Esdras 4:24 - Biblia Enxet

²⁴ Cháxa ektémakxa axta kélmágweykmo kélxátekháseykekxa Dios tegma appagkanamap apagkok ma'a Jerusalén, ekweykmoho aptéma apqánet apyeyam apteme wesse' apwányam Darío m'a Persia.

Esdras 4:24 ပူးပေါင်းရင်းမြစ်များ

Esdras 3:8

Apcheynawok axta apkeláneykekxa Dios tegma appagkanamap apagkok ekwokmo axta apqánet pelten tén han apqánet apyeyam apkelweykekxa Jerusalén ma'a Zorobabel, Salatiel axta apketche, tén han Josué, Josadac axta apketche, yetlo m'a apkelxegexma'a apkelmaxnéssesso Dios énxet'ák apagkok, tén han levitas, tén han ma'a apyókxoho kélnaqleykekxa axta megkatnahakxa apkelókxa apkelweykekxa axta makham ma'a Jerusalén, levitas axta han apkeltamhók exegkesek apkeltamheykha apwayam nak chá'a veinte apyeyam apagkok.

Esdras 4:23

Xama axta kélyetsetchesa weykcha'áhak ma'a Rehúm, tén han Simsai apteme axta aptáxéssesso weykcha'áhak, tén han ma'a apkelxegexma'a nak, cham'a Artajerjes axta apcháphássesso, yetlókok axta han apkelmeyeykekxa apyókxoho m'a Jerusalén. Apkelyennaqtéssek axta apyempe'ék apkeltamho elwátésagkok apkeltamheykha m'a judios.

Esdras 4:5

Apkelméságkek axta han selyaqye nápakha apkelámha apmonye'e apagkok nak wesse' apwányam, cháxa ekyetneykmo axta aqsok yaqwayam elanagkok aptémakxa axta wesse' apwányam Ciro m'a Persia, ekwokmoho m'a aptémakxa axta wesse' apwányam Darío m'a Persia.

Esdras 5:1

Aplegassegkek axta amya'a eñama nak Wesse' egegkok, Dios nak Israel ma'a Dios appeywa aplegasso Hageo tén han Zacarías, Idó axta apketche, cham'a judíos apheykencha'a axta m'a Judá tén han Jerusalén.

Esdras 5:5

Apkeláneykha axta eyke Dios ma'a apkelámha apmonye'e axta judíos, axta eyke emássessekmok sekxók makham apkeltamheykha, apcháphássessek axta sekxók amya'a m'a Darío apkelhaxna yaqwánxa etnehek apchátegmowéyak.

Esdras 6:1

Tén axta wesse' apwányam Darío apkeltamho kólchetagkasek weykcha'áhak ma'a kélxátamakxa axta chá'a weykcha'áhak apagkok wesse' apwányam ma'a Babilonia;

Esdras 6:14

Cháxa ektémakxa axta apxegkessama aqsa apkeltamheykha apxátekháseykekxa tegma m'a apkelámha apmonye'e nak judíos, aptémakxa axta apkelxeyenma m'a Dios appeywa apkellegasso, cham'a Hageo tén han Zacarías, Idó axta apketche. Appenchásamákpek axta kélxátekháseykekxa m'a tegma appagkanamap, apkeltémókxa axta etnahagkok ma'a Dios apagkok nak Israel, apkeltémókxa axta han etnahagkok ma'a Ciro, Darío, tén han ma'a Artajerjes, kelwesse'e apkelwányam axta m'a Persia.

Esdras 6:15

Appenchásamákpek axta tegma appagkanamap ekhem tres, pelten apkeltamhomakpexa nak Adar, ekweykmo axta seis apyeyam apteme wesse' apwányam Darío m'a Persia.

Nehemías 6:3

Keñe axta séláphasa ko'o sélápháseykha séltamho eltennaksek méko ekhem ahagkok, eñama sélane sektamheykha ekyawe, tén han mowanchek axog, keytnamok nentamheykha m'a sekxega enxoho ay'ammok.

Nehemías 6:9

Apkeltamhók axta hẽlyegwakkasek, ekxéna apwáxok hẽlháxexchássók mampenaksek ma'a néltamheykha, ekyánchessekmók axta eyke aqsa ko'o sekwasqapma sektamheykha.

Job 20:5

yaqwátawók chá'a katnehek ekpayheykekxa apwáxok ma'a ekmaso nak aptémakxa; yaqwatakxoho m'a apchátseykha nak.

Daniel 11:2

Ay'assásegwók sa' ko'o kaxwók xép aqsok ekmámnaqsoho agko': “Etnahagkok sa' makham apqántánxo apkelwesse'e apkelwányam ma'a Persia, keñe sa' emok makham pók apteme wesse' apwányam aptáhakxa nak cuatro, ekxámokma agko' aqsok apagkok sa' etnehek, mexók sa' ma'a apqántánxo nak. Yennaqwokmók agko' sa' agkok apteme ekha apyennaqte, eñama m'a ekxámokma aqsok apagkok, elyáteyagkohok sa' yaqwayam elenmexek ma'a apchókxa Grecia.

Daniel 9:25

Kéméxcheyk xép ékpelkoho' tén han ey'asagkohok se'e: Kayeykhak sa' siete semána, cham'a sekxók axta eyeynókxa kélmáheyo kólxátekhásekxak makham ma'a Jerusalén, ekwokmoho apwa'a m'a apkemha apmonye' appagkanamap nak, sesenta y dos semána sa' kawomhok kélláneykekxa m'a ámay nak Jerusalén, tén han ma'a kélhaxtegkesso nak nepyáwa', ekyentaxno negha sa' eyke katnehek xa ekhem nak.

Hageo 1:1

Appaqhetchessegkek axta Wesse' egegkok ma'a apkeláneykha nak apchókxa Judá, cham'a Zorobabel, apketche axta m'a Salatiel, tén han ma'a apkemha apmonye' nak apkelmaxnéssesso Dios énxet'ák apagkok, cham'a Josué, Josadac axta apketche, aplegasso appeywa Hageo axta eyke apchásenneykekxa', cham'a ektéma axta apqánet apyeyam apteme wesse' apwányam ma'a Darío, eyeynókxa axta ekxega émha amonye' ekhem ma'a pelten seis.

Hageo 2:15

Kaxén sa' kaxwók kélwáxok kéxegke s'e, eyeynamo s'e sakhem nak, tén han ma'a egmonye' sa'. Amonye' kélxátekháseykekxa tegma appagkanamap,

Hageo 2:18

Sakhem veinticuatro, pelten nueve, kélnegkenágko ekyennaqtéssamakxa nak apowhók ma'a tegma appagkanamap ahagkok.

Zacarías 1:1

Keso appeywa apmésa axta Wesse' egegkok Zacarías apteme axta Dios appeywa aplegasso, Berequías axta apketche, Idó axta aptáwen, ekweykmo axta ocho pelten apteme Wesse' apwányam ma'a Darío, aptáhakxa axta apqánet apyeyam. Aptáhak axta apcháneya s'e: