Éxodo 18:22 - Biblia Enxet

²² Sa' nahan chá'a elánekxések apkelpaqmeyesma nepyeseksa énxet'ák yókxoho ekhem xa; tén sa' ma'a amya'a ekyentaxno agko' nak kólsantagkasek chá'a exchep, tén sa' ma'a amya'a éxyawe nak, elanagkokxohok chá'a apagko' ma'a énxet'ák nak. Cháxa yaqwayam sa' kaxyawássesek xeyep apkelane aptamheykha eñama xa kélpasmomáxkoho nak.

Éxodo 18:22 ပူးပေါင်းရင်းမြစ်များ

Esdras 7:25

“Keñe sa' xép Esdras, elyésha sa' énxet'ák segyekpelchémo, tén han apkeltaqmelchesso nak chá'a apchókxa', yaqwayam sa' etaqmelchessásekxak chá'a apheykha apyókxoho énxet'ák apheykha nak yókxexma teyp nak wátsam Éufrates, ekpayho nak ektaxnegwánxa ekhem, emha sa' ma'a ektémakxa nak apmésso apya'ásegwayam Dios apagkok, cham'a apyókxoho apkelya'áseyak nak ma'a segánamakxa apagkok nak Dios apagkok; keñe sa' ma'a melya'áseyak nak, elxekmós sa'.

Éxodo 18:18

hakte eyampak xeyep, elyampak nahan ma'a énxet'ák apheykha nak xamo'. Yentexók agko' xa aqsok apkeláneya nak xép, mopwanchek elának apxakko'.

Éxodo 18:23

Apkelanak sa' agkok xeyep se'e, apkeltamho enxoho chá'a etnehek ma'a Dios, elenmaxakpohok sa'; tén sa' ma'a énxet'ák nak, eltaqhekxak aqsa chá'a ekyetlómo élpayheykekxa apkelwáxok ma'a apxanák.

Éxodo 18:26

Apkelánekxéssegkek axta nahan chá'a apkelpaqmeyesma nepyeseksa énxet'ák yókxoho ekhem ma'a; keñe axta m'a amya'a ekyentaxno magmowána nak anlánekxa', ey'ókxések axta chá'a m'a Moisés. Keñe axta m'a ekyókxoho amya'a éxyawe, megkatnaha nak amya'a ekmaso, elanagkokxohok axta chá'a apagko'.

Números 11:17

Aweywenták sa' ko'o m'a, keñe sa' alpaqhetchesek yetlo exchep, amekxak sa' nahan nekha espíritu ekyetna nak xép, keñe sa' almésagkok ma'a énxet'ák nak, yaqwayam sa' epasmok apkeltaqmelchesso exchep ma'a énxet'ák nak. Keñe sa' metnehek chá'a exchep apxakko'.

Números 15:33

Apyentamákxeyk axta aphakxa Moisés tén han Aarón tén han nápaqta'awók apyókxoho énxet'ák ma'a ektáha axta apwete apkelana yántápak,

Números 27:2

Kelmahágkek axta átog nentaxnamakxa kélpakxanma apchaqneykekxexa nak chá'a énxet'ák xa cinco kelán'ák nak, yaqwayam kalpaqhetchesaxkohok ma'a Moisés, tén han ma'a appasmo apkelmaxnéssesso Dios énxet'ák apagkok Eleazar, tén han ma'a apkelámha apmonye'e nak apnámakkok. Axta entáhak éláneya s'e:

Números 36:1

Apkelya'aweykxeyk axta Moisés ma'a apkelámha apmonye'e axta chá'a nepyeseksa apnámakkok ma'a Galaad aphawóxama, Maquir axta aptawán'ák neptámen, Manasés, tén han ma'a José. Apkelya'aweykxeyk axta han ma'a apkelámha apmonye'e nak chá'a nepyeseksa aphawóxama m'a israelitas. Aptáhak axta apcháneya s'e: