Esdras 8:30 - Biblia Enxet

³⁰ Apkelxakak axta apkelmaxnéssesso Dios énxet'ák apagkok, tén han levitas ma'a sawo élmope élmomnáwa, tén han sawo ekyátekto élmomnáwa, tén han ma'a aqsok kélmeykegkaxa nak, kélyetsáteyak axta, apkelsákxeyk axta m'a Jerusalén, cham'a apyetnamakxa nak Dios egagkok tegma appagkanamap apagkok.

Esdras 8:30 ပူးပေါင်းရင်းမြစ်များ

Esdras 1:9

Keso ekwánxa axta ekyókxoho aqsok kélmeyáseykekxa s'e: Treinta sokpayhe élyawe élánamáxche nak sawo' ekyátekto ekmomnáwa, mil sokpayhe élyawe élánamáxche nak sawo' ekmope ekmomnáwa, tén han veintinueve sawo,

Esdras 8:22

Hakte ekmegqaktegkek axta ko'o almaxnak sẽlpextétamo apkelchánte nak yátnáxeg ma'a wesse' apwányam, yaqwayam enxoho hẽltaqmelchesek neyseksa nélxega hegaksek ma'a sẽlenmexma nak, hakte néltennassegkek axta negko'o wesse' apwányam, apkeltaqmelchessama chá'a Dios ma'a apyókxoho ektáha nak chá'a apkelya'eykekxa', keñe yehekxak chá'a apmopwána tén han aplo m'a apyókxoho ektáha nak chá'a apyamasma.

Esdras 8:33

Keñe axta ekhem cuatro kélyetsátegko m'a sawo ekmope élmomnáwa, tén han sawo ekyátekto élmomnáwa, tén han ma'a aqsok kélmeykegkaxa nak Dios egagkok tegma appagkanamap apagkok, keñe axta kélmésa ekyókxoho m'a Meremot, apteme axta apkelmaxnéssesso Dios énxet'ák apagkok, Urías axta apketche. Eleazar axta han apxegexma m'a, Finees axta apketche, tén han ma'a levitas, cham'a Jozabad, Josué axta apketche, tén han Noadías, Binuy axta apketche.

Salmos 122:9

Almaxnéssesek sa' ko'o exchep wának kataqmelek apha, eñama seyásekhayo Wesse' Dios egagkok nak tegma appagkanamap apagkok.”

Isaías 60:13

Aptáhak apkeláneya Wesse' egegkok énxet'ák Jerusalén se'e: “Kólsókásegmak sa' kéxegke m'a aqsok élmomnáwa ekxámokma éleñama nak Líbano: cham'a yámet pino, abeto tén han ma'a yámet ciprés, yaqwayam sa' kataqmelchesek ma'a tegma appagkanamap ahagkok nak, yaqwayam sa' katnéssesek eyeymáxkoho m'a sekhamakxa nak chá'a.