Éxodo 14:28 - Biblia Enxet

²⁸ Xama axta ekwánaqmákxo ekyetnákxo ekyetnamakxa agko' ma'a yegmen, sawhawók axta eyápeykxo m'a yátnáxeg apkelyenyawasso tén han ma'a apkelchánte axta chá'a yátnáxeg, ekweykekxoho m'a apyókxoho sẽlpextétamo ektáha axta apkelántaxno m'a wátsam ekwányam apmáheyo emenxenek ma'a israelitas. Méko axta xama enxoho sẽlpextétamo apagkok apkeymomap ma'a faraón.

Éxodo 14:28 ပူးပေါင်းရင်းမြစ်များ

Génesis 50:9

Apkelyetlókek axta han José m'a énxet'ák apkelchánte axta yátnáxeg apkelyenyawasso, tén han apkelchánte yátnáxeg, apxámok apagko' axta énxet.

Génesis 7:18

Chántágkek axta yegmen, yágwokmók axta aqsa han ekmeykha yegmen ma'a yántakpayhe ekyawe.

2 Crónicas 20:24

Xama axta apkelwokmo énxet'ák Judá m'a negwetayókxa nak ma'a yókxexma meykexa énxet, keñe apkelenmexawo m'a apkelxegámxa axta apkelenmexma, aphopák axta aqsa apkelwet'ak aphágko náxop. ¡Méko axta xama enxoho apkeymomap mematñà!

Nehemías 9:11

Apmeykessáseykekxeyk axta apmonye'e wátsam ekwányam, keñe axta apkelyeykheykekxo neyseksa ekyamáyóxma m'a xapop, apkelweykáseykegkek axta eyke kañók agko' ma'a ektáha axta apmenxenma, ektémól'a meteymog katxek keytnamok ma'a kañók agko' nak yegmen.

Salmos 106:22

apkeláneya axta chá'a aqsok sempelakkasso agwetak ma'a apchókxa Cam, tén han ma'a aqsok segyegwakkassamo nak agwetak ma'a Wátsam Ekwányam Ekyexwase.

Salmos 136:15

Apweykáseykegko axta Wátsam Ekwányam Ekyexwase m'a faraón, yetlo sẽlpextétamo apagkok, hakte megkamassegwomek chá'a segásekhayo.

Salmos 78:53

Aptaqmelchessegkek axta apnaqleykha, yaqwayam enxoho megkaxek chá'a apkekakxa', chápeykekxeyk axta eyke wátsam ekwányam ma'a apkelenmexma.

Éxodo 14:13

Aptáhak axta Moisés apchátegmowágkokxo énxet'ák se'e: —Nágkóle'. Kólxeg aqsa, kóllano m'a apmako nak elának sakhem Wesse' egegkok yaqwayam elwagkasek teyp, hakte megkólwetekxók sa' chá'a kéxegke egipcios s'e ektáhakxa nak kélwet'a sakhem.

Éxodo 15:10

Apwátekhapchek axta eyke exchep, tén axta élweykeságko m'a wátsam ekwányam nak; máxa axta aptamhágkok apkelweywegko m'a ektémól'a meteymog kapallenták neygmen aphagwokmo m'a kañók agko' nak wátsam.

Éxodo 15:19

Xama axta élántaxna yátnáxeg apkelyenyawasso tén han apkelchánte yátnáxeg apagkok faraón ma'a wátsam ekwányam awáxok, apkeltamhók axta kápekxak yegmen ma'a Wesse' egegkok; tén axta m'a israelitas apkelyeykhákxo aqsa ektémól'a keymáwhok exma xapop ma'a kañe' nak wátsam ekwányam awáxok.

Habacuc 3:13

Apyaweykteyk xép yaqwayam epasmok énxet'ák apagkok, tén han ma'a wesse' apwányam apagkok apkelyéseykha axta exchep. Apketsagkassessek xép néten apxanák ma'a énxet'ák élmasagcha'a nak apkeltémakxa, yáxña'akxoho apnegkencháseykxak ma'a meteymog apowhók nak tegma.

Deuteronomio 11:4

tén han apteméssessamakxa axta m'a sẽlpextétamo Egipto yetlo m'a yátnáxeg apkelchánte, tén han ma'a yátnáxeg apkelyenyawasso apkenchesso nak kempakhakma, tén han ektémakxa axta apkelweykeseykegko Wátsam Ekwányam Ekyexwase awáxok ma'a apmenxenma axta kéxegke. Apmassésseykmók apagko' axta m'a Wesse' egegkok.

Jueces 4:16

Apmenxenchek axta Barac ma'a sẽlpextétamo nak, tén han yátnáxeg apkelyenyawasso, ekweykekxoho m'a Haróset-goím. Axta yeymékpok xama enxoho megyetsapma Sísara sẽlpextétamo apagkok xa ekhem nak: apyókxoho axta apkeletsapak.