Éxodo 16:29 - Biblia Enxet

²⁹ Kólya'asagkoho hana ko'o, Wesse' kélagkok, sekméssama kéxegke xama ekhem kéllókassamakxa kélyampe; cháxa keñamak sekméssama nak chá'a ko'o kéltéyak ekhem seis yaqwayam kammohok ma'a ánet ekhem. Tén sa' ma'a ekhem siete nak kéméxcheyk kólhakha aqsa chá'a kéxegke kélxama m'a kélxanák nak tén han megkólántephek xa ekhem nak.

Éxodo 16:29 ပူးပေါင်းရင်းမြစ်များ

Nehemías 9:14

Apkelxekmóssegkek axta han ektémakxa nempagkanchesso m'a ekhem sábado, apméssegkek axta apkeltémókxa nak antéhek, tén han nélxekmowásamáxche ekmámnaqsoho, tén han segánamakxa, tén han nélxekmowásamáxche apchásenneykekxo axta m'a apkeláneykha Moisés.

Éxodo 16:28

Keñe axta Wesse' egegkok aptáha apcháneya Moisés se'e: —¿Háxko ekwánxa peya kammok kéxegke kéllenxanmeykegkoho megkólyeheykekxa m'a segánamakxa ahagkok nak, tén han ma'a ektémakxa nak chá'a sélxekmósso?

Éxodo 16:30

Keñe axta m'a énxet'ák, apkellókassek axta chá'a apkelyampe m'a ekhem siete.

Éxodo 31:13

“Elpaqhetches sa' xeyep apagko' ma'a israelitas; etne sa' elának se'e: ‘Kólteme chá'a kéláyo ekhem ahagkok sábado, hakte cháxa ekteme aqsok magkenatchesso kélnepyeseksa kéxegke xa tén han ko'o xa megkatnégwayam néxa, yaqwayam enxoho kólya'asagkohok ko'o, sektáha nak Wesse', sélyéseykencha'a kéxegke.

Ezequiel 20:12

Élya'assásegweykmek axta nahan ma'a ekhem ahagkok sábado, yaqwayam enxoho katnehek magkenatchesso nepyeseksa m'a tén han ko'o xa, tén han ekxénweykekxoho chá'a apkelwáxok ektáha ko'o sekpagkanchesso, ko'o sektáha nak Wesse'.

Levítico 25:21

Apasmok sa' eyke ko'o eyxnéssesek aqsok kélcheneykekxa' neyseksa seis apyeyam, kaxhok sa' apqántánxo apyeyam ma'a aqsok kélcheneykekxa kélnakxo nak;