Ester 2:17 - Biblia Enxet

¹⁷ Apmenyeyk apagko' axta nahan apkelano wesse' apwányam Asuero m'a Ester, axta kaxnawok apmopmenyého chá'a ekwánxa apmopmenyého m'a mók kelán'a nak. Taqmeláha axta apwáxok apkelano m'a Asuero, cháxa ekmésa axta apchásekhayo apagko' neyseksa m'a ekyókxoho mók kelán'a étkók nak ektáha axta chá'a ekheykha xamo', apketchessessek axta akqátek ma'a élháxaqxo ektaqmalma, apteméssessek axta wesse' ekwányam ekyaqmagkasso m'a Vasti.

Ester 2:17 ပူးပေါင်းရင်းမြစ်များ

Ester 1:11

apkeltamho éntegkásenták aphakxa m'a wesse' ekwányam Vasti yetlo étchesso akqátek ma'a élháxaqxo ektaqmalma, yaqwayam enxoho elwetak ektémakxa ektaqmalma wesse' ekwányam ma'a énxet'ák tén han ma'a kelwesse'e nak, hakte tásók agko' axta m'a.

Ester 2:16

Kélyentegkek axta Ester wesse' apwányam apxagkok yaqwayam enxoho kamhagkok ma'a aphakxa nak wesse' apwányam Asuero, pelten diez, éltamhomaxko axta Tébet, ekweykmo axta siete apyeyam apteme wesse'.

Ester 4:14

Wanmeyákxeyk sa' agkok se'e kaxwo' nak, megkapaqmeta enxoho xama enxoho, mók nekha sa' kañék apkelwayam teyp ma'a judíos, keñe sa' xe' katsapok ekweykekxoho m'a yáp apnámakkok nak. ¡Temegkek axta exche' wesse' ekwányam yaqwayam hempasmok sentáha enxoho s'e sentáhakxa nak!”

Ester 6:8

payhawók kólsantagkasek aptaxno apwenaqte aphawo apkelmeykegko nak chá'a exchep wesse', tén han xama yátnáxeg apchántamo nak chá'a exchep, kólatchessesek sa' nahan apqátek ma'a wesse' apkelháxaqxól'a.

Proverbios 21:1

Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.

Ezequiel 17:24

Hey'asagkohok sa' ko'o sektáha Wesse' m'a ekyókxoho yenta'a élyawe élaqnéyak nak ma'a yókxexma. Ayaqnegkeshok chá'a ko'o m'a yámet ekwenaqte agko' nak, awánegkeshok eyke chá'a m'a yámet ekyaqwate nak. Ekyamaye chá'a ko'o atnéssásekxohok ma'a yámet ekyápaqmátamo nak áwa', ataqmelchessásekxohok eyke chá'a ko'o áwa' m'a yámet ekyamaye nak. Ekxénchek ko'o xa, sektáha nak Wesse', alának nahan.’”

1 Samuel 2:8

Yempásekxak chá'a néten Dios náxop ma'a meyke nak aqsok apagkok, etekkessekxak chá'a kélchexakhamakxa aqsok apák ma'a ekha nak chá'a eyeyméxchexa aqsok, exnések chá'a nepyeseksa énxet'ák ekyawe nak kéláyo, exnéssók chá'a ekyetnamakxa nak taháno eyeymáxkoho; hakte Wesse' egegkok apagkok ma'a ekyennaqtéssamakxa nak xapop, cháxa appekkenmakxa nak han nélwanmeygkaxa xa néten nak.