Éxodo 17:2 - Biblia Enxet

² tén axta m'a énxet'ák appaqhetchásekxo makham ekyennaqte ma'a Moisés. Aptáhak axta apkelpaqmeta s'e: —¡Hegmés negko'o yegmen yaqwayam agyenagkok! Tén axta Moisés apchátegmowágkokxo. Aptáhak axta apkeláneya s'e: —¿Yaqsa ektáha sélpaqhetchessa'akto nak ko'o ekyennaqte? ¿Yaqsa ektáha kélyepkeyna nak Dios? —axta aptáhak apkeláneya.

Éxodo 17:2 ပူးပေါင်းရင်းမြစ်များ

Salmos 106:13

Ñohók axta eyke han élwagqámeykegko m'a aqsok apkelane axta Dios, axta elhaxanmak eltennaksek ma'a ekxeyenma axta apwáxok etnéssesek.

Salmos 106:14

Apyekkeynmeyk axta Dios ma'a yókxexma meykexa nak énxet, meykexa nak xama aqsok, apkeltémo elmések ma'a aqsok apkelmopmenyého.

Salmos 78:18

Apmáheyók axta épkeynek Dios apkelmaxneyeykencha'a aqsa chá'a m'a aptéyak.

Salmos 78:41

Épkeynekxak axta aqsa chá'a; ¡apyentaxnéssessegkek axta apwáxok ma'a Appagkanamap nak Israel!

Salmos 78:56

Apkelyepkeynmeyk axta eyke chá'a m'a Dios Meyke nak Ekhémo, apkenmexeykekxo chá'a, axta elyeheykekxohok chá'a m'a apkeltémókxa axta etnahagkok;

Salmos 95:8

“Nágkólyennaqtés aqsa kélwáxok, kéltéma axta m'a Meribá; kéltéma axta kélweykmo m'a Masá, yókxexma meykexa nak énxet,

Salmos 95:9

sépkeynma axta ko'o m'a kélyapmeyk nano' axta, neyseksa apkelwete aqsok sélane.

Éxodo 15:24

Apcheynawók axta nahan apkelpaqméteyncha'a ekmaso énxet'ák apxéna m'a Moisés. Aptáhak axta apkelmaxneyáncha'a s'e: “¿Yaqsa sa' agyenagkok?”

Éxodo 16:8

Tén axta Moisés aptáha appeywa s'e: —Taxnám sa' elmésagkok kéxegke Wesse' egegkok ápetek yaqwayam kóltawagkok, tén sa' ma'a saka elmésagkok kelpasmaga apxámokma apagko', hakte aplegayak chá'a ektémakxa kéxegke kélxéneykha ekmaso. Negko'o eyke kaqhok hẽlxénmakha. Mehẽlxénaha nahan chá'a negko'o ekmaso kéxegke, akke kélxénaha chá'a ekmaso m'a Wesse' egegkok.

Éxodo 17:7

Apteméssessegkek axta nahan ekwesey Meribá xa yókxexma nak, hakte axta élyenneykegkaxa chá'a apkelpeywa israelitas ma'a, Masá axta nahan apteméssessók ekwesey ma'a, hakte cham'a apmáheyókxa axta nahan chá'a épkeynek Dios ma'a, aptéma axta chá'a apkelpaqmeteykencha'a s'e: “¿Aphéya negyeseksa negko'o Wesse' egegkok, enxeykel'a exnak?”

Éxodo 5:21

Aptáhak axta apkeláneya s'e: —Wesse' egegkok sa' étak aqsok kéllánéyak kéxegke, tén sa' ellegássesagkoho'. Kéxegke keñamak sẽltaqnaweykegko negko'o m'a faraón tén han ma'a apkeláneykha nak. Kéxegke kélagko' nahan kélmeyásegkok sókwenaqte yaqwayam negko'o hẽlnápok.

Isaías 7:12

Aptáhak axta apchátegmowagkokxo Ahaz se'e: “Ma', malmaxneyhek sa' ko'o Wesse' egegkok ma'a xama aqsok magkenatchesso nak agweta', hakte maltamhók ko'o eypkeynek ma'a.”

Malaquías 3:15

Negweteyak chá'a negko'o élpayheykekxo apkelwáxok ma'a apkeleymákpoho nak, tén han ektaqmalma chá'a aqsok apkelánéyak ma'a énxet'ák élmasagcha'a nak apkeltémakxa, elyepkeynek chá'a Dios, tén mellegássesagkók chá'a.”

Números 14:2

Apyókxoho axta apxénáha ekmaso m'a Moisés tén han ma'a Aarón. Axta aptáhak apkelpaqméteyncha'a s'e: “¡Agmaskoho anna axtal'a m'a Egipto, essenhan se'e yókxexma meykexa nak énxet!

Números 14:22

Métyehek sa' xama enxoho xapop séltennassamakxa axta ko'o agkések apyapmeyk nano', cham'a apkelwete axta chá'a élseyéxma ahagkok tén han aqsok sempelakkasso nak agweta' séláneya axta chá'a ko'o m'a Egipto tén han ma'a yókxexma meykexa nak énxet, cham'a ekxámokma axta ko'o sépkeynma m'a yókxexma meykexa nak énxet, melyaheykekxa axta chá'a séltémókxa etnahagkok. Métyehek sa' xama enxoho m'a sewanyeykha nak chá'a ko'o.

Números 21:5

yetlókok axta nahan apkelpaqméteykha apkenmexeyncha'a m'a Dios, tén han ma'a Moisés. Aptáhak axta apkeláneya s'e: —¿Yaqsa ektéma sẽlántekkessama nak negko'o kéxegke m'a Egipto? ¿Yaqwayam hẽlnáhapwak yókxexma meykexa énxet enxeykel'a? Méko yegmen negyenéyak enxoho, tén han nento. ¡Ẽlleklámegkek negko'o s'e nentéyak élmasagcha'a nak!

Deuteronomio 6:16

“Nágkólyepkén aqsa Dios Wesse' kélagkok, kéltéméssessama axta m'a kélheykmo axta yókxexma Masá.

Deuteronomio 9:22

“Kéllókáseykegkek axta nahan kéxegke Wesse' egegkok ma'a kélheykegkaxa axta Taberá, Masá tén han ma'a Quibrot-hataavá.

1 Samuel 8:6

Axta kalchak apwáxok Samuel apkeltamho elyésha xama wesse' apwányam, yaqwayam etnehek apkemha apmonye' apkeltaqmelchesso. Yetlókok axta han apkelmaxnagko Wesse' egegkok;