Ester 10:1 - Biblia Enxet

¹ Apkeltamhók axta enegkenagkok selyaqye wesse' apwányam Asuero m'a énxet'ák apheykha nak makhawók wátsam ekwányam tén han ma'a egkexe étkók neyseksa wátsam ekwányam.

Ester 10:1 ပူးပေါင်းရင်းမြစ်များ

Génesis 10:5

Cháxa Jafet axta aptawán'ák neptámen xa, apheykencha'a axta neyáwa wátsam ekwányam. Apagkok apagko' axta han chá'a xapop, ektáhakxa nak chá'a apnámakkok apancha'awo', apkelpeywa apancha'awo' axta han chá'a xama apheykegkaxa'.

Ester 1:1

Temegkek axta aptéma axta wesse' apwányam Asuero neyseksa ciento veintisiete apkelókxa s'e aqsok nak, eksawheykekxoho axta eyeynamo apteme wesse' apwányam ma'a India apchókxa ekweykmoho m'a Etiopía;

Ester 8:9

Yetlókok axta nahan kéláneyeykha m'a énxet'ák apnaqtáxéssesso axta chá'a weykcha'áhak ma'a wesse' apwányam. Ekhem veintitrés axta nahan ma'a, aptáhakxa axta apqántánxo pelten, éltamhomaxchexa axta Siván. Táxésaxcheyk axta nahan ekyókxoho apkeltamhókxa axta katnehek Mardoqueo kéltáxéssesso m'a judíos, tén han ma'a apkeltaqmelchesso nak chá'a xama apkelókxa tén han ma'a kelwesse'e nak chá'a m'a apkelókxa, tén han ma'a pók kelwesse'e apkeltamheykha nak chá'a m'a ciento veintisiete apchókxa eyeynamo nak ma'a India apchókxa ekweykekxoho m'a Etiopía. Apkelpeywa apagko' axta nahan chá'a xama apheykegkaxa tén han ma'a ektémakxa axta chá'a eknaqtáxésamaxche m'a apkelpeywa. Kéltáxéssessek axta nahan apkelpeywa apagko' ma'a judíos tén han ma'a ektémakxa axta chá'a eknaqtáxésamaxche m'a apkelpeywa.

Salmos 72:10

¡Elsókásegmak sa' apkelmésso naqsa aqsok, tén han apcháncheseykekxa m'a kelwesse'e nak Tarsis, tén han ma'a egkexe étkók nak, tén han ma'a kelwesse'e apkelwányam nak Sabá, tén han ma'a Sebá!

Isaías 11:11

Exekmósek sa' makham apmopwána Wesse' egegkok apmako sa' enaqlanták makham énxet'ák apagkok apkeleymomap xa ekhem nak, apnaqlósawákxo sa' makham ma'a Asiria, Egipto, Patros, Etiopía, Elam, Sinar, Hamat tén han ma'a apkelókxa ekhéyak nak neyáwa wátsam ekwányam.

Isaías 24:15

Keñe sa' nahan ma'a apheykha nak teyapmakxa ekhem tén han ma'a apkelókxa ekhéyak nak neyáwa wátsam ekwányam, elteméssesek nahan apcheymákpoho m'a Wesse', cham'a Israel Dios apagkok nak.

Daniel 11:18

Keñe sa' ektamagkok han ma'a tegma apkelyawe aphéyak nak neyáwa wátsam ekwányam, elmok sa' han apxámokma m'a; xama sẽlpextétamo wesse' sa' eyke emasséssók xa ektémakxa nak megkannawagko, emegqaksek sa' ma'a wesse' apwányam apha nak nexcheyha.