Esdras 4:7 - Biblia Enxet

⁷ Aptáxéssessek axta han weykcha'áhak Bislam, Mitrídates, Tabeel, tén han apkelxegexma'a, aptémakxa axta wesse' apwányam Persia m'a Artajerjes. Arameo appeywa axta han kéltáxésso m'a, yetlo kélpékáseykekxa ektémakxa ekpeywa.

Esdras 4:7 ပူးပေါင်းရင်းမြစ်များ

2 Reyes 18:26

Aptáhak axta Eliaquim, Sebná tén han Joah apchátegmowágkokxo sẽlpextétamo asirios se'e: —Hẽlpaqhetches arameo appeywa, anleghok negko'o m'a. Náhẽlpaqhetches hebreo appeywa, hakte aphaxnawók apyókxoho énxet'ák apheykha nak ma'a néten meteymog kélhaxta nepyáwa tegma.

Esdras 4:1

Xama axta apkelleg'a amya'a m'a apkelenmexma nak Judá énxet'ák apagkok, tén han Benjamín, apxátekhásekxo makham Wesse' egegkok tegma appagkanamap apagkok, Dios nak Israel ma'a apkelweykta axta makham kélnaqleykekxa axta megkatnahakxa apkelókxa,

Esdras 4:17

Keñe axta wesse' apwányam Artajerjes apyaqmagkásekxo mók weykcha'áhak apchátegmoweykegkokxa. Aptáhak axta s'e: “Rehúm, apteme nak sẽlpextétamo apwesse', tén han Simsai aptáxéssesso nak chá'a weykcha'áhak, tén han ma'a kélxegexma'a apheykha nak Samaria, keñe han ma'a apheykha nak mók yókxexma ahagkok ekpayho nak ektaxnegwánxa ekhem ma'a wátsam Éufrates: Ekméssek ko'o ekxeyenma ewáxok kéxegke. “Cháxa

Esdras 4:8

Aptáxéssessek axta han weykcha'áhak wesse' apwányam Artajerjes ma'a Rehúm, apteme axta sẽlpextétamo apwesse', tén han ma'a Simsai, apteme axta aptáxéssesso chá'a weykcha'áhak, apkelxéna m'a apheykha nak Jerusalén.

Esdras 4:9

Keso ektáha axta apkeláphasso weykcha'áhak se'e: Rehúm apteme axta sẽlpextétamo apwesse', tén han Simsai aptáxéssesso axta chá'a weykcha'áhak, tén han ma'a apkelxegexma'a énxet'ák segyekpelchémo, tén han ma'a sẽlpextétamo apkelwesse'e, tén han ma'a apkeláneykha nak wesse' apwányam Persia, Érec, Babilonia, tén han ma'a Susa, cham'a Elam, tén han ma'a pók aptémakxa énxet'ák apnaqleykekxa axta megkatnahakxa apkelókxa m'a wesse' apwányam Asnapar, apkeltamhomakpo axta wesse' apwányam apcheymákpoho tén han ekyawe kéláyo, apkelhésseykekxo axta m'a tegma apkelyawe nak Samaria, tén han ma'a pók tegma apkelyawe, halep nak wátsam Éufrates, ekpayho nak ektaxnegwánxa ekhem, keso ektémakxa axta ekpeywa weykcha'áhak se'e: “Wesse' apwányam Artajerjes, nentáxéssessek negko'o exchep weykcha'áhak, nentáha nak xép apkeláneykha, negheykha nak teyp wátsam Éufrates, ekpayho nak ektaxnegwánxa ekhem yókxexma apagkok:

Esdras 5:6

Keso weykcha'áhak aptáxéssesso axta apcháphássesso wesse' apwányam Darío m'a Tatenai, apkeláneykha axta apchókxa m'a halep nak wátsam Éufrates ekpayho nak ektaxnegwánxa ekhem, tén han Setar-boznai, yetlo m'a apkelxegexma'a aptamhéyak axta wesse' apwányam apkeláneykha m'a halep nak wátsam Éufrates ekpayho nak ektaxnegwánxa ekhem.

Esdras 7:1

Wenaqtémók axta han natámen xa, aptémakxa axta wesse' apwányam Artajerjes ma'a Persia, aphegkek axta han xama énxet apwesey axta Esdras, apteme axta Seraías aptáwen neptámen, Azarías, Hilquías,

Esdras 8:36

Keñe axta kélmésa wesse' apwányam aptáxésso apkeltémókxa axta katnehek ma'a apkelámha apmonye'e nak ma'a apchókxa, tén han ma'a apkeltaqmelchesso nak chá'a apkelókxa, apheykha nak ma'a yókxexma teyp wátsam Éufrates, ekpayho nak ektaxnegwánxa ekhem, appasmo axta m'a énxet'ák, tén han ma'a Dios tegma appagkanamap apagkok.

Nehemías 2:1

Xama ekhem axta, pelten kéltéma axta Nisán, ekweykmo axta veinte apyeyam apteme wesse' apwányam, apwet'ak axta ko'o wesse' apwányam ekyaqhápeyncha'a ewáxok neyseksa sekyátegkesso vino,

Isaías 36:11

Aptáhak axta Eliaquim, Sebná tén han Joah apchátegmowagkokxo sẽlpextétamo asirios se'e: —Hẽlpaqhetches arameo appeywa, anleghok negko'o m'a. Náhẽlpaqhetches hebreo appeywa, hakte aphaxnawók apyókxoho énxet'ák apheykha nak ma'a néten meteymog kélhaxta nepyáwa tegma.

Daniel 11:2

Ay'assásegwók sa' ko'o kaxwók xép aqsok ekmámnaqsoho agko': “Etnahagkok sa' makham apqántánxo apkelwesse'e apkelwányam ma'a Persia, keñe sa' emok makham pók apteme wesse' apwányam aptáhakxa nak cuatro, ekxámokma agko' aqsok apagkok sa' etnehek, mexók sa' ma'a apqántánxo nak. Yennaqwokmók agko' sa' agkok apteme ekha apyennaqte, eñama m'a ekxámokma aqsok apagkok, elyáteyagkohok sa' yaqwayam elenmexek ma'a apchókxa Grecia.

Daniel 2:4

Aptáhak axta ekha apmopwancha'a apcháneya wesse' apwányam arameo appeywa s'e: —¡Megkamassegwomek sa' apteme wesse' apwányam! Hẽltennés sa' negko'o ektémakxa chá'a apwanmagko xép wesse', negko'o nentáha nak xép apkeláneykha, keñe sa' óltennaksek chá'a ektémakxa.