Éxodo 16:32 - Biblia Enxet

³² Keñe axta Moisés aptáha s'e: —Keso apmésso appeywa apkeltamhókxa chá'a kóltéhek Wesse' egegkok se'e: ‘kólxátem sa' maná ekweykmoho chá'a ánet kilos, tén sa' kóltaqmelchessesek ma'a kéltawán'ák nak, yaqwayam sa' elwetak ma'a nento sekmésso axta ko'o kéxegke m'a yókxexma meykexa nak énxet, cham'a sélántekkesa axta kéxegke m'a Egipto.’

Éxodo 16:32 ပူးပေါင်းရင်းမြစ်များ

Salmos 105:5

Kaxénwakxoho chá'a kélwáxok ma'a ektémakxa axta aqsok ekyawe apkelane, cham'a aqsok sempelakkasso nak agweta', tén han ma'a apxeyenma axta elyekpelkohok énxet'ák;

Éxodo 16:16

Keso apkeltamhókxa nahan chá'a kóltéhek kéxegke Wesse' egegkok se'e: Kólma sa' chá'a kélxama kéxegke m'a ekwánxa enxoho chá'a kélmáheyo kóltók, tén han ma'a apwánxa enxoho énxet apheykha m'a kélxanák nak, elmok sa' chá'a ekweykmoho ánet kilos xama énxet.

Éxodo 16:31

Apteméssessegkek axta nahan ekwesey israelitas maná m'a aqsok apkelmágko axta. Élmope axta nahan ma'a, máxa axta m'a aqsok ekwesey nak cilantro aktek, atsek axta nahan, máxa axta m'a ektémól'a kelpasmaga apkelexyawáyol'a kéltexnéyak la'a m'a yányawhéna' apyegmenek.

Éxodo 16:33

Keñe axta Moisés aptáha apcháneya Aarón se'e: —Ema sa' xama hówenaq apxagkok, tén sa' exatmok ekweykmoho ánet kilos maná. Tén sa' natámen epekkenwakxak ma'a aphakxa nak Wesse' egegkok, yaqwayam sa' kóltaqmelchessesek ma'a kéltawán'ák nak kéxegke.

Jeremías 7:23

Wánxa axta aqsa chá'a ko'o séltémo hélyahakxoho'; keñe hetnehek ko'o Dios apagkok, keñe ko'o atnehek énxet'ák ahagkok ma'a. Éltémók axta nahan chá'a etnahagkok ma'a séltamhókxa enxoho chá'a etnahagkok, yaqwayam enxoho kataqmelek apheykha.

Oseas 11:4

Yetlo sélápeykha axta eknaqleykenták sekhakxa, tén han yetlo sélásekhayo; axta ekteméssessók séleynma m'a ektémól'a ólqeynek sakcha'a keyetsék megkalyamasmal'a neme; waháxeheykha axta chá'a alagkok aptéyak,