Ester 7:10 - Biblia Enxet

¹⁰ Kélmakheyáseyha axta Amán ma'a néten yámet élwenaqte nak apkeltémo axta kóllanaksek yaqwayam kólmakhésha m'a Mardoqueo. Tén axta ekmassa aplo m'a wesse' apwányam.

Ester 7:10 ပူးပေါင်းရင်းမြစ်များ

Génesis 40:22

keñe m'a apkelánesso axta chá'a kelpasmaga apkeltamho kólmakhésha néten, ekhawo m'a aptáhakxa axta apxeyenma m'a José.

Ester 2:1

Wenaqtémók axta natámen, massegkek axta aplo m'a wesse' apwányam Asuero, xénwákxók axta apwáxok ekteméssessamakxa axta m'a Vasti, tén han kéltémókxa axta kólteméssesek.

Ester 5:14

Tén axta m'a aptáwa' ektáha eyáneya s'e tén han ma'a apyókxoho apkelxegexma'a: —Yána sa' kólánchessesek yámet élwenaqte yetlo ektegyésso néten, ekweykmoho veintidós metros ekwenaqte ekmahéyak ma'a néten, tén sa' saka axto'o agko' elmaxnak wesse' apwányam kólmakhésha néten ma'a Mardoqueo. Keñe sa' apwanchek emhagkok yetlo meyke ektáhakxa apwáxok yetlo wesse' apwányam ma'a élánéxchexa nak ektámaxche ekyawe. Leyawók axta apwáxok Amán xa amya'a nak, apkeltamhók axta kalanaxchek ma'a yámet élwenaqte.

Ester 7:7

Aplókók apagko' axta apkempákxo néten Asuero aptepa m'a kañe' élánéxchexa axta ektámaxche ekyawe, apmeyákxeyk axta m'a kélcheneykekxa axta pánaqte exnók tegma apyawe. Xama axta apyekpelcha Amán ekxéna apwáxok wesse' apwányam peya yának ematñekxa', apheyk axta aqsa m'a kañe' ekxéna apwáxok elmaxnak wesse' ekwányam Ester megkánhek ematñekxa'.

Ester 7:8

Xama axta apkexyekmo makham wesse' apwányam apkenyékto m'a kélcheneykekxexa axta pánaqte exnók, aptaxnegwa'akteyk axta makham ma'a kañe' élánéxchexa axta ektámaxche ekyawe, apwetágwa'akteyk axta nahan Amán apkeltekxeya aptapnák nekha taháno ekwenaqte ekpayhókxa axta ekyetnakhámegkaxa ekyetno m'a Ester, tén axta aptáha apcháneya s'e: —¿Xénchek enxeykel'a nahan xép apwáxok etnéssessamhóxma wesse' ekwányam Ester nahaqtók ko'o s'e kañe' exagkok nak? Appenchesók axta aqsa apteme appeywa wesse' apwányam xa ektáha nak, yetlókok axta kélpathetma m'a Amán kélaqlássessek axta nápat. Tén axta xama xa énxet'ák nak apwesey axta Harboná, aptáha s'e: —Penchásexcheyk yámet élwenaqte veintidós metros ma'a Amán apxagkok yetlo ektegyésso néten, apkeltémo axta kóllanaksek yaqwayam kólmakhésha m'a Mardoqueo, cham'a énxet apkeltennasso axta exchep ekmáheyo emátog, wesse'. —¡Kólmakhésha sa' ma'a! — axta aptáhak apkeláneya m'a wesse' apwányam.

Ester 8:7

Tén axta wesse' apwányam Asuero apchátegmowágkokxo m'a wesse' ekwányam Ester tén han ma'a Mardoqueo, judío nak. Aptáhak axta s'e: —Ekméssek eyke ko'o kaxwók Ester ma'a Amán axta apxagkok, kélmakheyáseyncha'a axta néten yámet élwenaqte eñama apmáheyo elnápok ma'a judíos.

Ester 9:14

Apkeltamhók axta kólteméssesek wesse' apwányam xa ektáha nak. Kelyetsátexcheyk axta amya'a ekxénamaxchexa axta katnehek ma'a Susa, kélmakheyáseyha axta nahan diez Amán apketchek aphopák ma'a néten yámet élwenaqte.

