Éxodo 14:22 - Biblia Enxet

²² xapop agko' axta nahan apkelyeykhákxak ma'a israelitas, cham'a ánet nekhaw'ék ekmayheykekxa nak neyseksa m'a yegmen, xama axta m'a ekpayho nak nélya'assamakxa tén axta nahan mók ma'a ekpayho nak nensagqalwa.

Éxodo 14:22 ပူးပေါင်းရင်းမြစ်များ

2 Reyes 2:14

Yetlómok axta aptekpaga yegmen ma'a apchaqlamap nak, keñe apkelpáxameykencha'a: “¿Háxko apmahágkaxa Wesse' egegkok, Dios apagkok nak Elías?” Xama axta aptekpagama yegmen keñe ekmayheykekxo, tén axta aptámeyeykekxo makham wátsam ma'a Eliseo.

2 Reyes 2:8

Tén axta apleklama apchaqlamap ma'a Elías, apkelyaqsáseykekxeyk axta keñe aptekpagma yegmen, tén axta ekmayheykekxo neyseksa m'a yegmen nak, apkelyekheykekxeyk axta wátsam xa apqánet nak, máxa axta ekyamayél'a exma'.

Nehemías 9:11

Apmeykessáseykekxeyk axta apmonye'e wátsam ekwányam, keñe axta apkelyeykheykekxo neyseksa ekyamáyóxma m'a xapop, apkelweykáseykegkek axta eyke kañók agko' ma'a ektáha axta apmenxenma, ektémól'a meteymog katxek keytnamok ma'a kañók agko' nak yegmen.

Salmos 106:9

Appaqhetchessegkek axta Wátsam Ekwányam Ekyexwase, yetlómok axta han ekyamaye. Apkelyeykháseykekxeyk axta m'a kañók agko' nak wátsam ekwányam, máxa axta apteméssessók ma'a xapop ekyamáyekxal'a exma.

Salmos 136:13

Apmeykáseykekxo axta neyseksa m'a Wátsam Ekwányam Ekyexwase, hakte megkamassegwomek chá'a segásekhayo.

Salmos 136:14

Apkelyeykháseykekxo axta Israel ma'a neyseksa wátsam ekwányam, hakte megkamassegwomek chá'a segásekhayo.

Salmos 66:6

xapop ekyamaye axta aptemessáseykekxak ma'a wátsam ekyawe nak, keñe axta m'a ẽlyapmeyk nano' axta negko'o apkelyeykheykekxo náxop ma'a wátsam nak; ¡axta nenlánegweykmok nélsawássessamo ekyókxoho senteméssessamakxa axta Dios ma'a!

Salmos 74:15

Aptekkessegkek axta exchep ma'a élánteyapmakxa nak yegmen, tén han wátsam, apyamassegkek axta m'a yegmen wátsam megkeymáyeykxa nak.

Salmos 78:13

apmeykáseykekxeyk axta neyseksa wátsam ekwányam, apkelyeykháseykekxeyk axta m'a, máxa axta kélhaxtegkesso tegma apteméssessók apmeykegko yegmen.

Éxodo 14:29

Keñe axta m'a israelitas apkelyeykhákxo aqsa xapop agko' ma'a neyseksa nak wátsam ekwányam, cham'a neyseksa nak ekmayheykekxa m'a ánet nekhaw'ék yegmen, xama axta m'a nélya'assamakxa nak tén axta nahan mók ma'a nensagqalwa nak.

Éxodo 15:19

Xama axta élántaxna yátnáxeg apkelyenyawasso tén han apkelchánte yátnáxeg apagkok faraón ma'a wátsam ekwányam awáxok, apkeltamhók axta kápekxak yegmen ma'a Wesse' egegkok; tén axta m'a israelitas apkelyeykhákxo aqsa ektémól'a keymáwhok exma xapop ma'a kañe' nak wátsam ekwányam awáxok.

