Éxodo 12:22 - Biblia Enxet

²² Sokpayhe ekwányam sa' eyke kólyetmok ma'a éma nak; tén sa' natámen kólmok yámet aktog hisopo kélexyesso naw'a kólatchesek ma'a éma nak, tén sa' kóltexneygkok chá'a m'a ekyókxoho atña'ák nekhaw'ék nak kélxanák. Méko sa' kélxama enxoho kéxegke kélwanchek kólántépok kélxagkok ma'a amonye' élseye sa'.

Éxodo 12:22 ပူးပေါင်းရင်းမြစ်များ

Salmos 51:7

Heyenyókas ko'o may'assáxma tén sa' wáxñekxoho'; heyáxñassásekxa émpehek, tén sa' amópekxohok ahagko', ayeykhágwomhok sa' ma'a aptémakxa nak apmópeyo yeyam appok.

Éxodo 12:7

Kólmok sa' nahan éma agkok ma'a aqsok kéltósso nak, tén sa' kóltexneygkok ma'a ekyókxoho atña'ák kélagkok néten tén han ma'a nekhaw'ék nak, cham'a kéltókagkaxa enxoho m'a aqsok kéltósso ápetek.

Isaías 26:20

Kólxeg, énxet'ák ahagkok, kólántex kañe' kélxanák kólápekxa sa' atña'ák kélagkok. Kólyexánem sekxók yaqwatakxoho, ekwokmoho ekyeyk'a m'a Wesse' egegkok aplo.

Números 19:18

Keñe sa' xama énxet ekmópeyo nak apyempehek, emok xama yámet aktog nak hisopo, yetchesek sa' yegmen, keñe sa' yexpaqheykha m'a kélpakxanma nak, tén han ma'a yátegwáxwa, tén han ma'a énxet apheykha nak ma'a, tén han ma'a ektáha nak appaknegweykmoho kélexchakkok, tén han énxet aphápak apmatñà nak, essenhan ma'a apketsapma naqsa nak, tén han ma'a takhaxpop.

Josué 2:19

Aptekkek sa' agkok xama mók se'e xeye' axagkok nak, apsexnánémap apagko' sa' etnehek, emátog sa'; háwe sa' katnehek nensexnenagko negko'o. Wánxa agkok, kélteméssesekmók sa' agkok exma xama énxet apha nak xeye' axagkok, negko'o sa' hẽlpehemmok nélsexnenagko.