Esdras 7:7 - Biblia Enxet

⁷ apmeyeykekxo m'a Jerusalén, yetlo apkelxegexma'a m'a israelitas, tén han apkelmaxnéssesso Dios énxet'ák apagkok, levitas, tén han ma'a apkelmeneykmassamo nak, tén han ma'a apkeltaqmelchesso nak átog, tén han ma'a apkeltamheykha nak tegma appagkanamap, cham'a ekweykmo axta siete apyeyam apteme wesse' apwányam ma'a Artajerjes.

Esdras 7:7 ပူးပေါင်းရင်းမြစ်များ

Esdras 6:14

Cháxa ektémakxa axta apxegkessama aqsa apkeltamheykha apxátekháseykekxa tegma m'a apkelámha apmonye'e nak judíos, aptémakxa axta apkelxeyenma m'a Dios appeywa apkellegasso, cham'a Hageo tén han Zacarías, Idó axta apketche. Appenchásamákpek axta kélxátekháseykekxa m'a tegma appagkanamap, apkeltémókxa axta etnahagkok ma'a Dios apagkok nak Israel, apkeltémókxa axta han etnahagkok ma'a Ciro, Darío, tén han ma'a Artajerjes, kelwesse'e apkelwányam axta m'a Persia.

Esdras 7:24

Éltamhók nahan kólya'asagkohok megkapayhawo kólának enegkenagkok selyaqye m'a apkelmaxnéssesso nak Dios énxet'ák apagkok, levitas, tén han apkelmeneykmassamo nak, tén han apkeltaqmelchesso nak átog, tén han ma'a apkeltamheykha nak tegma appagkanamap, essenhan ma'a pók énxet apkeltamheykha nak chá'a m'a Dios tegma appagkanamap apagkok.

Esdras 7:8

Appasmomchek axta yetlo ektaqmeleykha apwáxok Dios ma'a Esdras, apteyepmeyk axta Babilonia ekhem émha amonye' ekxegál'a apkemha apmonye' pelten, ekweykmo axta siete apyeyam apteme wesse' apwányam Artajerjes. Apweykekxeyk axta Jerusalén amonye' ekxega ekhem pelten cinco, cháxa apyeyam nak.

Nehemías 1:1

Ko'o Nehemías, sekteme nak Hacalías apketche, ekhegkek axta ko'o tegma apwányam Susa ekweykmo axta veinte apyeyam apteme wesse' apwányam Artajerjes, pelten kéltéma axta Quisleu,

Nehemías 10:28

Keñe m'a nápakha énxet'ák, cham'a apkelmaxnéssesso Dios énxet'ák apagkok, tén han ma'a levitas, tén han apkeltaqmelchesso nak átog, tén han ma'a apkelmeneykmasso nak, tén han ma'a apkeltamheykha nak tegma appagkanamap, tén han ma'a apyókxoho énxet'ák ektáha axta apkelánteyapma nepyeseksa énxet'ák ma'a apchókxa nak, yaqwayam enxoho elanagkok ma'a Dios segánamakxa apagkok, yetlo apnaqteyegka'a, cham'a apyókxoho apketchek apkelennay'a tén han kelwán'ák, élmowancha'a nak chá'a élchetámeykha awáxok,

Nehemías 12:1

Keso apkelmaxnéssesso Dios énxet'ák apagkok, tén han levitas, apkeltaqhémo axta yetlo Zorobabel, apketche nak Salatiel, tén han yetlo Josué: Keso apkelmaxnéssesso Dios énxet'ák apagkok se'e: Seraías, Jeremías, Esdras,

Nehemías 2:1

Xama ekhem axta, pelten kéltéma axta Nisán, ekweykmo axta veinte apyeyam apteme wesse' apwányam, apwet'ak axta ko'o wesse' apwányam ekyaqhápeyncha'a ewáxok neyseksa sekyátegkesso vino,