Ester 2:13 - Biblia Enxet

¹³ Kél'awók axta nahan chá'a élsawa wesse' apwányam apxagkok ekyókxoho m'a aqsok élmaxneyakxa enxoho chá'a éleñama m'a kelán'a tegma apyawe agkok nak.

Ester 2:13 ပူးပေါင်းရင်းမြစ်များ

Ester 2:11

Apweynchámeykha axta nahan chá'a Mardoqueo yókxoho ekhem ma'a ekpayho nak nepyáwa m'a kelán'a tegma apyawe agkok, yaqwayam enxoho ey'asagkohok chá'a ektáhakxa ekha m'a Ester, tén han kélteméssessamakxa chá'a.

Ester 2:12

Doce pelten axta nahan kéltexnassáséyak émpe'ék pánaqte néltexnémaxche ektaqmelchessamo nak egyempehek xa ekyókxoho kelán'a étkók nak. Sekxók axta émha amonye' seis pelten kéltexnassáseykegko émpe'ék ma'a aqsok ánek ekmátsa nak ekpaqneyam pexmok agkok tén axta makham pók seis pelten kéltexneykegkokxo m'a sokmátsa tén han ma'a pexmok néltexnémaxche ekmátsa nak ekpaqneyam élmeykegkól'a chá'a m'a kelán'ák. Wokmek axta néxa élxawéyak ma'a pánaqte, kélyentamákxeyk axta chá'a xama kelán'a étkok ma'a aphakxa nak wesse' apwányam Asuero.

Ester 2:14

Amonye' ekyáqtésso axta nahan chá'a kamyekxak xama m'a wesse' apwányam apxagkok nak, tén axta axto'o kamyekxak chá'a m'a pók apwáxok nak ma'a kelán'a tegma apyawe agkok, aptaqmelchessamakxa axta m'a Saasgaz, énxet yágkelwána wesse' apwányam apkeláneykha, apkeláneseykha axta chá'a m'a kelán'a apkelmeykha naqsa; keñe axta natámen megkawakxók chá'a m'a aphakxa nak wesse' apwányam, cham'a megyepmenyého enxoho chá'a tén han meltamho enxoho chá'a kólyentawakxések.