Esdras 8:21 - Biblia Enxet

²¹ Keñe axta ko'o séltamho metawagkehek aptéyak énxet'ák ma'a nekha nak wátsam Ahavá, yaqwayam enxoho ólya'ásegwakxohok aqsok magaqhémo nápaqto' Dios egagkok, tén han yaqwayam ólmaxnak yaqwayam hentaqmelchessesek negheykha, tén han egnámakkok, tén han ma'a aqsok egagkok nak.

Esdras 8:21 ပူးပေါင်းရင်းမြစ်များ

2 Crónicas 20:3

Apkekak axta m'a Josafat, keñe ekxéna apwáxok ektamok Wesse' egegkok. Tén axta apkeltamho metawagkehek aptéyak ma'a apyókxoho énxet'ák apheykha nak Judá,

2 Crónicas 20:4

apchaqnákxeyk axta apyókxoho énxet'ák Judá, yaqwayam elmaxnak yának epasmok ma'a Wesse' egegkok. Apkelwa'ak axta apyókxoho énxet apkeleñama m'a apyókxoho tegma apkelyawe nak Judá.

Esdras 8:15

Ko'o Esdras, eyánchásekxeyk axta apyókxoho xa énxet'ák nak, cham'a nekha nak yegmen atamnek ekmahéyak nak ma'a wátsam Ahavá, negheykmek axta han ántánxo ekhem ma'a. Xama axta sélyetseta énxet'ák, tén han apkelmaxnéssesso Dios énxet'ák apagkok, axta ót'ak xama enxoho levitas.

Esdras 8:31

Nélxegákxeyk axta néleñama m'a wátsam Ahavá, ekhem doce ektáhakxa axta apkemha apmonye' apxega pelten, nélmeyákxo m'a Jerusalén. Empasmeyk axta Dios egagkok neyseksa nélxega ámay, segésa m'a sẽlenmexma, tén han ma'a apkelmenyexeykegkoho nak.

Nehemías 9:1

Apchaqnákxeyk axta israelitas ekhem veinticuatro cháxa pelten nak, yaqwayam metawagkehek aptéyak; apkelántaxneykxeyk axta apáwa sẽlwáxaqxamo, apkelexpaqha'ak axta han xapop ma'a apqatkok,

Ester 4:16

“Exeg, yánchásekxa sa' apyókxoho judíos apheykha nak ma'a Susa, yaqwayam sa' metawagkehek aptéyak hélmaxnéssesek ko'o. Metawagkehek sa' aptéyak ekweykmoho ántánxo ekhem tén han ántánxo axta'a, ménagkek sa' nahan ma'a apyenéyak nak. Antamhagkok sa' eyke negko'óxa xa ektáha nak, cham'a séláneykha nak, tén sa' ko'o axog ay'ókxak ma'a wesse' apwányam, énmexma eykhe segánamakxa m'a sekmakókxa nak atnehek. Apkeltamhók sa' agkok amátog, tásek amátog.”

Salmos 137:1

Negheykha axta chá'a neyáwa wátsam Babilonia néllekxagweykencha'a ekxeyenma egwáxok ma'a Sión.

Salmos 5:8

Wesse', hepékessessák ko'o yaqwayam atnehek ma'a aptémakxa nak xép ekpéwomo aptémakxa, hakte apxámok ma'a sélenmexma nak, heyaxñásses ma'a ámay apagkok nak.

Salmos 5:9

Metnéssesek chá'a ekmámnaqsoho apkelpeywa m'a; ¡asagko' agko' ektémakxa apkelwáxok! Máxa takhaxpop megkólápeykekxal'a m'a apatña'ák nak, ¡apkelmopwancha'a amya'a chá'a etnahagkok!

Salmos 8:2

Sakcha'a keyetsék élmeneykmasso ekteykegkoho nak makham neme, keñamak apkeláneya exchep tegma apyennaqte, eñama m'a apkelenmexma nak, yaqwayam enxoho emasséssók ma'a apkenmexeykekxa nak chá'a exchep, tén han ma'a apkelenmexma nak.

Proverbios 3:6

Ná elwánaqma chá'a Wesse' egegkok apkelana enxoho chá'a ekyókxoho aqsok, keñe sa' ma'a, exekmósek chá'a m'a ámay ekpéwomo nak.

Isaías 30:21

Kélyetnakhágwokmek sa' agkok chá'a kélxega, kóllegak sa' chá'a xama kélpeywa kélnentámen katnehek se'e: “Payhók ámay se'e, kólmeyenta s'e.”

Isaías 35:8

Keytek sa' nahan xama ámay ma'a neyseksa nak, kólteméssesek sa' ekwesey “ámay ekpagkanamaxche'”. Mopwanchek sa' elpéwhok élmanyása nak apkeltémakxa m'a; melpéwók sa' nahan chá'a m'a énxet'ák élyeyháxma nak.

Isaías 42:16

Sa' alya'ásekxak anaqlakxak énxet'ák meyke nak apaqta'ák ma'a ámay melya'ásegkaxa nak. Élseyéxma sa' atnessásekxak apmonye'e m'a ekyaqtéssóxma nak, keñe sa' xapop éláxñeyo m'a élyapwáteyak nak chá'a. Alának sa' ko'o ekyókxoho xa aqsok nak.

Isaías 49:10

“Megkalnáphek sa' chá'a meyk megkalnáphek sa' nahan chá'a ekhem, kamaskok sa' nahan élpekhésa m'a ekmexanmaxma mayáhat, hakte élásekhayók ko'o m'a, eknaqleykha nahan chá'a, anaqlakxak sa' nahan ma'a élánteyapmakxa nak yegmen.

