Esdras 7:6 - Biblia Enxet

⁶ Esdras axta apteme apya'áseykegkoho apkelxekmósso ektémakxa nak segánamakxa, apmésso axta m'a Wesse' egegkok, Dios nak Israel, apchásenneykekxo axta m'a Moisés, appasmomchek axta m'a Wesse' egegkok. Axta keñamak wesse' apwányam Artajerjes apméssama chá'a ekyókxoho m'a apkelmaxneyakxa enxoho chá'a. Axta keñamak Esdras apteyapma m'a Babilonia,

Esdras 7:6 ပူးပေါင်းရင်းမြစ်များ

Génesis 32:28

Keñe axta énxet aptáha apcháneya s'e: —Kamaskok sa' kaxwók xép apteme apwesey Jacob. Israel sa' kaxwók xép etnehek apwesey, hakte apkelnápeykpek Dios, tén han ma'a énxet'ák, apyeykhássekmók han apyennaqte.

Esdras 5:5

Apkeláneykha axta eyke Dios ma'a apkelámha apmonye'e axta judíos, axta eyke emássessekmok sekxók makham apkeltamheykha, apcháphássessek axta sekxók amya'a m'a Darío apkelhaxna yaqwánxa etnehek apchátegmowéyak.

Esdras 6:22

Siete ekhem axta han apkeláneyak yetlo élpayheykekxa apkelwáxok ma'a apkelsawássessamo nak kelpasmaga meyke kempáseyak, hakte Wesse' egegkok axta apkelpeykessásekxak agko' apkelwáxok, apkeltamho kataqmalmakha apwáxok elanok ma'a wesse' apwányam Persia, tén han epasmok apxátekháseykekxa m'a Dios tegma appagkanamap apagkok, Dios nak Israel.

Esdras 7:21

Ko'o Artajerjes, sekteme nak wesse' apwányam, éltamhók ko'o elmések Esdras, apteme nak apkelmaxnéssesso Dios énxet'ák apagkok, apkelxekmósso apkeltámésamap nak ma'a segánamakxa apagkok nak Dios apha nak néten, ekyókxoho aqsok apkelmaxneyakxa enxoho chá'a m'a apkeltaqmelchesso nak aqsok élmomnáwa, apheykha nak ma'a teyp wátsam Éufrates, ekpayho nak ektaxnegwánxa ekhem,

Esdras 7:28

hakte exekmósek ektémakxa seyásekhayo nápaqtók wesse' apwányam, tén han ma'a apkeláneykha, tén han ma'a énxet'ák ekyawe nak kéláyo m'a aphakxa nak, ewasqakkásekxók han, sepasmo han keñamak seyewagko wánchásekxak ma'a apkelámha apmonye'e nak israelitas, yaqwayam enxoho hélyetlakxak makham ataqhoho'.”

Esdras 7:5

Abisúa, Finees, Eleazar, tén han Aarón, apteme axta apteyapma apmonye' apteme apkelmaxnéssesso Dios énxet'ák apagkok.

Esdras 8:1

Keso apkelwesey axta apkelámha apmonye'e nepyeseksa apnámakkok, ektémakxa axta chá'a eknaqtáxésamaxche apkelwesey xama ektáhakxa nak chá'a apnámakkok, apkeltaqhémo axta apkeleñama m'a Babilonia yetlo Esdras, aptémakxa axta wesse' apwányam ma'a Artajerjes.

Esdras 8:18

Dios axta keñamak segyentegkásento m'a Serebías, énxet apmopwána axta aqsok, aptáwen neptámen axta m'a levita apwesey axta Mahli, yetlo apketchek tén han apkelyáxeg'a, dieciocho axta apyókxoho.

Esdras 8:22

Hakte ekmegqaktegkek axta ko'o almaxnak sẽlpextétamo apkelchánte nak yátnáxeg ma'a wesse' apwányam, yaqwayam enxoho hẽltaqmelchesek neyseksa nélxega hegaksek ma'a sẽlenmexma nak, hakte néltennassegkek axta negko'o wesse' apwányam, apkeltaqmelchessama chá'a Dios ma'a apyókxoho ektáha nak chá'a apkelya'eykekxa', keñe yehekxak chá'a apmopwána tén han aplo m'a apyókxoho ektáha nak chá'a apyamasma.

