Ester 9:10 - Biblia Enxet

¹⁰ diez apketchek axta m'a Amán, apkelenmexma axta m'a judíos; axta eyke elmágkok ma'a aqsok apagkok nak.

Ester 9:10 ပူးပေါင်းရင်းမြစ်များ

Génesis 14:23

mamekxeyk ko'o xama aqsok enxoho ektáha nak xép apagkok, xama yátépépe eykhe katnehek, essenhan xama táma enxoho yaqwayam atnehek séltéto emagkok axát'ák, yaqwayam enxoho mehexének ko'o exchep sexámássesso aqsok ahagkok.

Génesis 34:27

Apkelwokmek axta han ma'a pók apketchek axta Jacob, apkelyeykhágkek axta aphopák ma'a aptekyawa axta, apkelmenyexchásegko aqsok apagkok ma'a énxet'ák, yaqwayam exnésseshok mók kélteméssesseykmoho exma m'a apyáxeg.

Ester 3:1

Yáma wenaqtémók axta nahan natámen xa, keñe apteméssessama apkemha apmonye' nepyeseksa apkeláneykha wesse' apwányam Asuero m'a Amán, Hamedata axta apketche, aptáwen neptámen axta m'a Agag.

Ester 3:13

tén axta kéláphasa chá'a apkelseykha weykcha'áhak ekyókxoho apheykegkaxa énxet aptémakxa axta chá'a wesse' apwányam. Yetneyk axta nahan ektáxésamaxche éltémo kólmasséssók xama ekhem agko' ma'a apyókxoho judíos, cham'a apketkók nak tén han ma'a apkelwányam, sakcha'áletkók tén han ma'a kelán'ák nak, tén han kalmaxchek ma'a ekyókxoho aqsok apagkok ekyetnakxa nak. Ekhem trece axta nahan pekkenáxcheyk yaqwayam katnehek xa, pelten doce, pelten Adar.

Ester 5:11

apkeltennáseyha axta nahan ma'a ektémakxa axta ekxámokma aqsok apagkok, tén han ekxámokma m'a apketchek, tén han ma'a apteméssessama axta wesse' apwányam mexnémo m'a apkeláneykha tén han ma'a apkelpasmomákpoho axta chá'a ektémakxa aptamheykha wesse', apteméssessama néten agko' kéláyo nepyeseksa m'a apyókxoho nak.

Ester 7:4

hakte ẽlchexakkek axta negko'o ekha ekyánmaga néláneyáxko hẽlmasséssók negyókxoho, ko'o tén han ma'a sekpeywomo xamo' nak. Kaxtemék axta sẽlchexakha aqsa negko'o yaqwayam antéhek sẽlásenneykha naqsa, mapaqmésmakha axta ko'o, keñe axta exchep wesse', kasextohok etwássesha apha m'a sẽlenmexma nak negko'o.

Ester 7:6

Tén axta Ester ektáha eyátegmowágkokxo s'e: —¡Amán xa sẽlenmexma nak negko'o, énxet ekmaso nak aptémakxa! Xama axta apleg'a xa, apkelyelqákpek axta aqsa Amán apkeye nápaqtók wesse' apwányam, tén han ma'a wesse' ekwányam Ester.

Ester 8:11

Yetneyk axta ektáxésamaxche weykcha'áhak wesse' apwányam apkeltémo yaqnekxak judíos ekyókxoho apheykegkaxa nak chá'a tegma apwányam yaqwayam elmeyawakpohok apagko', tén han elnápok, emasséssók tén han etnehek apagkok ekyókxoho aqsok apagkok nak ma'a énxet'ák ekha nak apkelmeykha m'a ekyókxoho apheykegkaxa tén han apchókxa apketámeyam enxoho chá'a, meyke apkelmeyágweykekxa elnápok ma'a kelán'ák tén han ma'a sakcha'a létkók.

Ester 9:11

Cháxa ekhem, apleg'akxa axta nahan amya'a wesse' apwányam apwánxa apkeletsapma énxet ma'a apheykha axta tegma apyennaqte Susa,

Ester 9:9

Parmasta, Arisai, Aridai tén han ma'a Vaizata,

Salmos 21:10

Emasséssók sa' nélwanmeygkaxa, tén han nepyeseksa énxet'ák ma'a apketchek, tén han aptawán'ák neptámen.

Éxodo 17:16

tén axta aptáha: “¡Wesse' egegkok bandera apagkok sekméyak émek! ¡Peyk elnapakpok Wesse' egegkok ma'a énxet'ák Amalec megkatnégwayam néxa!”

Éxodo 20:5

Nágyaháxe amonye'e xa, ná elpeykesho nahan, hakte ko'o sekteme Dios Wesse' apagkok, sekteme Dios apkelmeyeykha, sekyaqmagkáseykekxoho nak chá'a ko'o apkeltémakxa élmasagcha'a m'a apyapmeyk ektáha nak chá'a ko'o setaqnagko, tén han ma'a apketchek, tén han ma'a aptawán'ák ekweykekxoho m'a apketchek nak aptawán'ák.

Daniel 6:24

Tén axta kélnaqlánto m'a énxet'ák ektáha axta apsexnenagko m'a Daniel, yetlo apnaqteyegka'a, tén han apketchek, eñama axta apkeltémo m'a wesse' apwányam, kélchexénteyk axta kañe' máxek élyáqtamakxa axta yámakméwa; keltahanchek axta han yámakméwa, axta kaxnagwokmohok ma'a kañe' máxek, kelekkexchek axta apexchakkok élyepta.