Isaías 58:3

keñe etnehek chá'a elpaqmétek se'e: ‘kaqhok mantewek nento mehenlano enxoho m'a Dios, kaqhok óghaxchek ma'a megkaxéna enxoho apwáxok.’ Megkóleyxek eyke chá'a kéxegke kólyanmagkasaxchek ma'a ekwokmo enxoho ekhem mantamakxa nento, kólhak chá'a m'a kélásenneykha nak;

Isaías 58:5

¿Kélanagkamcheya kaleklamók ko'o ewáxok manto nak nento keypetchak ma'a néllegassásamaxche nak, tén han neghaxe nak ektémól'a kalháxahagkok ma'a ekho', tén han negyetno nak néten apáwa sẽlwáxaqxamól'a tén han ma'a néten táhap? ¿Keyaxa kéltéma nak chá'a kéxegke ‘mantamakxa nento xa, tén han ‘ekhem ekleklamókxa apwáxok ma'a Wesse' egegkok’?

Jeremías 10:23

Wesse', ekya'ásegkók ko'o énxet háwe apagkok ma'a apyennaqte nak, tén han háwe apya'áseykegkoho yaqwánxa katnehek apweynchámeykha.

Jeremías 42:3

Hẽlmaxnésses negko'o Dios Wesse' apagkok, henxekmósek sa' ámay eyeyméxchexa nak ólyetlók, tén han eyeyméxchexa nak anlána'.

Daniel 9:3

Élmaxnakkek axta ko'o Dios Wesse' egegkok séltamho hepasmok, yetlo sélántaxneykekxa m'a apáwa sẽlwáxaqxamo nak, néten táhap axta han ekhak.

Joel 1:14

Kóláneyha énxet'ák, kóltennés peya megkóltawagkehek kéltéyak; kólánchásekxa apkelámha apmonye'e m'a Dios Wesse' kélagkok nak tegma appagkanamap apagkok, tén han ma'a apyókxoho énxet'ák apheykha nak kañe' negókxa, kólwónmakha sa' Wesse' egegkok.

Levítico 16:29

“Cháxa peya sa' katnehek kélánémaxchexa kóltéhek kéxegke xa megkamassegwayam: kéméxcheyk chá'a kéxegke megkóltawagkehek kéltéyak ekwákxo enxoho chá'a ekhem diez, pelten siete, megkóllanagkehek han chá'a xama enxoho m'a kéltamheykha, megkeyxek ma'a kélteme nak israelitas, tén han ma'a apkeleñama nak mók apkelókxa, apheykha nak kélnepyeseksa kéxegke,

Levítico 16:31

Cháxa kélánémaxchexa nak kóltéhek kéxegke meyke néxa: kéllókassamakxa kélyampe agko' sa' kéxegke kóltéhek xa, tén han megkólteykegkaxa kéltéyak.

Levítico 23:29

Énxet apto enxoho apto xa ekhem nak, kóltekkesek sa' nepyeseksa énxet'ák apagkok.

Jonás 3:5

Axta elya'ássekmok Dios ma'a énxet'ák apheykha axta tegma apwányam, cham'a apkelwányam nak, tén han ma'a apketkók nak. Apkelxénchek axta elanagkok ma'a manto nak nento, apkelántaxneykxeyk axta han apáwa sẽlwáxaqxamo, magkenatchesso éllapwámegko.

Jonás 3:7

Yetlókok axta nahan apkeltémo kóllegaksek apyókxoho énxet'ák apheykha nak tegma apwányam wesse' apwányam appeywa, tén han ma'a appasmeykha nak chá'a aptamheykha ektéma nak se'e: “Méko sa' xama énxet enxoho apwanchek etwok apto. Megkólwanchek sa' nahan kólagkok ektéyak kélnaqtósso weyke, essenhan ma'a kélnaqtósso nepkések, megkólwanchek sa' nahan kólagkok yegmen.

Números 14:3

¿Yaqsa kexa ektéma sennaqleykekmo nak Wesse' egegkok se'e apchókxa nak? ¿Yaqwayam agmaskok kempakhakma enxeykel'a essenhan yaqwayam elmok ennaqteyegka'a tén han egketchek ma'a sẽlenmexma nak? ¡Tásek óltaqhohok makham ma'a Egipto!”

Números 14:31

Keñe sa' ma'a kélketchek nak, kélxeyenma nak chá'a elmok ma'a kélenmexma, anaqlók sa' ma'a apchókxa kéltaqnagkamakxa nak chá'a kéxegke, yaqwayam sa' elmaha m'a.

Jueces 20:26

Keñe axta apyókxoho sẽlpextétamo Israel tén han apyókxoho énxet'ák, apkelmeyákxo m'a Betel, peya ellekxagwaha nápaqtók Wesse' egegkok. Axta etókagkok aptéyak xa xama ekhem nak, apkelméssek axta Wesse' egegkok aqsok apkelwatno, tén han aqsok apkelnapma segwetassamo nak nélásekhamaxchekxoho.

1 Samuel 7:6

Apchaqnákxeyk axta israelitas ma'a Mispá, apkelyekweygkek axta han chá'a yegmen ma'a, keñe axta apkelyegkena apteméssesa apmésso naqsa m'a Wesse' egegkok. Cháxa ekhem metókagkaxa axta han aptéyak, apkelxénágkek axta han apkeláneykegko melya'assáxma nápaqtók Wesse' egegkok. Cha'a aptáhakxa axta han apkemha apmonye' apagkok israelitas ma'a Samuel, tén han apkelánésakxo apheykha m'a, cham'a Mispá.