Esdras 8:31

Nélxegákxeyk axta néleñama m'a wátsam Ahavá, ekhem doce ektáhakxa axta apkemha apmonye' apxega pelten, nélmeyákxo m'a Jerusalén. Empasmeyk axta Dios egagkok neyseksa nélxega ámay, segésa m'a sẽlenmexma, tén han ma'a apkelmenyexeykegkoho nak.

Nehemías 12:26

Cháxa apheykencha'a axta aphamakxa axta Joaquim xa, Josué axta apketche, Josadac axta aptáwen; tén han aphamakxa axta m'a apkeláneykha apchókxa Nehemías, tén han ma'a apkelmaxnéssesso nak Dios énxet'ák apagkok Esdras, apteme axta apkelxekmósso.

Nehemías 12:36

tén axta han ma'a apnámakkok, cham'a Semaías, Azarel, Milalai, Guilalai, Maai, Natanael, Judá, tén han Hananí, apkelpáwasso axta chá'a m'a David axta apkelpáwasso, apteme axta Dios énxet apagkok, apxegkek axta han apmonye' m'a Esdras apteme axta apkelxekmósso apnámakkok.

Nehemías 2:12

ekxátekha'ak axta axta'a, yetlo sélxegexma'a m'a nápakha énxet'ák, axta eyke altennásak xama enxoho apkeltamhókxa ko'o Dios atnéssesek ma'a Jerusalén. Wánxa axta aqsa sekyentama ko'o m'a seyánte seyánta axta.

Nehemías 2:18

Xama axta ko'o séltennasa ektémakxa sepasmo Dios, tén han aptémakxa axta appeywa seyánagkama m'a wesse' apwányam, aptáhak axta seyátegmowágko s'e: —¡Ageynhok sa' nenláneykekxa tegma! Apkelwasqakkásekpekxók axta yetlo apmáyheykegkoho eltemeykha.

Nehemías 2:8

hegkések sa' han mók weykcha'áhak aptáxésso, yaqwayam axekmósek ma'a Asaf, apkeláneseykha nak naxma apagkok ma'a wesse' apwányam, yaqwayam sa' hegkések yámet séláneykekxa m'a atña'ák nak tegma apyennaqte, apmasma nak ma'a tegma appagkanamap, tén han séláneykekxa m'a nepyáwa nak kélhaxtegkesso tegma apwányam, tén han ma'a tegma yaqwánxa sa' ko'o axek. Élméssek axta ko'o wesse' apwányam xa ekyókxoho nak, hakte epasmomchek axta ko'o m'a Dios ahagkok, ektaqmeleykha nak apwáxok henlano'.

Nehemías 4:15

Xama axta apkelleg'a sẽlenmexma nempenchesa nenláneykekxa nentáhakxa, tén han metekkessesa Dios ma'a yaqwánxa etnahagkok, negyókxoho axta negya'aweykxak ma'a kélhaxtegkesso nak tegma, nélmeyákxeyk axta chá'a enxama m'a ekpayhókxa chá'a néltamheykegkaxa.

Nehemías 8:1

Tén axta apchaqnákxo apyókxoho énxet'ák ma'a eyáxñe, ekpayho nak átog, kéltéma nak Yegmen, keñe axta Esdras, apteme axta apkelxekmósso énxet'ák, kéltamho esanták weykcha'áhak segánamakxa, Moisés axta apagkok, Wesse' egegkok axta apmésso m'a Israel.

Nehemías 8:13

Mók ekhem axta táhak, apchaqnákxeyk axta apyókxoho apkelámha apmonye'e nak chá'a apnámakkok, tén han apkelmaxnéssesso Dios énxet'ák apagkok xamo' ma'a Esdras, apkelxekmósso axta chá'a énxet'ák, yaqwayam enxoho elanok ektémakxa ekpeywa m'a segánamakxa.

Nehemías 8:4

Néten yántéseksek kéllane axta han apkenmáha m'a Esdras, apteme axta apkelxekmósso énxet'ák, kéllane axta chá'a yaqwayam kólmaha xa ektéma nak. Apchaqnáha axta han nápakha ekpayho nak apkelya'assamakxa, cham'a Matatías, Sema, Anías, Urías, Hilquías, tén han ma'a Maaseías, keñe m'a nepsagqalwa nak apchaqneyncha'a, cham'a Pedaías, Misael, Malquías, Hasum, Hasbadana, Zacarías, tén han ma'a Mesulam.

