s'e apchókxa nak, yaqwayam sa' megkóllenxanmagkók chá'a kélwóneykha. Amasséssók sa' nahan apchókxa m'a Dios appeywa apkellegasso apkelmopwancha'a amya'a nak tén han ma'a espíritu élmanyása nak. Ekxénchek ko'o xa, sektáha nak Wesse'.

Números 32:38

Nebo, Baal-meón, tén han Sibmá, apyaqmagkassessek axta nahan chá'a apkelwesey pók xama m'a, aptegyáseykxeyk axta chá'a apwesey m'a ektáha axta chá'a apnaqxétekháseykegkokxa.

Deuteronomio 12:3

Kólyaqnegkessesák sa' ma'a apkelwatnamakxa nak chá'a aqsok. Kóltemessásekxa sa' nekha'a étkók ma'a meteymog apkeláncháséyak nak, kólwatneyásekxa sa' ma'a yámet awhók apkelpeykessamo nak chá'a, kólmasséssem sa' ma'a kéleykmássesso apcháyókxa nak chá'a; kólmasséssem sa' élxénamaxchexa nak chá'a xa aqsok nak.

Deuteronomio 4:15

“Axta kólweteyk kéxegke xama enxoho apyókxa Wesse' egegkok ma'a apkelpaqhetchessama axta neyseksa táxa eyáléwe, néten egkexe nak Horeb. Kóllanagkoho kéltáhakxa,

Deuteronomio 4:23

Eyke, kóllanagkoho sa' kéltáhakxa yaqwayam megkalwagqamagkehek ma'a ekhémo mók nélpaqhetchásamáxkoho apkelánésso axta kéxegke m'a Dios Wesse' kélagkok. Nágkóllána xama enxoho kélpeykessamo kéleykmássesso tén han kélheyáseykegkoho nak ektémakxa ekyókxa xama aqsok, cham'a apmasma nak cha'a kóllának ma'a Dios Wesse' kélagkok,

Deuteronomio 4:9

Nágkalwagqamák chá'a m'a aqsok kélwete nak, nágkólyensem chá'a xama enxoho ekxéneykha kélwáxok; kóltennasha chá'a m'a kélketchek tén han ma'a kéltawán'ák.

Deuteronomio 6:1

“Keso apkeltémókxa nak antéhek, tén han segánamakxa tén han nélánémaxchexa nak antéhek apkeltamho nak ko'o alxekmósek kéxegke m'a Dios Wesse' kélagkok, yaqwayam sa' kóllánegwók ma'a apkelókxa kélmáheyókxa nak kólmok.

Josué 22:5

Wánxa eyke aqsa séltamho kóllanagkok meyke kélyenseyam ma'a apkeltémókxa nak antéhek Dios, tén han segánamakxa apmésso axta Moisés, apteme axta Wesse' egegkok apchásenneykha. Kólásekhoho Dios Wesse' kélagkok nak kéxegke, kólyetlow chá'a m'a ámay apagkok, kólyahakxoho han ma'a apchánamakxa nak antéhek, kólyetlow chá'a meyke kélyenseyam ekweykmoho kañók agko' kélwáxok, tén han ekweykmoho m'a élchetámeykegkaxa nak kélwáxok.”

Josué 23:11

Kólewagkoho sa' kéltaqmelchásamáxkoho kélagko' kéxegke. Kólásekhoho m'a Dios Wesse' kélagkok.

Josué 23:7

Nágkólpáxaqwom pók énxet'ák apheykha nak makham se'e kélnepyeseksa nak kéxegke. Nágkólpeykesho m'a aqsok apkeláyókxa nak, nágkólyahakxoho han; nágkólxénmakha han chá'a xa aqsok kéláyókxa nak, nágkólmaha han chá'a élwesey kélteméssesa enxoho chá'a naqsók kélpeywa.