Éxodo 15:21 - Biblia Enxet

²¹ Axta entáhak nahan éláneya neyseksa élmeneykmasso námakkok se'e: “Kólmeneykmásses Wesse' egegkok, cham'a apmallana axta nepyeseksa apkelenmexma, apkelweykeságko wátsam ekwányam ma'a yátnáxeg tén han ma'a apheykha nak apkap'ák.”

Éxodo 15:21 ပူးပေါင်းရင်းမြစ်များ

2 Samuel 1:20

Ná kóltennasha aqsa m'a énxet'ák apheykha nak Gat, nágkóltennaha m'a ámay nak Ascalón, yaqwayam enxoho megkalessawaksók ma'a kelán'ák nak filisteas, tén han megkalnextegmakha néten kalátsaha xa kelán'ák megkalya'áseyak nak Dios.

2 Samuel 6:14

Aptaxnékxeyk axta han David ma'a efod apkeláxñe nak, axta han yésákpok apneyweyncha'a,

2 Crónicas 5:13

Apyókxoho axta han appasmeykxak apkelpáwasa m'a apkelaqkahasso, appasmeykxeyk axta apkelmeneykmasa yaqwayam elpeykeshok Wesse' egegkok, tén han egkések ekxeyenma apkelwáxok, apkelpáwassek axta apkelaqkahasso, tén han ma'a apkelaqtáwasso nak élyaqye, tén han ma'a mók ektémakxa nak kélpáwasso, neyseksa apteme apkelmeneykmasso s'e: “Kólpeykesho Wesse' egegkok, hakte tásek apwáxok ma'a, megkamassegwomek han segásekhayo.” Yetlókok axta han eklánegwe yaphope m'a Wesse' egegkok tegma appagkanamap apagkok nak,

Salmos 76:6

Xama axta apkelpaqhetchesa exchep ma'a yátnáxeg, tén han ma'a apkelyenyawasso nak, xép aptáha nak Jacob Dios apagkok, máxa életsapma axta tamhágkok.

Éxodo 15:1

Tén axta Moisés apmeneykmasa yetlo israelitas se'e negmeneykmasso nak, apkelsawassásawo m'a Wesse' egegkok. Aptáhak axta apkelmeneykmasso s'e: “Anneykmássesek sa' ko'o Wesse' egegkok, cham'a apmallana axta nepyeseksa apkelenmexma apkelweykeságko kañe' wátsam ekwányam ma'a yátnáxeg tén han ma'a apheykha nak apkap'ák.

Éxodo 15:4

Apkelweykásegkek axta Wesse' egegkok wátsam ekwányam ma'a yátnáxeg apkelyenyawasso tén han ma'a faraón sẽlpextétamo apagkok; ¡kelnapchek axta Wátsam Ekwányam Ekyexwase m'a sẽlpextétamo ektáha axta apkelyéseykha!

Jueces 5:3

¡Kóleyxho sekpeywa kéxegke kelwesse'e apkelwányam nak! ¡Kóleyxho sekpeywa kéxegke kéltaqmelchesso nak kélókxa! ¡Anneykmássesek sa' ko'o Wesse' egegkok!, ¡anneykmássesek sa' ma'a Dios apagkok nak Israel!

1 Samuel 18:6

Xama axta apkeltaqháwo sẽlpextétamo natámen axta apchaqhe David ma'a filisteo, kelántekkek axta kelán'ák ekyókxoho m'a tegma apkelyawe nak Israel ekma takha' m'a wesse' apwányam Saúl, kelmeneykmássek axta, neywegkek axta han ekmátsa agko' yetlo élpáwasso kélaqtáwasso, tén han ma'a ekhól'a sokpayhe étkók.

1 Samuel 18:7

Axta táhak chá'a élmeneykmasa kelán'ák neyseksa ekneyweyak se'e: “Mil énxet apkelnápak Saúl, keñe David apkelnapa diez mil.”