Éxodo 15:20 - Biblia Enxet

²⁰ Keñe axta m'a kelán'a ekxeyenmo axta chá'a Dios appeywa ekwesey María, apyáxeg axta m'a Aarón, ekma xama kélaqtawáseykha ekyaqyél'a, kelyetlókek axta nahan ekyókxoho m'a kelán'ák, neywegkek axta, kelpáwássek axta m'a aqsok élyaqye nélaqtawáseykha nak.

Éxodo 15:20 ပူးပေါင်းရင်းမြစ်များ

Génesis 31:27

¿Yaqsa ektáha sélyexancháseyncha'a, tén han sexyánegkesa nak meyke séltennasso? Kaxtemék axta séltennasso, apeykásekxohok axta yetlo ekpayheykekxoho ewáxok, tén han yetlo kélpáwasso m'a kéltekpaga nak, tén han arpa.

2 Samuel 1:20

Ná kóltennasha aqsa m'a énxet'ák apheykha nak Gat, nágkóltennaha m'a ámay nak Ascalón, yaqwayam enxoho megkalessawaksók ma'a kelán'ák nak filisteas, tén han megkalnextegmakha néten kalátsaha xa kelán'ák megkalya'áseyak nak Dios.

2 Samuel 6:14

Aptaxnékxeyk axta han David ma'a efod apkeláxñe nak, axta han yésákpok apneyweyncha'a,

2 Samuel 6:16

Xama axta ekwákxo Wesse' egegkok yántéseksek apagkok ma'a David Tegma Apwányam apagkok, kelteyányáha axta átog étkok ma'a Mical, Saúl axta apketche; xama axta ekwet'a wesse' apwányam David apkelteyncha'a apneyweyncha'a nápaqtók Wesse' egegkok, lókók agko' axta awáxok éláneyncha'a.

2 Samuel 6:5

Keñe m'a David tén han apyókxoho énxet'ák nak Israel, apkelxegkek axta m'a apmonye' nak Dios, axta eleyságkohok apkelmeneykmasa tén han apneyweygko, yetlo apkelpáwasso m'a arpa, yát'axpog, aqsok nélaqtáwassól'a, tén han nélchekto, tén han ma'a apkelaqkahasso nak.

2 Reyes 22:14

Apxegkek axta Hilquías, Ahicam, Acbor, Safán tén han Asaías, apkelya'aweykxo m'a eklegasso axta Dios appeywa, kelán'a ekwesey axta Huldá, Salum axta aptáwa', Ticvá axta apketche, Harhás axta aptáwen, apkeltaqmelchesso axta chá'a m'a kélxátamakxa nak apáwa m'a tegma appagkanamap. Axta eghak Huldá m'a kaxwe apheykegkaxa axta énxet'ák ma'a Jerusalén, xama axta kélpaqhetchesa,

1 Crónicas 15:16

Apkeltamhók axta han David ma'a apkelámha apmonye'e nak levitas elyésha, yaqwayam etnahágkok apkelmeneykmasso m'a nepyeseksa nak énxet'ák apagkok, yetlo apkelpáwasso m'a arpa, yát'axpog, tén han ma'a ekho nak sokpayhe étkók élyaqye, yaqwayam elpáwaksek yetlo ekmátsa nak ageyxho'.

1 Crónicas 6:3

Amram apketchek axta s'e: Aarón, Moisés tén han María. Aarón apketchek: Nadab, Abihú, Eleazar tén han Itamar.

Nehemías 6:14

Tén axta ko'o sektáha sélmaxneya Dios ahagkok se'e: ¡Dios ahagkok, kaxén sa' apwáxok aptamhágkaxa nak Sambalat, tén han ma'a Tobías! Nágkalwánaqma han ma'a Noadías ekteme nak eklegasso appeywa exchep, tén han ma'a pók apkellegasso nak xép appeywa, apkeltémo nak ko'o hégwakkasek.

Salmos 149:3

Kólpeykesho apwesey yetlo kélnéweykha, kólmeneykmásses negmeneykmasso yetlo kélpáwasso arpa, tén han nélaqtáwasso.

Salmos 150:4

¡Kólpeykesho kólnéwha élpáwá m'a kélaqtáwáseykha! ¡Kólpeykesho yetlo kélpáwasso yámámok, tén han ma'a ekha nak apxát'ák!

Salmos 30:11

Seknéweykha aptemessásekxak ma'a sélekxagweykha, apmasséssek ko'o sélapwayam, etaxneyásekxeyk sélnáxegkáseyncha'a m'a apáwa apkeltaqmalma.