Nehemías 8:9

Apkellekxagweyha axta apyókxoho énxet'ák apkelleg'a ektémakxa ekpeywa m'a segánamakxa, keñe axta meltamho kalyaqhapmakha apkelwáxok, tén han ellekxagwaha apyókxoho m'a Nehemías, apteme axta apkeláneykha apchókxa, tén han Esdras, apteme axta apkelxekmósso apnámakkok tén han apkelmaxnéssesso Dios énxet'ák apagkok, tén han levitas, apkeltennáseykekxoho axta chá'a ektémakxa segánamakxa m'a énxet'ák, cháxa ekhem kélpagkanchessamakxa axta m'a Dios Wesse' apagkok.

Nehemías 9:13

“Tén axta apweyweykento apkenegweykto m'a néten egkexe nak Sinaí, apkelpaqhetchessegkek axta m'a ekpayho nak néten; apméssegkek axta segánamakxa ekpéwomo, tén han nélxekmowásamáxche ekmámnaqsoho, tén han apkeltémókxa nak antéhek ektaqmela.

Salmos 109:27

Elya'ásegwók sa' apteme exchep xa ektáha nak sewagkasso teyp Wesse'.

Salmos 147:19

Cha'a apya'assásegwayam appeywa m'a Jacob, cham'a Israel, tén han ma'a segánamakxa apagkok ekweykekxoho m'a apkeltémókxa nak antéhek.

Salmos 45:1

Lanawók ko'o ewáxok amya'a ekmátsa; hawók ahaxkok ma'a táxésso apmeykencha'awól'a m'a apmopwána nak etaxaksek. ¡Alyetsetchesek sa' ko'o amya'a ekmátsa ahagkok nápaqtók wesse' apwányam!

Salmos 80:18

magyenyewek egagko' sa' negko'o kaxwók xép. ¡Yána sa' ólweynchamha makham, xeyep sa' aqsa chá'a agwónmakha!

Proverbios 3:6

Ná elwánaqma chá'a Wesse' egegkok apkelana enxoho chá'a ekyókxoho aqsok, keñe sa' ma'a, exekmósek chá'a m'a ámay ekpéwomo nak.

Isaías 50:2

¿Yaqsa axta ektéma móteya ko'o xama énxet sekxók axta sekwaya? ¿Yaqsa axta ektéma méko seyátegmoweykegko m'a sélwóneykencha'a axta? ¿Kélanagkamcheya axta ko'o mowanchek alwagkasek teyp? ¿Kélanagkamcheya axta ko'o mowanchek alántekkesek neyseksa aqsok ekmaso? Megkatnohók ko'o apaqhetchesek altamhok keymék ma'a wátsam ekwányam nak tén han wának katnekxak ekyamayéxma m'a wátsam nak; yaqwayam enxoho kaletsapok hem át'ák ma'a kelasma tén han kaltahápok eñama meyke yegmen.

Isaías 59:1

Megkaweywenték apmopwána m'a Wesse' egegkok, apwanchek hegwagkasek teyp. Megkatnehek nahan meyke apeyk'ák eñohok ektemegweykmohóxma.

Jeremías 8:8

Megkólwanchek kéxegke kólxének kélmowancha'a aqsok, tén han ekyetnama m'a Wesse' egegkok segánamakxa apagkok. ¡Ekmowána amya'a apnaqtáxéseyak ma'a énxet'ák apnaqtáxéssáseykegkoho nak chá'a kéxegke weykcha'áhak!

Deuteronomio 28:1

“Naqsók agkok kélyahákxoho kéxegke m'a Dios Wesse' kélagkok, tén han kéllana ekyókxoho m'a apkeltémókxa nak chá'a antéhek séltamho exchek ko'o kóllának se'e sakhem nak, etnéssesek sa' néten agko' kéxegke Wesse' egegkok nepyeseksa m'a apyókxoho énxet'ák apheykha nak keso náxop.

Deuteronomio 4:5

Élxekmóssegkek axta ko'o kéxegke segánamakxa tén han nélánémaxchexa nak antéhek apkeltémo axta ko'o alxekmósek ma'a Dios Wesse' ahagkok, yaqwayam sa' kóllanagkok chá'a m'a apkelókxa yaqwánxa sa' kólhamok.