Éxodo 20:26 - Biblia Enxet

²⁶ Megkéméxchek nahan keytek negchántamakxa néten ma'a ekwatnamáxchexa nak chá'a aqsok ahagkok, yaqwayam enxoho megkólxekmóshek chá'a xama enxoho meykexa apáwa kélyókxa m'a kélchánta enxoho.

Éxodo 20:26 ပူးပေါင်းရင်းမြစ်များ

Salmos 89:7

Yeykpohok chá'a Dios nepyeseksa m'a apkelásenneykha apheykha nak néten, apwányam apagko' nepyeseksa m'a apheykha nak nepyáwa'.

Éxodo 28:42

Elánesák sa' nahan apkelatchesso apyay'ák apkelpense m'a apáwa apkeláxñe nak, yaqwayam sa' elatchásekxak eyeynamo m'a nepxet nak ekweyktámho m'a apyay'ák nak,

Éxodo 28:43

tén han yaqwayam sa' elatchásekxak chá'a Aarón tén han apketchek apkelántaxnegwákxo enxoho chá'a m'a kélpakxanma apchaqneykekxexa nak chá'a énxet'ák, essenhan ma'a apchaqnágweykxo enxoho chá'a nekha m'a ekwatnamáxchexa nak aqsok, cham'a apkeltamheyncha'a enxoho chá'a elmaxnéssesek énxet'ák ahagkok ma'a kañe' kélpakxanma appagkanamap, yaqwayam enxoho melanagkek chá'a xama aqsok megkapayhawo nak chá'a elanagkok, keñe eletsapok. Cháxa xama segánamakxa apagkok meyke néxa Aarón xa tén han ma'a aptawán'ák neptámen nak.

Eclesiastés 5:1

Apmeyákxeyk agkok Dios tegma appagkanamap apagkok, elanagkoho yaqwánxa etnehek: ná egkés aqsa aqsok aptósso apchaqhe aptémól'a m'a énxet ekyeyháxma mey'áseyak la'a aqsok ekmaso apkelane, epenchesho sekxók apkeláneykekxa aptáhakxa yaqwayam elyahakxohok Dios.

Ezequiel 43:17

Keñe axta nahan cuatro nekhaw'ék ma'a neyseksa ekyetno nak, siete metros axta chá'a m'a xama nekha. Keñe m'a máxek ekyetno axta m'a nekhaw'ék, ektáha náxet metro m'a ekpayhakxa, keñe m'a nekhaw'ék élámha axta, ektáha veinticinco centímetros ma'a ekpayhakxa. Teyapmakxa ekhem axta nahan heykegkok ma'a nélyetlamakxa néten nak negchántamakxa m'a ekwatnamáxchexa aqsok.

Levítico 10:3

Keñe axta Moisés aptáha apcháneya Aarón se'e: —Cháxa apmáheyo axta exének Wesse' egegkok aptéma axta appeywa s'e: ‘Énxet sépetchegwayo enxoho ko'o, axekmósek sa' sekteme sekpagkanamaxche ahagko', hélteméssesek sa' ko'o seyeymáxkoho nápaqta'awók apyókxoho israelitas.’ Apwanmakkek axta eyke aqsa Aarón.