Ester 2:21 - Biblia Enxet

²¹ Apleg'ak axta nahan apkelpaqmeta Mardoqueo Bigtán tén han Teres neyseksa apha m'a apátog nak wesse' apwányam apxagkok apyawe, apqánet sẽlpextétamo kelwesse'e apagkok axta m'a wesse' apwányam, apchaqneykha axta chá'a apkelhaxneykha m'a átog nentaxnamakxa nak tegma apyawe aptaqmalma. Apkellókók apagko' axta apxéna yaqhek ma'a wesse' apwányam Asuero.

Ester 2:21 ပူးပေါင်းရင်းမြစ်များ

2 Samuel 16:11

Tén axta appaqhetchesa Abisai tén han apyókxoho apkeláneykha, aptáha apkeláneya s'e: —Weykmók ko'o apmáheyo heyaqhek ma'a hatte ahagko' nak, ¡nágkalpelakkas aqsa kélwet'a nak apmako ko'o heyaqhek xama m'a Benjamín nak énxet'ák apagkok! ¡Kólho aqsa heyemnaha, Wesse' egegkok apkeltémo hetnéssesek!

1 Reyes 16:9

keñe axta m'a Zimrí, apteme axta apkemha apmonye' sẽlpextétamo apkeltaqmelchesso nekha m'a yátnáxeg apkelyenyawasso kélanchesso nak kempakhakma, Apyexákpók axta apkelánekxo yaqwánxa etnéssesek. Keñe axta xama ekhem neyseksa apha Elá m'a Arsá apxagkok, cham'a Tirsá, apteme axta apkeláneseykha apxagkok, apyenchek axta ekwokmoho eyaqha.

2 Reyes 12:20

Apkelánékxeyk axta apkelpeywa peya yenmexek ma'a sẽlpextétamo apkelwesse'e apagkok apagko' nak, keñe axta apchaqha m'a tegma apyetnama nak néten xóp kélekhesso, cham'a ámay ekmahéyak nak Silá.

2 Reyes 21:23

Apkeláneykekxeyk axta yaqweykenxa etnéssesek sẽlpextétamo apkelámha apmonye'e apagkok ma'a Amón, apchaqhegkek axta m'a kañe' apxagkok apyawe nak.

Esdras 4:6

Kélsókassek axta weykcha'áhak apkelxénamap énxet'ák Judá tén han Jerusalén sekxók apcheynawo axta apteme wesse' apwányam ma'a Asuero.

Ester 2:19

Apheyk axta nahan apátog wesse' apwányam apxagkok apyawe Mardoqueo m'a ekhem kélnaqleykekxexa axta chá'a mók apwáxok tegma apyawe agkok ma'a kelán'a étkók.

Ester 6:1

Cháxa axta'a megkapwagkexa axta apmako etyenek ma'a wesse' apwányam, tén axta apkeltamho kólsantagkasek ma'a weykcha'áhak eknaqtáxésamaxche axta ekyókxoho amya'a ektémakxa axta m'a apchókxa, yaqwayam enxoho kólyetsetchesek.

Ester 6:2

Apkelwet'ak axta nahan ekxeyenma weykcha'áhak ektáxésamaxche Mardoqueo aplegaya axta apkeláneykekxo apkelpeywa Bigtán tén han Teres, apqánet énxet yágkelwána wesse' apkeláneykha, apchaqneykha axta chá'a m'a átog nak apmáheyo yaqhek ma'a wesse' apwányam Asuero.

Salmos 144:10

Xép, apkelmallahanchesso nak chá'a kempakhakma kelwesse'e apkelwányam; tén han apmallahanchesso axta m'a apkeláneykha David, hemallahanches ko'o neyseksa m'a sókwenaqte segaqhamo nak; nágyoho ko'o hemok ma'a pók énxet'ák nak, aptamheykegko nak chá'a apkelmopwancha'a amya'a, megkahaxanma nak chá'a etnahagkok apkelmopwancha'a amya'a elya'aksek néten apmek apkelya'assamakxa etnéssesek naqso' apkelpeywa.

Daniel 2:49

Apkelmeyásegkek axta han wesse' apwányam apkeltamheykha éltaqmela m'a Sadrac, Mesac tén han Abed-negó, cham'a Babilonia, eñama apkelmaxnéssesso m'a Daniel. Keñe axta Daniel aphákxo m'a aphakxa nak wesse' apwányam.