Ester 8:14 - Biblia Enxet

¹⁴ Apkelxegkek axta nahan ekmanyehe agko' ma'a apkelseykha weykcha'áhak eñama apkeltémo m'a wesse' apwányam, apkelchánteyk axta yátnáxeg apkeleñama axta nepyeseksa m'a wesse' apwányam apkelchánte. Kelyetsátexcheyk axta nahan weykcha'áhak ekpeywa m'a tegma apyennaqte nak Susa.

Ester 8:14 ပူးပေါင်းရင်းမြစ်များ

1 Reyes 4:28

Kólsantagkasek axta chá'a m'a apho nak hótáhap tén han pa'at yaqwayam etawagkok yátnáxeg, tén han aqsok kélnaqtósso kélpátegkesso nak chá'a aqsok.

2 Crónicas 30:6

Tén axta apkelxega m'a apkelseykha axta weykcha'áhak apkelweynchámeyncha'a m'a yókxexma Israel, keñe han ma'a Judá, yetlo m'a wesse' apwányam axta aptáxésso tén han ma'a apkeláneykha nak, yaqwayam eltennasagkok apkeltamhókxa etnahágkok chá'a m'a wesse' apwányam, aptáha axta appeywa s'e: “Israelitas, kólyo'ókxa makham Wesse' egegkok, Dios apagkok axta m'a Abraham, Isaac tén han Israel, keñe sa' ey'óták nahan kéxegkáxa m'a, kéxegke kéleymomáxche axta kélqántawo', apkelegketma axta m'a kelwesse'e apkelwányam Asiria.

Nehemías 1:1

Ko'o Nehemías, sekteme nak Hacalías apketche, ekhegkek axta ko'o tegma apwányam Susa ekweykmo axta veinte apyeyam apteme wesse' apwányam Artajerjes, pelten kéltéma axta Quisleu,

Ester 1:2

appekkenma axta apkeláneykxa chá'a aptamheykha apteme wesse' m'a tegma apwányam apyennaqte nak Susa.

Ester 2:3

Wesse' apwányam, enegkenek sa' xép énxet, apkelyéseykha kelán'a étkók ma'a ekyókxoho apchókxa aptémakxa nak chá'a wesse' apwányam, yaqwayam sa' enaqlanták ekyókxoho m'a tegma apyawe agkok nak ma'a kelán'ák, appekkenmakxa nak xép tegma apyennaqte apagkok ma'a Susa. Sa' kólteméssesek nahan apkeltaqmelchesso m'a Hegai, énxet yágkelwána apkeláneykha nak ma'a wesse', apkeltaqmelchesso nak chá'a m'a kelán'ák. Hegai sa' nahan elmésagkok ma'a pánaqte yaqwayam enxoho katnahagkok éltaqmalma agko',

Ester 3:13

tén axta kéláphasa chá'a apkelseykha weykcha'áhak ekyókxoho apheykegkaxa énxet aptémakxa axta chá'a wesse' apwányam. Yetneyk axta nahan ektáxésamaxche éltémo kólmasséssók xama ekhem agko' ma'a apyókxoho judíos, cham'a apketkók nak tén han ma'a apkelwányam, sakcha'áletkók tén han ma'a kelán'ák nak, tén han kalmaxchek ma'a ekyókxoho aqsok apagkok ekyetnakxa nak. Ekhem trece axta nahan pekkenáxcheyk yaqwayam katnehek xa, pelten doce, pelten Adar.

Ester 3:14

Kéláphássek axta ekyókxoho apheykegkaxa énxet xa weykcha'áhak ektáxésamaxche nak wesse' appeywa, kéllegássek axta yaqwayam enxoho elanagkokxak aptamhágkaxa xa ekhem nak.

Ester 3:15

Apnaqtémagkek axta nahan ekmanyehe agko' apkelxega m'a apkelseykha weykcha'áhak, eñama apkeltémo m'a wesse' apwányam, kelyetsátexcheyk axta nahan segánamakxa m'a tegma apyennaqte nak Susa, cham'a ektepakxa axta nahan ekyennama exma m'a, apheyk axta aqsa apyena apyà m'a wesse' apwányam yetlo Amán.

Ester 8:13

Xénamaxcheyk axta katnehek segánamakxa xa weykcha'áhak ektáxésamaxche nak wesse' appeywa, tén han kóllegaksek ma'a ekyókxoho apheykegkaxa nak chá'a énxet tén han apkelókxa, yaqwayam enxoho elanagkokxak aptamhágkaxa judíos xa ekhem nak, eyaqmagkásekxak mók apteméssesakxa m'a apkelenmexma.

Ester 8:15

Aptekkek axta Mardoqueo m'a tegma apyawe yetlo aptaxneykekxa m'a xama wesse' apwányam aptaxno apwenaqte apyápaqmate tén han apmope, tén han yetlo apkelháxaqxo ektaqmalma agko' sawo ekyátekto ekmomnáwa, tén han apchaqlamap ma'a apáwa apkeláxñe hómáyok. Apkelwónchessek axta élpayhékxo apkelwáxok apyókxoho énxet'ák apheykha axta m'a tegma apwányam Susa,

Eclesiastés 9:10

Ekyókxoho aqsok apkepwagkexa nak xép elána', elána' yetlo apwasqápeykekxoho apagko'; hakte megkalanaxcheyk chá'a aqsok, tén han megkaxénaxchek chá'a aqsok, méko han negyekpelchémo, tén han negya'áseykegkoho aqsok m'a takhaxpop, cham'a yaqwánxa nak xép emhagkok.

Daniel 8:2

Neyseksa sekwete axta xa aqsok nak, máxa axta entáhak sekha enxoho m'a tegma apwányam Susa, yókxexma nak Elam, neyáwa nak wátsam Ulai.

1 Samuel 21:8

Aptáhak axta David apcháneya Ahimélec se'e: —¿Yetnéya sawhéwa, essenhan xama sókwenaqte apagkok? Epekhéssek xeyk ko'o wesse' apwányam, la'a mamákxo sókwenaqte ahagkok, tén han ma'a mók sélmeykha nak chá'a.