Éxodo 13:22 - Biblia Enxet

²² Ekhem axta aqsa nahan chá'a kaxog apmonye'e m'a yaphope émha nak, tén axta chá'a axta'a m'a táxa émha nak.

Éxodo 13:22 ပူးပေါင်းရင်းမြစ်များ

Nehemías 9:12

Apxegkessessegkek axta chá'a apmonye'e yaphope yaqwayam kapékessesagkok ámay, keñe axta axta'a xama táxa eyáléwe émha, yaqwayam enxoho kaltátchessesek chá'a m'a ámay yaqwánxa enxoho chá'a elyetlók.

Nehemías 9:19

axta eyke ekxakhagweykmok xép ma'a yókxexma meykexa nak énxet, eñama ekyawe apkelásekhayo. Axta han kayenseykmok chá'a ekhem ma'a yaphope émha nak, yaqwayam enxoho kapékessesagkok ámay, tén axta han táxa émha m'a axta'a, yaqwayam enxoho kaltátchessesek chá'a m'a ámay, yaqwánxa enxoho chá'a elyetlók.

Éxodo 14:1

Appaqhetchessek axta Wesse' egegkok Moisés. Aptáhak axta apcháneya s'e:

Éxodo 14:19

Ñohok axta nahan ekyaqmagkasa mók élmeykegkaxa m'a Dios apchásenneykha tén han ma'a yaphope émha élxegamo axta chá'a apmonye'e neyseksa apkelxega m'a israelitas, chánweykxeyk axta ma'a neptámen.

Éxodo 40:38

Keytek axta chá'a néten kélpakxanma appagkanamap Wesse' egegkok yaphope apagkok ekhem agko', yókxoho apkelxega m'a israelitas, elwetak axta chá'a m'a apyókxoho nak, tén axta chá'a axta'a keytek néten ma'a táxa eyáléwe.

Isaías 4:5

Etekkesek sa' yaphope néten ekyáqtessóxma ekhem Wesse' egegkok takháxet ekyókxoho m'a egkexe Sión, tén han takhapxet ma'a énxet'ák apchaqneykekxa nak ma'a, keñe sa' axta'a élseyéxma tén han táxa eyáléwe. Keytek sa' Wesse' egegkok élseyéxma apagkok takhapxet apyókxoho énxet,

Números 9:15

Cháhapwa'ak axta yaphope sekxók kélxátekhasa axta m'a tegma appagkanamap, cham'a kélpakxanma ekhémo mók nélpaqhetchásamáxkoho nak Dios. Keñe axta taxnám ekyetna'a ekho táxa eyáléwe m'a néten nak tegma appagkanamap, wokmók axta nahan élseye ekyetno m'a.