Éxodo 15:8

Apwátekhapchek axta exchep ekyennaqte agko', tén axta eyánchásekxo m'a yegmen; máxa axta entáhak meteymog kélhaxtal'a élmeyákxo néten ma'a élyaqyahayam nak; ¡tén ma'a neyseksa nak wátsam ekwányam ekmattawóneg, yetneyk axta aqsa meyke éltaqheheykha!

Isaías 11:15

Emeykessesek sa' xama ámay Wesse' egegkok ma'a neyseksa Wátsam Ekwányam Ekyexwase nak, ey'aksek sa' apmek ma'a ekpayho nak wátsam Éufrates, etekkesek sa' éxchahayam ekyennaqte agko', kameykásekxak sa' neyseksa, siete aktegák sa' kalána', keñe sa' apwanchek elyeykhekxak meyke apkelhaxyawasso apkeltéto apmagkok.

Isaías 11:16

Apkelchexyekmek sa' agkok makham apkelenyékta' Asiria xa apkeleymomap nak Wesse' egegkok énxet'ák apagkok, elwetak sa' ekyawe agko' ámay, ektéma axta m'a énxet'ák Israel apkelánteyapma axta m'a Egipto.

Isaías 43:16

Apmeykessek axta xama ámay Wesse' egegkok ma'a neyseksa wátsam ekwányam, xama ámay neyseksa m'a yegmen ekyennaqte nak élyaqyahayam;

Isaías 51:10

apyamassegkek axta m'a wátsam ekwányam cham'a yegmen ekmattawóneg agko' nak, ámay axta apteméssáseykekxak ma'a kañók agko' nak wátsam ekwányam yaqwayam enxoho elyeykhekxak ma'a kélmallahanchesso nak aqsok ekyentaxno.

Isaías 63:12

apkeltémo axta keytlawha apmopwána eyeymáxkoho m'a Moisés, apmeykáséykekxo axta neyseksa wátsam ekwányam apmonye'e m'a énxet'ák apagkok yaqwayam enxoho kólya'asagkohok chá'a ekyókxoho yókxexma, meyke néxa,

Isaías 63:13

apkelyeykháseykekxo axta kañók agko' wátsam ekwányam meyke apkeltáxñeykha m'a énxet'ák apagkok, aptémól'a yátnáxeg elxog ma'a yókxexma ekyamáyekxa nak xapop,

Zacarías 2:5

Axta eyke aptáhak Wesse' egegkok se'e: Ko'o sa' eyke atnehek meteymog kélhaxta ekho táxa, nepyáwa m'a Jerusalén, keñe sa' ma'a nepyeseksa nak tegma apwányam axekmósek seyeymáxkoho.’”

Números 33:8

Apkelánteyepmeyk axta makham ma'a Pi-hahirot, apkelyeykheykekxeyk axta m'a wátsam ekwányam, apkelweykmek axta m'a yókxexma meykexa nak énxet. Ántánxo ekhem axta apkelxega náxop ma'a yókxexma meykexa nak énxet Etam, apkelpakxenweykmek axta m'a Mará.

Josué 3:17

Apyókxoho énxet'ák axta apkeltámeyákxa', hakte yamakawók axta m'a wátsam nak Jordán, keñe m'a apkelmaxnéssesso nak Dios énxet'ák apagkok, appatmeykha axta m'a yántéseksek ekhémo mók nélpaqhetchásamáxkoho apagkok nak Wesse' egegkok, apchaqnáha axta aqsa m'a neyseksa nak wátsam Jordán. Axta eltaqhaháha hakte yamakawók axta exma m'a.

Josué 4:22

kóltennasha sa' ektémakxa axta apkelyeykhaya énxet'ák Israel ma'a wátsam Jordán, yamáyók axta exma,

1 Samuel 25:16

Hẽlmeyók axta aqsa chá'a ekhem tén han axta'a, ekweykekxoho m'a nennaqtósso nak nepkések.