Éxodo 12:38 - Biblia Enxet

³⁸ Apxámok apagko' axta nahan apkelyetlawa m'a pók aptémakxa nak chá'a énxet, apxámok axta nahan ma'a nepkések tén han ma'a weyke.

Éxodo 12:38 ပူးပေါင်းရင်းမြစ်များ

Nehemías 13:3

Xama axta apkellegaya m'a ektémakxa ekpeywa segánamakxa, apkelyetnakhássek axta Israel apyókxoho m'a ektáha axta appáxaqwayam apkeleñama axta mók nekha.

Éxodo 10:9

Aptáhak axta apchátegmowágkokxo Moisés se'e: —Ólxog sa' negko'o yetlo sakcha'álétkók egagkok tén han ma'a apkelwányam egagkok, egketchek apkelennay'a tén han ma'a kelwán'ák nak, tén han ma'a nennaqtósso nepkések, tén han ma'a weyke, hakte awanhek sa' katnehek negko'o nélsawássessamo m'a Wesse' egegkok.

Éxodo 17:3

Hem axta eyke kelnápak ma'a énxet'ák, apkelpaqméteyha axta makham apxéna ekmaso m'a Moisés. Axta aptáhak apcháneya s'e: —¿Yaqsa axta ektéma sẽlántekkessama m'a Egipto? ¿Apkeltémok enxeykel'a exchep hẽlnápok hem sẽlnapma, yetlo egketchek tén han ma'a aqsok nennaqtósso nak?

Levítico 24:10

Aphegkek axta xama énxet, egken axta m'a israelita, keñe apyáp aptáha egipcio. Selomit axta ekwesey m'a egken, Dibrí axta apketche, apkeñama axta nepyeseksa m'a Dan énxet'ák apagkok. Cháxa énxet nak, tén han xama israelita, apkelátegmoweykpek axta pók ma'a apkelpakxeneykegkaxa nak. Keñe axta m'a énxet israelita étche nak aplawa apxéneyncha'a ekmaso m'a Wesse' egegkok apwesey, tén axta kélyentamákxo m'a aphakxa nak Moisés,

Zacarías 8:23

Diez énxet sa' chá'a emássesagkok aptaxno xama Judío énxet xa ekhem nak, cham'a apkeleñama nak chá'a mók apkelókxa, keñe sa' etnehek chá'a yának se'e: ‘¡Negmakók negko'óxa ólyetlakxak kéxegke, hakte nenlegayak chá'a amya'a apha kélnepyeseksa m'a Dios!’”

Números 11:4

Apkelpaxqamákpek axta nahan pók aptémakxa énxet'ák nepyeseksa m'a israelitas, élxéneykha nak aqsa chá'a apkelwáxok wánxa m'a aptéyak. Apkelwéhenákxók axta nahan israelitas aptamhágkaxa m'a, apkellekxagweyha axta. Axta aptáhak chá'a apkelpaqméteyncha'a s'e: “¡Kaxho annal'a ápetek yaqwayam antawagkok!

Números 20:19

Aptáhak axta israelitas apkelátegmowágkokxo s'e: —Ólpéwhok sa' eyke aqsa negko'o m'a ámay ekyawe nak. Yahagwokmek sa' agkok yegmen yámelchet apagkok xép ma'a nennaqtósso nak essenhan negko'o negyenágko enxoho, agyánmagkasek sa'. Wánxa eyke aqsa negko'o néltamho yohok ólyeykhak náxap'ák ma'a yókxexma apagkok nak.

Números 32:1

Xámók agko' axta aqsok apnaqtósso m'a Rubén tén han Gad énxet'ák apagkok nak. Xama axta apkelwet'a ektaqmalma nenxámaseykekxa aqsok nennaqtósso m'a xapop nak Jazer, tén han Galaad,

Deuteronomio 3:19

Wánxa sa' aqsa kalhekxak tegma apkelyawe sélméssamakxa axta kéxegke m'a, kelán'ák, sakcha'álétkók tén han ma'a kélnaqtósso, hakte ekya'ásegkók ko'o xámók kéxegke m'a.

Josué 8:35

Ekyókxoho axta apkelyetsetchásak énxet'ák ektáhakxa ekpeywa Josué m'a weykcha'áhak nak, Moisés axta appekkencháseykekxa, nápaqta'awók ma'a énxet'ák Israel, ekyókxoho m'a kelán'ák, sakcha'áletkók, keñe han ma'a apkeleñama nak mók nekha, apheykencha'a nak nepyeseksa m'a énxet'ák Israel.