Ester 2:7 - Biblia Enxet

⁷ Yetneyk axta nahan xama apwánegkesso apyaha' apketche kelwána ekyéheykha m'a Mardoqueo, apketsepmeyk axta m'a yáp tén han egken, apmomchek axta nahan aptéma apketche apagko' ma'a sekxók axta ekmassegweykmo m'a chána. Hadasá axta nahan ekwesey m'a, mók ekwesey axta Ester. Tásók agko' axta nahan ma'a, tásek axta nahan ekyókxa.

Ester 2:7 ပူးပေါင်းရင်းမြစ်များ

Génesis 48:5

Ahagkok ko'o kaxwók ektáhak ma'a apketchek nak, cham'a Efraín, tén han Manasés, appalleyam axta s'e Egipto, amonye' axta ko'o sekwe sekyepetchegweykta s'e apchókxa nak, ahagkok ko'o kaxwók ektáhak ma'a, ektéma nak ma'a Rubén, tén han Simeón.

Ester 1:11

apkeltamho éntegkásenták aphakxa m'a wesse' ekwányam Vasti yetlo étchesso akqátek ma'a élháxaqxo ektaqmalma, yaqwayam enxoho elwetak ektémakxa ektaqmalma wesse' ekwányam ma'a énxet'ák tén han ma'a kelwesse'e nak, hakte tásók agko' axta m'a.

Ester 2:15

Xama axta ekwákxo yaqwayam kamhagkok aphakxa wesse' apwányam ma'a Ester, Abihail axta apketche, apyaha axta m'a Mardoqueo, axta kategyáha ekseykha, wánxa axta aqsa eksawa m'a aptáhakxa axta apcháneya m'a Hegai, énxet yágkelwána wesse' apwányam apkeláneykha apkeltaqmelchesso axta chá'a m'a kelán'ák. Apchásekhayók axta nahan chá'a Ester apyókxoho m'a ektáha nak chá'a apkelwete.

Ester 2:20

Axta eyke kaxeyenmak xama enxoho éñamakxa m'a Ester tén han ma'a námakkok enxoho, ekhawo m'a apkeltémókxa axta katnehek ma'a Mardoqueo, axta kalwátesseykmok ekteme m'a apkeltémókxa axta katnehek, cham'a aptémakxa axta aptaqmelchesso.

Ester 8:1

Cháxa ekhem apmésakxa axta wesse' apwányam Asuero wesse' ekwányam Ester ma'a Amán axta apxagkok, apkelenmexma axta m'a judíos, apmahágkek axta Mardoqueo m'a aphakxa nak wesse' apwányam, hakte keltennassegkek axta Ester ektáha yaha' apketche m'a.

Job 31:17

Axta atók chá'a ko'o sekto exakko', apasmok axta chá'a sekto m'a élyeheykha nak.

Job 31:18

Máxa yáp axta ko'o ekteméssessók ma'a élyeheykha nak; séltaqmelchesso axta ektemék chá'a m'a xentampe'e nak.