Éxodo 15:17 - Biblia Enxet

¹⁷ Wesse' egegkok, hẽlye'és negko'o yaqwayam aghamok ma'a egkexe apagkok ekpagkanamaxche nak, cham'a yókxexma sẽlyessáseykegkaxa axta yaqwayam aghamok, apkeláneykxa axta tegma appagkanamap apagkok.

Éxodo 15:17 ပူးပေါင်းရင်းမြစ်များ

2 Samuel 7:10

Élánéssegkek axta han ko'o xama yókxexma yaqweykenxa exmakha m'a énxet'ák ahagkok Israel, ekheyáseykha axta ko'o m'a yaqwayam enxoho etnehek apagkok apagko', meyke enxoho yaqwánxa chá'a kalya'asha exma, meykexa enxoho yaqwayam enaqtawasagkohok ma'a énxet'ák élmasagcha'a nak apkeltémakxa, ekhawo apteméssessamakxa axta chá'a m'a sekxók axta,

1 Reyes 8:13

Élánéssek eyke ko'o exchep kaxwók xama tegma appagkanamap yaqwayam exek chá'a, xama aphamakxa meyke néxa.”

Salmos 114:2

aptemegkek axta Wesse' egegkok apkelyéseykha m'a énxet'ák Judá; keñe axta aptéma apagkok ma'a Israel.

Salmos 2:6

“Élyéseyha ko'o xama wesse' apwányam ahagkok ma'a néten nak egkexe Sión, ekteme nak egkexe ahagkok sekpagkanma.”

Salmos 44:2

meyke apmeykha axta apkelántekkessók xép ma'a énxet'ák melya'áseyak nak xép, apkellegassáseykegkók axta pók aptémakxa énxet'ák, keñe apkelhesseykmo ẽlyapmeyk negko'o m'a.

Salmos 68:16

Kéxegke kélteme nak egkexe netna'awo', ¿yaqsa ektáha kélnatha'a nak kéllano m'a egkexe yaqweykenxa nak exek ma'a Dios? ¡Exek sa' chá'a meyke néxa Wesse' egegkok ma'a!

Salmos 76:2

Apyetnegkek tegma appagkanamap apagkok ma'a Jerusalén; aphegkek ma'a egkexe Sión,

Salmos 80:15

anmen yámet xeyep apagko' axta apkeneykekxa', éltekteyapma ektáha axta exchep apkenegkessso apagko'.

Salmos 80:8

Egipto axta keñamak apleklo anmen yámet; apkelántekkessegkek axta m'a melpeykessamo nak chá'a exchep, tén axta apkeneykekxo m'a apheykegkaxa axta.

Éxodo 15:13

Yetlo apkelásekhayo exchep apnaqleykha s'e énxet'ák apagkok apkelwagkasa nak teyp; yetlo apmopwána nahan apnaqleykekxak ma'a yókxexma ekpagkanamaxchexa apagkok nak.

Éxodo 23:20

“Elano, wáphaksek sa' ko'o seyásenneykha apmonye' exchep, yaqwayam sa' etaqmelchesek neyseksók apxega ámay tén han eyentamok ma'a yókxexma sektaqmelchessessamakxa nak.

Éxodo 25:8

Héllanés sa' nahan xama kélpakxanma appagkanamap yaqwayam enxoho axek chá'a ko'o kélnepyeseksa kéxegke.

Éxodo 32:34

Exeg, enaqlow sa' énxet'ák ma'a yókxexma séltennassamakxa axta. Seyásenneykha sa' eyke exog apmonye'. Wokmek sa' agkok ma'a ekhem yaqwánxa allegássesagkoho', allegássesagkohok sa' ko'o eñama m'a apkeltémakxa melya'assáxma.

Jeremías 2:21

Máxa anmen yámet éltaqmalma axta ko'o ekteméssessók kéxegke séneykekxo, ektémól'a m'a anmen yámet aktek éltaqmalmal'a. ¡Kélesógweykmók kélagko' axta eyke kéxegke, massegkek axta ko'o sélyekpelche!

Jeremías 31:23

Aptáhak Wesse' ekha apyennaqte, Dios apagkok nak Israel se'e: “Ekyaqmagkassessek sa' agkok ko'o mók ektémakxa nak apheykha m'a énxet'ák Judá, apkelhákxo sa' makham ma'a xapop apagkok nak, tén han ma'a tegma apkelyawe apagkok nak. Sa' etnehek makham apkelpeywa s'e: ‘¡Etaqmelchesek sa' Wesse' egegkok se'e egkexe ekpagkanamaxche nak, ekyetnamakxa nak ekpéwomo nentémakxa!

Jeremías 32:41

Kapayhekxak sa' chá'a ko'o ewáxok ektaqmela enxoho chá'a sekteméssesakxa, axnésha sa' ko'o s'e apchókxa nak ekweykmoho kañók agko' ewáxok, tén han meyke ekyexamaxkoho ewáxok.”

Ezequiel 37:26

Alának sa' ko'o ekhémo mók sélpaqhetchásamáxkoho m'a, yaqwayam sa' katnehek naqsók meyke ektáhakxa apheykha. Katnehek sa' xama ekhémo mók nélpaqhetchásamáxkoho meyke néxa. Wának sa' exámekxohok apagko', meyke néxa sa' nahan apekkenchesek nepyeseksa m'a tegma appagkanamap aptaqmalma ahagkok.

Ezequiel 37:28

Apyetneyk sa' agkok meyke néxa tegma appagkanamap aptaqmalma ahagkok nepyeseksa m'a, elya'ásegwók sa' sélyéseykencha'a ko'o Israel ekpagkanamaxchexa ahagkok ma'a ekyókxoho apheykegkaxa nak chá'a pók aptémakxa énxet'ák.’”

Deuteronomio 33:19

Elwónmakha sa' pók aptémakxa énxet'ák ma'a egkexe nak, sa' elmések kélnaqtósso ektekyawa ekpayhawo nak chá'a kólmések ma'a; étak sa' aqsok ekxámokma éleñama nak wátsam ekwányam, tén han ma'a aqsok élmomnáwa élpowásamáxche nak ma'a neyáwa'.”

Josué 22:19

Xénchek agkok kélwáxok kéxegke ekmaso s'e xapop magmowána ólpeykeshok Wesse' egegkok, ekpehewayam axta kélxawe, hẽlyetlakxa sa' ma'a Wesse' egegkok nak xapop apagkok, apyetnamakxa nak Wesse' egegkok tegma appagkanamap apagkok. Kólma sa' yókxexma negyeseksa nak negko'o, eyke nágkólenmexekxa Wesse' egegkok tén han negko'óxa kóllának mók ekwatnamáxchexa aqsok megkatnaha nak Dios Wesse' egegkok apagkok.