Salmos 68:11

Apméssek axta appeywa Wesse' egegkok; xámok axta han kelán'ák élsóncha'a m'a aptáhakxa appeywa. Axta entáhak chá'a s'e:

Salmos 68:25

Apmonye'e apkelxegak ma'a apkelmeneykmasso nak, keñe axayók ma'a apkelpáwasso nak, keñe kelán'a étkók élxega m'a neyseksa nak, yetlo élpáwasso m'a élaqtáwáseykha.

Salmos 68:26

¡Kólpeykesho chá'a kélyókxoho kéxegke m'a Dios Wesse' egegkok! ¡Kólpeykesho chá'a kélyókxoho Israel kélaqnákxoho nak se'e!

Salmos 81:2

Kólmeneykmés yetlo kélpáwasso m'a aqsok élyaqye nak kélaqtáwasso, tén han ekmátsa kélpáwasso m'a arpa, tén han yát'axpog.

Éxodo 2:4

tén axta ekxéna nahan kaxnamok yámmakhawók apyáxa m'a sakcha'a nak, éltamho katagkohok yaqwánxa katnehek.

Eclesiastés 3:4

Yetneyk ekhem nenlekxagweykegkaxa', tén han néktegmeykegkaxa'. Yetneyk ekhem senlapweykenxa', tén han ekpayheykekxexa egwáxok.

Jeremías 31:4

Israel, axátekhásekxak sa' ko'o makham xép. Éxyamok sa' makham yetlo appáwasso kélaqtáwasso enéwha ekmátsa agko'.

Miqueas 6:4

Élántekkesegkek axta ko'o kéxegke m'a Egipto, sélmallahanchessama m'a ektémakxa axta kélteme kélásenneykha naqsa. Eyáphássessegkek axta ko'o yaqwayam enaqlawha m'a Moisés, Aarón, tén han María.

Números 12:1

Cheynawók axta ekxéneyncha'a ekmaso Moisés ma'a María tén han Aarón, axta ñémeykxa apmoma xama kelán'a Etiopía.

Números 12:2

Axta entáhak nahan élpaqmeta s'e: “Háwe apwánxa apagkok appaqhetchessama chá'a Wesse' egegkok ma'a Moisés; negko'o han ẽlpaqhetchessók chá'a.” Apleg'ak axta nahan ektáhakxa élpeywa m'a Wesse' egegkok.

Números 20:1

Apkelweykmek axta israelitas ma'a yókxexma meykexa énxet Sin, apkemha apmonye' apxegál'a pelten ma'a apyeyam, apkelheykmek axta sekxók ma'a Cadés. Cha'a étsapweykenxa axta nahan María m'a, axta kélátawañeyk han ma'a.

Números 26:59

Apmomchek axta Amram xama apketche kelwána m'a Leví aptéma aptáwa', ekwesey axta Jocabed, ektéyeykmo axta aphamakxa axta makham Leví m'a Egipto. Amram tén han Jocabed axta étchek ma'a Aarón, Moisés, tén han María.

Jueces 11:34

Xama axta apwákxo apxagkok Jefté, cham'a Mispá, kelanyexágkek axta ekma takha' m'a apketche kelwána ekteme axta wánxa xama, néweyha axta yetlo ekpáwasso nélaqtawáseykha. Méko axta han pók apketche enxoho m'a,

Jueces 21:21

kólleyxmakha sa'. Kelántekkek sa' agkok kelán'a étkók éleñama nak Siló, yaqwayam kanéwagkok, kólántép sa' nahan kéxegke m'a kélyexánegwánxa enxoho, kólchétches sa' chá'a xama kelán'a, kólmeyekxa sa' chá'a m'a kélókxa nak.

Jueces 4:4

Cháxa ekhem, ektémakxa axta éláneykha apchókxa Israel xama kelán'a Dios appeywa eklegasso ekwesey axta Débora, Lapidot axta aptáwa'.

1 Samuel 10:5

Keñe sa' ewakxak ma'a Guibeá egkexe apagkok nak Dios, apheykegkaxa nak sẽlpextétamo filisteos. Aptaxneyk sa' agkok ma'a tegma apwányam, elwetágwók sa' Dios appeywa apkellegasso apkelenyékta m'a kélpeykessamókxa nak chá'a Dios. Apmonye'e sa' elxegmak énxet'ák apkelpáwasso yát'axpog, aqsok kélaqtáwasso, yámámok tén han arpa, elxének sa' Dios appeywa yetlo apkelnextegeykha néten.

1 Samuel 18:6

Xama axta apkeltaqháwo sẽlpextétamo natámen axta apchaqhe David ma'a filisteo, kelántekkek axta kelán'ák ekyókxoho m'a tegma apkelyawe nak Israel ekma takha' m'a wesse' apwányam Saúl, kelmeneykmássek axta, neywegkek axta han ekmátsa agko' yetlo élpáwasso kélaqtáwasso, tén han ma'a ekhól'a sokpayhe étkók.