Esdras 6:1 - Biblia Enxet

¹ Tén axta wesse' apwányam Darío apkeltamho kólchetagkasek weykcha'áhak ma'a kélxátamakxa axta chá'a weykcha'áhak apagkok wesse' apwányam ma'a Babilonia;

Esdras 6:1 ပူးပေါင်းရင်းမြစ်များ

Esdras 4:15

yaqwayam enxoho ektamok ma'a weykcha'áhak apnaqtáxéseyak axta m'a apyapmeyk nano' nak xép wesse'. Étak sa' xép tegma apwányam apkenmexeykekxa, tén han aptawassáseykha chá'a apheykha m'a apkelwesse'e apkelwányam, tén han ma'a mók yókxexma apagkok nak, hakte nanók agko' axta aptamhéyak chá'a apkenmexeykekxa, cháxa keñamak kélmassésseykmo axta m'a.

Esdras 4:19

éltamhók axta ko'o kategyexchek amya'a. Wetáxcheyk axta apkenmexeykekxo chá'a apkelwesse'e apkelwányam xa tegma apwányam nak, cham'a nanók axta, aptekkessama chá'a éllámaxche',

Esdras 5:17

“Leyawók sa' agkok apwáxok xa wesse', yána sa' kólchetagkasek eknaqtáxésamaxche weykcha'áhak apagkok apkelwesse'e apkelwányam nak Babilonia, yaqwayam sa' kataxchek naqsók kexa apkeltémo kólxátekhásekxak Dios tegma appagkanamap apagkok Jerusalén ma'a wesse' apwányam Ciro, hẽltennés sa' negko'o ekxénakxa apwáxok etnéssesek xa, wesse'.”

Esdras 6:22

Siete ekhem axta han apkeláneyak yetlo élpayheykekxa apkelwáxok ma'a apkelsawássessamo nak kelpasmaga meyke kempáseyak, hakte Wesse' egegkok axta apkelpeykessásekxak agko' apkelwáxok, apkeltamho kataqmalmakha apwáxok elanok ma'a wesse' apwányam Persia, tén han epasmok apxátekháseykekxa m'a Dios tegma appagkanamap apagkok, Dios nak Israel.

Esdras 7:13

“Keso séltamhókxa nak ko'o katnehek se'e: Apyókxoho israelitas apmáheyo nak elyetlakxak xép ma'a Jerusalén apheykha nak se'e sektémakxa nak wesse' apwányam, apwanchek elxog, megkeyxek ma'a levitas, essenhan apkelmaxnéssesso nak Dios énxet'ák apagkok.

Job 29:16

máxa apyáp axta ko'o etnék ma'a ekha nak chá'a eyeyméxchexa aqsok aphágkaxa, tén han sélátegmakkáseyak chá'a amya'a m'a apkeleñama nak mók nekha!

Salmos 40:7

Cháxa keñamak sektáha nak seyáneya exchep se'e: Ekheyk ko'o s'e, hágkek eknaqtáxésamaxche weykcha'áhak seyánémaxchexa nak ko'o alána'.

Proverbios 25:2

Nélteméssesso apcheymákpoho Dios eñama appóssamo chá'a xama aqsok, keñe nenteme negáyo apkelwesse'e apkelwányam eñama segya'assásegwayam chá'a m'a aqsok élpowásamáxkoho nak.

Jeremías 36:29

Etne sa' yának se'e: ‘Keso aptáhakxa exchek Wesse' egegkok se'e: Apwatneyk axta exchep weykcha'áhak, appaqhetchessek axta han Jeremías eñama aptáxésso apxeyenma apmáheyo exegmak wesse' apwányam Babilonia emasséssak se'e apchókxa nak, tén han apmáheyo etnessásekxak meyke énxet, tén han aqsok kélnaqtósso.

Jeremías 36:32

Apmeyk axta makham mók weykcha'áhak ma'a Jeremías, tén axta apmésa Baruc, aptáxéssesso axta chá'a weykcha'áhak, aptáxessek axta ekyókxoho m'a aptáhakxa axta apkelyetsetchesso m'a Jeremías, cham'a ekyókxoho ektémakxa axta kéltáxésso m'a weykcha'áhak apkelwatna axta wesse' apwányam Joaquim. Apxegkásekxók axta han ekxámokma mók aqsok apxeyenma Jeremías ekhémo m'a.

Ezequiel 2:9

Tén axta sekwet'a xama kélmek kélya'asakmo m'a ekpayhókxa sekhakxa, weykcha'áhak kélyaqsáseykekxa kéltáxésso axta nahan ma'a.

Ezequiel 3:1

Tén axta aptáha seyáneya s'e: “Xép aptáha nak énxet, etow sa' se'e eknaqtáxésamaxche nak, tén sa' exog elpaqhetchessók ma'a énxet'ák Israel.”

Daniel 9:25

Kéméxcheyk xép ékpelkoho' tén han ey'asagkohok se'e: Kayeykhak sa' siete semána, cham'a sekxók axta eyeynókxa kélmáheyo kólxátekhásekxak makham ma'a Jerusalén, ekwokmoho apwa'a m'a apkemha apmonye' appagkanamap nak, sesenta y dos semána sa' kawomhok kélláneykekxa m'a ámay nak Jerusalén, tén han ma'a kélhaxtegkesso nak nepyáwa', ekyentaxno negha sa' eyke katnehek xa ekhem nak.