Éxodo 12:10 - Biblia Enxet

¹⁰ Megkeyméxchek nahan kóleymok yaqwayam enxoho kólmaha makham mók ekhem. Yetneyk sa' agkok eyeymomáxche ketse', kéméxcheyk kólwatnekxa'.

Éxodo 12:10 ပူးပေါင်းရင်းမြစ်များ

Éxodo 16:19

Keñe axta Moisés aptáha apkeláneya s'e: —Nágkólanchesaxche aqsa kélxama enxoho yaqwayam kólmaha makham ma'a mók ekhem.

Éxodo 23:18

“Éllánéssek sa' agkok nahan ma'a kélnaqtósso ektekyawa nak, náhélmes ekyetlómo éma agkok tén han ma'a kelpasmaga ekyetlómo nak kempáseyak, nágkóltaqmelches nahan pexmok agkok yaqwayam enxoho kólmaha makham mók ekhem.

Éxodo 29:34

Apkeymékpek sa' agkok nahan mók ekhem ma'a kelpasmaga tén han ma'a ápetek kélmésso nak apkelmaxnéssesso énxet'ák ahagkok, elwatnekxa sa' ma'a éleymomáxche enxoho, méko sa' xama énxet enxoho etwok, hakte élpagkanamaxche xa.

Éxodo 34:25

“Nágkólyepetches aqsa éma tén han kelpasmaga ekyetlómo nak kempáseyak ma'a aqsok kélnaqtósso ektekyawa nak, nágkóltaqmelches nahan yaqwayam kólmaha mók ekhem ma'a eyeymomáxche enxoho kéltósso ekmatñá nak ekhem Pascua.

Levítico 19:6

Katawaxchek sa' chá'a kéltósso ápetek xa ekhem ekmatñakxa enxoho chá'a, kélwanchek sa' nahan kóltók ma'a mók ekhem, keñe sa' ma'a eyeymomáxche ekwokmo enxoho ántánxo ekhem, kólwatnekxak sa' chá'a.

Levítico 22:30

Kóltawák sa' nahan xa ekhem nak, nágkóleym ketsék enxoho yaqwayam kólmaha mók ekhem. Ko'o sekteme Wesse'.

Números 9:12

megyémek sa' nahan chá'a xama enxoho yaqwayam yenchesek ma'a mók ekhem, megyentássesek sa' nahan chá'a xama enxoho m'a apexchapok. Apkelánegkek sa' agkok chá'a m'a melwagqayam ekhem Pascua, étlókasek sa' chá'a ekyókxoho m'a ektémakxa nak chá'a élánamáxche'.