Ester 9:25

Xama axta ekweykekxo aphakxa wesse' apwányam ma'a Ester, apchásennakkek axta aptáxésso apkeltamho kápekxak Amán ma'a ekyókxoho aqsok ekmaso ekxeyenma axta apwáxok etnéssesek ma'a judíos. Kélmakheyáseykha axta néten yámet ma'a Amán yetlo apketchek.

Job 18:8

Kóltegyéssesek sa' apmonye' yám'én, keñe sa' kalespok apmagkok xa yám'én nak.

Job 20:8

Máxa negwanmagko sa' etnehek emassegwók, ektémól'a aqsok negwetél'a axta'a, megkólwetekxók sa' chá'a.

Salmos 37:15

Sawo élwenaqte apagkok apagko' sa' eyke kólyetxeykxak chá'a, keñe sa' yágke apagkok katnekxak nekha'a étkók.

Salmos 7:16

¡Kápekxak sa' ma'a aptémakxa ekmaso, tén han apyennaqteyáseykha apyempehek!

Salmos 94:23

Yának sa' kalnápekxak apkeltémakxa ekmaso Wesse' egegkok ma'a élmasagcha'a nak apkeltémakxa. ¡Dios egagkok sa' emasséssók!

Proverbios 11:27

Yásekhakpohok chá'a m'a énxet apketamso nak chá'a aqsok ektaqmela; énxet apketamso nak chá'a aqsok ekmaso, asagkek chá'a katnehek ektáhakxa.

Proverbios 11:8

Emallahancheshok aqsok ekyentaxno Dios ma'a énxet ekpéwomo nak aptémakxa', keñe yának kaphewakxak aqsok ekyentaxno m'a énxet ekmaso nak aptémakxa'.

Proverbios 26:27

Énxet apmeta nak chá'a máxek, etyemekxohok apagko' chá'a kañe'; énxet apyeygéyak nak chá'a xama meteymog ekyaqye, kápekxohok agko' chá'a.

Jeremías 34:17

Cháxa keñamak sektáha nak ko'o sekpeywa s'e, sektáha nak Wesse': Mehelyeheykekxohok ko'o kéxegke, megkólchexeykekxak ma'a kélásenneykha naqsa kélpeywomo xamo' nak; ayenyekxak sa' ko'o kaxwók kempakhakma, negmasse, tén han meyk segaqhe, yaqwayam sa' katnéssesek kéxegke xama aqsok eyeymáxchel'a kataxche' neyseksa m'a ekyókxoho apkelókxa nak keso náxop. Ko'o sekxeyenma xa, sektáha nak Wesse'.

Ezequiel 5:13

Keñe sa' kamaskok seklo; wánxa sa' atnehek séltaqnawéyak ma'a, awanmeyekxak sa'. Massék sa' agkok ko'o séltaqnawéyak ma'a, elya'ásegwók sa' ektáha ko'o sekxeyenma sélmeyeykha ekyawe agko', ko'o sektáha nak Wesse'.

Daniel 6:24

Tén axta kélnaqlánto m'a énxet'ák ektáha axta apsexnenagko m'a Daniel, yetlo apnaqteyegka'a, tén han apketchek, eñama axta apkeltémo m'a wesse' apwányam, kélchexénteyk axta kañe' máxek élyáqtamakxa axta yámakméwa; keltahanchek axta han yámakméwa, axta kaxnagwokmohok ma'a kañe' máxek, kelekkexchek axta apexchakkok élyepta.

Daniel 6:25

Tén axta wesse' apwányam Darío apnaqtáxessásegko weykcha'áhak ma'a apyókxoho énxet'ák, tén han ektémakxa axta chá'a apkelpeywa m'a apchókxa', aptáha apkeláneya s'e: “Émenyeyk ko'o katnehek meyke ektáhakxa kélheykha kéxegke tén han ektaqmalma,

Zacarías 6:8

Ewóneyha axta nahan ko'o Dios apchásenneykha natámen xa, aptáhak axta seyáneya s'e: “¡Elano, cham'a apkelmahéyak nak apkelókxa ekpayho nak nexcheyha, emasséssessók sa' aplo Wesse' egegkok ma'a apchókxa nak!”

Jueces 15:7

Tén axta Sansón aptáha s'e: —¡Naqsók sa' ko'o ektáhak peya mallókassemek sekyampe ekwokmoho sekyaqmagkáseykxo sélteméssessamakxa kéxegke, eñama kélteme xa ektáha nak!